, Удмуртиысь калык кылбуръёслэсь, творчествозэ дышетонын краеведческой материалэз уже кутон.
Котькуд калык кужмо но дано луэ аслаз культураеныз, историеныз, литератураеныз.
Асьме Удмурт шаерысь писательёслэн творчествозэс эскериськом, шермылэн историеныз, мукет калыкъёслэн литератураенызы герзаса.
Удмурт литературая урокъёсын, озьы ик шаертодонъя занятиосын дышетскись нылпи мед яратоз литератураез, шаерзэ, чеберез валаны мед дышоз, быгатисьёссэ кысконо творчество борды.
Мон 30 ар пала Варзи-Ятчи шор ёзо школаын нуисько удмурт кылъя но литературая урокъёсты, Берло аръёсы вань шаертодонъя факультативъёсы.
Школаын учебно-воспитательной процесс радъямын эколого-краеведческой направлениея.
Нылпи садын но начальной школаын шаертодонъя интегрированной курс радъямын «Изучение удмуртской культуры, привитие национального самосознания» ужезъя.
Нош 5 – 9 классъёсын краеведениея урокъёс нуисько (со арняяз одиг час луэ). Факультативной занятиос нуон понна, программа гожти «Затча музъем – , Удмурт Элькунысь калык кылбурчилэн вордскем интыез».
Программа юрттэ кылбурчилэн вордскем интыосыныз, чыжы-выжыосыныз (родословноеныз), творчествоеныз пыр-почгес тодматскыны. Нылпиос нуо поисково-исследовательской уж, родословной таблицаос лэсьто, дышетско экскурсиос ортчытъяны. Дышетскон дыр чоже шаерысьтымы тужгес но дано но тодмо адямиосын пумиськонъёс ортчытъяськом: , но мукетъёсыныз.
Трос ужрадъёс ортчытъяськом, , военной журналистэз, буре вайыса, школамы солэсь нимзэ нуллэ.
Ми дорын вордскем дано суредась – школаямы котьку витем куно вал.
Солэн юрттэмезъя но директормылэн чектэмезъя, мон мылысь-кыдысь ужай удмурт кылъя но литературая кабинетэз оформить карон бордын. Кабинет , Удмуртиысь калык поэтлы, сизеем комната – музей кадь луиз. Стендъёс лэсьтэмын кылбурчилэн гожъям бумага листъёсыз выллем, кудъёссэ вакытлэн но дырлэн тол тулкымез кытчы ке азьлань нуэ… Стендъёс люкемын ньыль люкетлы.
Нырысетиез стенд возьматэ кылбурчилэсь Затчалан улэм вакытсэ: со семьяезлэн туспуктэмез, пичи дырыз, дышетскемез, фотографиос интыямын вожалэс буёло листъёс вылэ, куд-огаз суредамын пичиесь тодьы сяськаос.
Кыкети стенд возьматэ кылбурчилэсь ожмаськон вакытсэ, со нимамын «Мар война та?» Листъёс пеймыталэс - горд буёлэн буямын. Татчы интыямы фронтовой туспуктэмъёсты: кылбурчи-танкист, наградаосыныз туспуктэм, атаезлэн шайгу вылаз туспуктэм, улияз гожъямын кылбуръёсын чуръёс.
Куинетиез бадзым стенд нимаське «Сюлэмысен кутске кырзан» шуыса. Яркыт – чужо но вожо листъёс вылын интыямын кылбур сборникъёслэн вылбамзы, кылбур чуръёс, туспуктэмъёс. Таиз стенд возьматэ гожъяськон вакытысьтыз тужгес но трос ужан дырзэ.
Ньылети стенд пичигес ни, со буямын куренялэс - чуж буёлэн. Отын но татын горд палэзь зускиос – возьматэмын кылбурчилэн сизьылэз. Кылбуръёсысь берпумети чуръёс, улонлэн ортчемез сярысь малпаськон: «Быдэстытэк кельтэм ужме только Бен кин-о быдэстоз?...» Та стендэ интыямы на Алнаш ёросысь егит гожъясьёслэсь туспуктэмзэс – соос азьланьто кылбурчилэсь гожъяськон öрзэ.
Та стендъёсъя дасямын экскурсоводъёс, соос лыктэм куноос понна быгато куинь кылын, тунсыко но пыр-поч мадьыса, экскурсия ортчытыны.
Тазьы оформить карем кабинетэ юрттэ тунсыко урокъёс ортчытъяны.
Кабинетын литературно-краеведческой кружоклэсь занятиоссэ ортчытъяськомы, дано кылбурчилэн будэм музъем вылаз одно ик кылбур гожъянъёс мед луозы.
Зеч пормем, чебер кылбуръёсмес «Чингыли гуръёс» бордгазетэ поттиськомы, алигес школаямы пичи кылбур сборник поттим, нимамы «Чингыли Варзи гуръёс» шуыса, жоген кыкети сборник поттымон кылбуръёс люкаськозы ни.
Ваньмыз тазьы ужаммы нылпиослы юрттэ, дыр, улонын сюрес бырйыны, ньыльдон пала дышетскисьёсы йылпумъязы ни УдГУ-ысь кылъя но литературая, журналистика факультетэз.
Со сяна, мон яратисько суредъёсыз бордын ужаны. Школамылэн 1-ти этажаз солэн картинаосыз выставка радъямын, со зеч наглядной материал луэ туж юрттэ изобразительной искусстволэн видъёсыныз, жанръёсыныз тодматскыны.
Александр Николаевич удмурт выжыкылъёсъя кылдытиз нырысети удмурт мультфильм, фольклорез дышетыку ини сое уже кутиськомы.
матысь тодмоез вал. Кык талантливой адямиосты герзало вал творчество ласянь вераськонъёс, портэм ужъёс.
1992 арын «Луысал ке берыктыны» одигез умойёсысь полысь умоез кылбур книгаез потиз. Та сборникысь куд-ог кылбуръёссэ ми факультатив занятиосын эскериськомы.
Нош та сборникысь кылбуръёслы эскизъёс, графической суредъёс лэсьтиз , со суредъёс юртто кылбуръёслэсь пуштроссэ усьтыны.
Кылсярысь, вылбамаз сьод вал суредамын, со тып! дугдэм но мышсэ учке, вите кыче ке адямиез. Валлэн образэз – со Байтеряковлэн творчествоез яратоно образ – символ луэ. Со дыртись дыр – вакыт, кыче ке кужым, нош сьод вал – кайгу но война сярысь ивор, дыр.
Пушласянь вылыз куренялэс – чуж буёлэн оформить каремын, сизьыл дыр син азе пуксе, вужеро бадьёс, шашыос Варзи шур дуре някырскиллям кадь. Нош мукет страницаяз удмурт дэремен чебер нылмурт возьматэмын, небыт йырсиосыз толъя луиллям. Писпу улын сылись нылмурт мур малпаськонэ усем, сизьыл тол писпу куаръёсты уськытъя.
Кин бен со? Варзи сярысь преданиысь нылмурт яке кылбурчилэн, лирической геройлэн яратоно муртэз? Суред лыдзисез тунсыкъяськытоз солэн тупась кылбурез утчамез но лыдземез потоз
Сборниклэн мукет главаяз вить поэма пыртэмын : «Эштэрек», «Кыдёкысь гудыри», «Солдатъёс ке кошко», «Солдатлэн данэз», «Ыштэм кырзан». Глава кутскон азьпал страницаын пересь крезьчи суредамын. Со пуке дауръем кызлэн мыркез вылын, кудизлэн выжыосыз позыръяськыса пыдло музъеме кошкиллям. Коня ке карандаш гожъёсын гинэ лэсьтэм суред, но со дася лыдзисез батыр Эштэреклэн яке Омель Пугачлэн ож сюресъёсыз сярысь кылзыны.
Коноваловлэсь «Гаян» романзэ лыдзыку, мон верасько Пугачёвлэн асьме палти ортчемез сярысь, со сярысь верало инты нимъёс: Казакгурт, Пугачка шур, Варзи дорысь Каргурезь, нылпиос исследовательской ужъёс лэсьто. А. Абрамовлэсь «Е. Пугачев» портретсэ чошатиськом М. Коноваловлэн «Гаян» романысьтыз но «Кыдёкысь гудыри» поэмаысь литературной портретэн.
Шаертодонъя занятиосын нылпиос мыло-кыдо пырисько проектно-исследовательской ужъёссы. Кылсярысь, «Приданое удмуртской невесты», «О роли полотенца в жизни удмуртов», «Удмуртские символы».
«Военный журналист » (Шорникова Марина – 9 кл.).
« – заслуженный врач России» – «Паймымон нылкышно» (о женщине – труженице Конькиной Сербияне, которой исполнилось 100 лет). « поэзиез кылчеберман амалъёс», «Сюлэмысен кутске кырзан» (), «Дары чынэн пычам чуръёс» ().
Удмурт культуралы сизем месячникъёс дыръя котькуд ар бадзым концерт дасяськомы. Анай - атайёсын, нылпиосын, дышетисьёсын чош таче ужрадъёс ортчытъяськом школаямы яке Культурая юртын.
кырзанъёсыз, «Финно-угор калыклэн кырзанъёсыз но эктонъёсыз», «Конкурс моделей в фольклорном стиле».
номырин чошатонтэм чебересь кырзанъёсыз но кылбуръёсыз огазеяло уно калыкез, со сярысь верало жильыртись ошмес дураз пумиськонъёс.
Та праздникын (со кылбурчилэн юбилейёсыз) котькудиз мылкыд карись лыдзе яке кырза кырзанзэ. но кылбуръёссэ лыдзылиз, тодаз вайылиз пичи дырзэ война вакытэз, матысь эшъёсыз зеч кылъёс вераллязы. Та пумиськонъёс дыръя туспуктэмъёсын лэсьтэм стендъёс, альбомъёс юртто выль ужрадъёс ортчытъяны.
сярысь тунсыко материал шедьтыны луоз Варзи-Ятчи шор ёзо школалэн библиотекаысьтыз но сельской библиотекаысь.
Озьы нуналысь нуналэ, урокысь уроке котырысь талантливой адямиосын чеберлыкен тодматскыса, нылпиос дышо поисково-исследовательской уж нуыны, шаерзэс, анай-атайзэс, гажаны.
Уже кутэм литература
1. «Луысал ке ваньзэ берыктыны» И. 1992
2. «Народная педагогика удмуртов» И. 1997
3. Традиционное поведение и общение удмуртов И. 1992
4. «Калык сямъёсты чакласа» И. 1995
5. «Краеведческое образование в современной школе» ж. «Вордскем кыл» 2006 № 11 – 12.
