Сёньня ў выпуску

Кроніка грамадзкага жыцьця Гарадзеншчыны ад Грамадзкага аб’яднаньня “Цэнтр “Трэці сектар” а/с 54, Гародня, тэл./, e-mail: [e-mail] www: sektar.cjb.net Выпуск 192 (15 кастрычніка 2005г.)	Сёньня ў выпуску:
Супраць гандлю людзьмі Дайце студэнтам вучыцца Агеньчык салідарнасьці Стартуе Беларуская Школа Лідараў Дармовыя пераклады На Каляды ў Летуву Стыпэндыя для журналістаў Над выпускам працавалі: Алеся Бяленік (рэдактарка выпуску); Волька Астроўская, Вітаўт Руднік

Кроніка грамадзкага жыцьця Гарадзеншчыны

Падзеі:

Супраць гандлю людзьмі У Гародні адбыўся Міжнародны семінар па каардынацыі дзейнасьці ў сфэры папярэджаньня і прадухіленьня гандлю людзьмі. Семінар быў праведзены 12-14 кастрычніка ў межах праекту ЭС/ПРААН “Барацьба з гандлем жанчынамі ў Рэспубліцы Беларусь”. Удзельнікі сустрэчы падзяліліся досьведам працы і мерамі, якія прымаюцца па супрацьдзеяньню гандлю людзьмі ў Беларусі. За дадатковай інфармацыяй зьвяртацца да супрацоўніка па пытаньнях камунікацыі праекту Марыі Маліноўскай па тэл. (0-17) . Падрыхтавала Алеся БЯЛЕНІК

Кроніка грамадзкага жыцьця Гарадзеншчыны

Падзеі:

Дайце студэнтам вучыцца Яўгена Скрабутана, студэнта трэцяга курсу філялягічнага факультэту Гарадзенскага дзяржаўнага універсітэту імя Я. Купалы, зноў спрабуюць адлічыць з гэтай навучальнай установы. Пра гэта Яўген даведаўся ў сераду ад прарэктара па навучальнай працы і сацыяльных пытаньнях Тацьцяны Бадзюковай, якая выклікала яго да сябе “на размову”. – Падчас “размовы”, на якой прысутнічаў дэкан факультэта Віталь Царлюкевіч і невядомы чалавек ў цывільным, якога прадставілі універсітэцкім юрыстам. Мяне абвінавацілі ў выпуску і распаўсюдзе маладафронтаўскіх улётак, здрадзе ідэалам дзяржаўнай маладзёвай палітыкі, тэрарызме. Прыгразілі выключыць з унівэрсытэту разам з паловай аднакурснікаў, – расказаў карэспандэнту ПАГОНІ Яўген Скрабутан. Падставай для падобнай “размовы” стаў адзін экзэмпляр улёткі фармата А4 з выявай чалавека ў масцы ды рагаткай ў руках і тэкстам “Не дазволім запляміць гонар і славу нацыі!”, які знаходзіўся на стале ў спадарыні прарэктар. Улётка была напісана ад імя Маладога Фронту, а ў якасьці кантактнага быў пазначаны нумар мабільнага тэлефону, якім карыстаўся Яўген Скрабутан. Следства па факту распаўсюджваньня ва унівэрсытэце маладафронтаўскіх улётак працягваецца. Падрыхтавала Волька АСТРОЎСКАЯ, Паводле pahonia.promedia.by

Кроніка грамадзкага жыцьця Гарадзеншчыны

Падзеі:

Агеньчык салідарнасьці 16 кастрычніка а 20 гадзіне нераўнадушныя грамадзяне па ўсёй беларусі запаляць свечы ў знак салідарнасьці зь людзьмі, блізкія каторых супраціўляліся існаму рэжыму і былі выкрадзеныя пры няясных абставінах. Яны змагаліся з дыктатурай і прапалі бязведаньня знаходжаньня. Такім чынам беларускія актывісты прапануюць адсьвяткаваць Дзень беларускай салідарнасьці. Запалі і ты Паводле www. charter97.org

Кроніка грамадзкага жыцьця Гарадзеншчыны

Абвесткі:

Стартуе Беларуская Школа Лідараў Аб’яднаньне “Школа лідараў” , Варшава, Польшча адчыняе Беларускую Школу Лідараў. Да ўдзелу ў праекце запрашаецца моладзь ва ўзросьце ад 18 да 30 гадоў, якая імкнецца працаваць на карысьць беларускага грамадзтва і якая зацікаўленая ў міжнародным супрацоўніцтве. Тэрмін рэалізацыі праекту – 1 лістапада 2005 году – канец лютага 2006 году. У межах праекту пройдзе 10-дзённае навучаньне ў Польшчы, падчас якога прадугледжаныя трэнінгі, сустрэчы з маладымі лідарамі з краін Цэнтральна-Усходняй Эўропы, а таксама навучальныя візіты ў польскія НГА. Пасьля навучальнага курсу ўдзельнікі праекта падрыхтуюць пляны ўласных міні-праектаў, лепшыя зь якіх будуць адабраныя і прафінансаваныя Школай лідараў. Зацікаўленыя павінны даслаць запоўненую анкету, а таксама кароткае апісаньне плянаў дзейнасьці ў вашым рэгіёне. Тыя, хто пройдзе першы этап спабору, будуць запрошаныя нас суразмову ў Менск. Усе выдаткі кампенсуюцца Школай лідараў. Апошні тэрмін падачы заяўкі – 25 кастрычніка. Заяўкі неабходна даслаць па эл. пошце на адрас: e-mail school. *****@***ru. Дадатковую інфармацыю можна атрымаць на вэб-пляцоўцы: http://www. szkola-liderow. pl/strona/116179.html альбо па тэл9. Падрыхтавала Алеся БЯЛЕНІК

Кроніка грамадзкага жыцьця Гарадзеншчыны

Абвесткі:

Дармовыя пераклады У Сеціве зьявілася вэб-пляцоўка “Пераклады для Прагрэсу”, скіраваная дапамагчы у перакладах пісьмовых тэкстаў няўрадавым арганізацыям, якія ня маюць на гэта грашовых сродкаў. Гэтаксама “Пераклады для Прагрэсу” маюць на мэце прыхіліць студэнтаў замежных моваў і прафэсійных лінгвістаў, якія зацікаўленыя ў атрыманьні прафэсыйнага досьведу перакладу альбо якія жадаюць больш блізка пазнаёміцца з рознымі НГА. Гэтая вэб-пляцоўка задзіночвае перакладчыкаў-валянтэраў і НГА пасяродкам пошукавай базы дадзеных. Больш падрабязную інфармацыю можна знайсьці на самой вэ-пляцоўцы “Пераклады для Прагрэсу”: www. translationsforprogress. org Падрыхтавала Сашка ВЕРАЦЕЙЧЫК

Кроніка грамадзкага жыцьця Гарадзеншчыны

Абвесткі:

На Каляды ў Летуву Інстытут Летувы пры падтрымцы Летувіскага пасольства і “ Комсомольской правды ” ў Беларусі абвяшчае спабор для студэнтаў “Летува – наш сусед”. Умовы спабору: патрэбна ад свайго імя напісаць праект (бізнэс-ідэю) супрацоўніцтва Летувы і Беларусі ў палітыцы, культуры, эканоміцы, грамадзкім жыцьці ды ў іншых сфэрах. У сьнежні спэцыяльнай камісыяй будуць адабраныя 5 лепшых праектаў. Яшчэ адзін праект абяруць чытачы “ Комсомольской правды ”. У пасольстве Летувы адбудзецца прэзэнтацыя гэтых праектаў. Аўтары ідэяў сустрэнуцца з палітыкамі, эканамістамі, грамадзкімі дзеячамі і г. д. Гэтаксама аўтары праектаў, якія перамаглі ў спаборы, перад Калядамі на некалькі дзён паедуць у Летуву. Апісаньне праекту павінна месьціцца ня болей, чым на двух друкаваных аркушах. Апошні тэрмін падачы праектаў – 6 сьнежня. Ідэі патрэбна даслаць на адрас: 220005 Минск, а/я 192 альбо па эл. пошце: *****@***by з пазнакай «Летува – наш сусед». Падрыхтавала Сашка ВЕРАЦЕЙЧЫК

Кроніка грамадзкага жыцьця Гарадзеншчыны

Абвесткі:

Стыпэндыя для журналістаў Стыпэндыяльная праграма прапануе журналістам зь Беларусі, Украіны, Расеі ды Малдовы прайсьці навучальны курс цягам трох месяцаў у Журналісцкім каледжы пры Вольным унівэрсытэце ў Бэрліне. Тэрмін атрыманьня стыпендыі – 01.04.06 – 30.06.06. Побыт ў Нямеччыне ўключае ў сябе: - акадэмічны курс у Журналісцкім каледжы - практыка ў Бэрлінскім медыйным прадпрыемстве - заключная паездка ў іншы рэгіён Нямеччыны. DAAD сплочвае штомесяц стыпендыю ў памеры 780 эўра, а таксама аплочвае кошты за праезд. Стыпендыянтам прапануецца пражываньне ў інтэрнаце за пазабюджэтныя сродкі. Умовы для кандыдатаў: - узрост да 32 гадоў - быць выпускніком ВНУ ня болей 5 гадоў таму - мець скончаную вышэйшую адукацыю - некалькігадовы досьвед працы - добра валодаць намецкай мовай (на ўзроўні Mittelstufe). Апошні тэрмін падачы заяўкі – 15 кастрычніка. Заяўкі падаюцца на адрас: Філія DAAD у Маскве Праграма «Міжнородныя журналісты» пр. Ленинский 95-a 119313 Москва, Россия Тэл.: +7 , факс : +7 , эл. пошта: *****@***ru Дадатковую інфармацыю пра праект, а таксама пералік дакумэнтаў, неабходных для заяўкі, і форму аплікацыі можна знайсьці на вэб-пляцоўцы: http://www. jil. fu-berlin. de. Падрыхтавала Алеся БЯЛЕНІК