ВЫКАНАЎЧЫ КАМІТЭТ ИСПОЛНИТЕЛЬНЫЙ КОМИТЕТ
АДДЗЕЛ АДУКАЦЫІ ОТДЕЛ ОБРАЗОВАНИЯ
ЗАГАД ПРИКАЗ
19 красавіка 2013 г. № 249
г. Барысаў г. Борисов
Аб правядзенні раённага этапу
рэспубліканскага конкурсу
творчых работ «Мясціны майго дзяцінства»
На падставе загада ўпраўлення адукацыі Мінаблвыканкама № 000 ад 11.04.2013 г. з мэтай фарміравання ў маладога пакалення грамадзянска-патрыятычных пачуццяў, нацыянальнай самасвядомасці, адказнасці за адраджэнне і захаванне гісторыка-культурнай і прыроднай спадчыны сваёй малой радзімы
ЗАГАДВАЮ:
1. Раённаму вучэбна-метадычнаму кабінету аддзела адукацыі Барысаўскага райвыканкама () арганізаваць правядзенне раённага этапу рэспубліканскага конкурсу творчых работ «Мясціны майго дзяцінства» (далей – конкурс).
2. Зацвердзіць умовы правядзення, састаў журы конкурсу.
3. Кіраўнікам устаноў адукацыі забяспечыць удзел педагогаў і навучэнцаў у конкурсе.
4. Кантроль за выкананнем загаду ўскласці на намесніка начальніка аддзела адукацыі Салянік Н. У.
Начальнік аддзела (подпіс) А. А.Жэжа
Стасава
3 экз.: справа, РВМК, УА
ЗАЦВЕРДЖАНА
Загад начальніка
аддзела адукацыі
Барысаўскага райвыканкама
г. № 000
УМОВЫ ПРАВЯДЗЕННЯ РАЁННАГА ЭТАПУ
РЭСПУБЛІКАНСКАГА КОНКУРСУ ТВОРЧЫХ РАБОТ
«МЯСЦІНЫ МАЙГО ДЗЯЦІНСТВА»
1. Асноўнымі мэтамі і задачамі конкурсу з'яўляюцца:
фарміраванне ў маладога пакалення грамадзянска-патрыятычных пачуццяў, нацыянальнай самасвядомасці, адказнасці за адраджэнне і захаванне гісторыка-культурнай і прыроднай спадчыны сваёй малой радзімы;
духоўнае ўзбагачэнне асобы навучэнца праз далучэнне да матэрыяльнай і духоўнай спадчыны сваіх землякоў, фарміраванне каштоўнасных арыенціраў, гонару і павагі за дасягненні сваіх землякоў;
удасканаленне дзейнасці ўстаноў адукацыі па грамадзянскім і патрыятычным выхаванні моладзі праз актыўнае іх уключэнне ва ўсебаковае вывучэнне і папулярызацыю гісторыка-культурнай і прыроднай спадчыны сваёй малой радзімы;
сістэматызацыя агульнавядомых гістарычных, культурных, эканамічных, прыродных, сацыяльных каштоўнасцей малой радзімы, выяўленне яе малавядомых адметнасцей;
папулярызацыя асаблівасцей гісторыка-культурных і прыродных дастапомнасцей малой радзімы;
прывіццё даследчых навыкаў, пашырэнне і паглыбленне інтэлектуальных і пазнавальных магчымасцяў;
развіццё творчых здольнасцей удзельнікаў конкурсу;
выяўленне і заахвочванне лепшых юных даследчыкаў у рэгіёнах – актыўных удзельнікаў конкурсу;
стымуляванне матывацыі навучэнцаў да актыўнага ўключэння ў пазнавальную творчую дзейнасць.
2. Конкурс праводзіцца з 25 красавіка па 25 жніўня 2013 года ў два этапы:
першы этап (адборачны) – ва ўстановах адукацыі;
другі – раённы;
3. Удзельнікі конкурсу даследуюць, а затым творча (сцэнічна) прадстаўляюць гісторыка-культурныя, сацыяльныя, прыродныя і іншыя адметнасці малой радзімы ў форме візітоўкі.
Візітоўка – змястоўнае раскрыццё адметнасцей матэрыяльнай і духоўнай культуры малой радзімы, «расказ» аб сваёй мясцовасці, аб найбольш значных падзеях, постацях, аб’ектах доўжыцца да 15 хвілін з выкарыстаннем розных мастацкіх вартасцей. Ствараецца відэафільм візітоўкі.
Канчатковы матэрыял складаецца з творчага прадстаўлення навучэнцамі адметнасцей малой радзімы (візітоўка), відэафільма прадстаўлення, кароткіх тэкставых звестак аб прадстаўленых аб’ектах. У конкурсе знаходзяць адлюстраванне і вынікі даследаванняў, атрыманыя ўдзельнікамі папярэдніх творчых і краязнаўчых конкурсаў рэспубліканскай акцыі «Жыву ў Беларусі і тым ганаруся».
4. Асноўныя крытэрыі ацэнкі конкурсных работ:
змястоўнасць, інфармацыйная напоўненасць;
улік рэгіянальных асаблівасцей;
творчасць, мастацкая прываблівасць, арыгінальнасць падачы матэрыялу;
артыстызм, выкарыстанне касцюмаў;
прытрымліванне хранаметражу.
5. Конкурсныя матэрыялы прадставіць у раённы вучэбна-метадычны кабінет () да 20 жніўня 2013 года.
6. Пераможцы раённага этапу ўзнагароджваюцца дыпломамі аддзела адукацыі Барысаўскага райвыканкама і дасылаюцца да ўдзелу ў абласным этапе рэспубліканскага конкурсу.
Рэспубліканскі этап праводзіцца ў два туры: папярэдні і выніковы. На папярэднім туры рэспубліканскага этапу конкурсу разглядаецца відэаматэрыял творчага прадстаўлення адметнасцей малой радзімы, а на выніковым – творчае прадстаўленне навучэнцамі сваіх конкурсных работ.
ЗАЦВЕРДЖАНА
Загад начальніка
аддзела адукацыі
Барысаўскага райвыканкама
г. № 000
Састаў журы раённага этапу
РЭСПУБЛІКАНСКАГА КОНКУРСУ ТВОРЧЫХ РАБОТ
«МЯСЦІНЫ МАЙГО ДЗЯЦІНСТВА»
1. Салянік Н. У. – намеснік начальніка аддзела адукацыі Барысаўскага райвыканкама, старшыня журы;
2. – загадчык раённага вучэбна-метадычнага кабінета аддзела адукацыі Барысаўскага райвыканкама;
3. - метадыст раённага вучэбна-метадычнага кабінета аддзела адукацыі Барысаўскага райвыканкама;
4. Кратовіч Н. А. – метадыст раённага вучэбна-метадычнага кабінета аддзела адукацыі Барысаўскага райвыканкама;
5. - начальнік аддзела раённага вучэбна-метадычнага кабінета аддзела адукацыі Барысаўскага райвыканкама.
6. - начальнік аддзела раённага вучэбна-метадычнага кабінета аддзела адукацыі Барысаўскага райвыканкама.
