Уроклöн тема: Вöр – миян озырлун.
Ведущая цель урока: Повторить изученный материал, выразить своё отношение к природе и проблемам нас окружающих.
Для достижения цели нами поставлены следующие задачи:
1. Учебные:
- формировать целостное представление о природе и ее многообразии;
- обучить оформлению результатов своей работы.
2. Развивающие:
- развитие познавательного интереса;
- развитие аналитическое и критическое мышление учащихся в процессе творческого поиска и выполнения учебных исследований;
- развитие логического мышления (анализ, сравнение, обобщение);
- развитие навыков по применению эколого-биологических знаний на практике.
3. Воспитательные:
- воспитание экологической грамотности;
- формирование нравственных качеств учащихся.
Тип урока: урок – обобщение
Методы обучения:
Частично – поисковые методы.
Метод проблематизации.
Формы обучения: индивидуальная, работа в группах, взаимообучение.
Педагогические технологии: информационно-коммуникативная, деятельностный подход, элементы технологии сотрудничества, технология критического мышления, проектная технология.
Структура урока: мотивация, введение в тему урока, погружение в тему урока, первичное закрепление знаний, расширение знаний, итог, закрепление, рефлексия.
Формы организации познавательной деятельности: индивидуальная, групповая.
Оборудование: мультимедийная система, Коми кыв учебник. 8 класс.
Дисциплины, включаемые в проект: коми язык, экология, биология.
Участники проекта: учащиеся 8 класса МОУ «СОШ» п. Аджером.
Предварительная подготовка. Работа групп над проектом. Время предварительной подготовки к занятию - 1 неделя. Класс делится на 3 группы (по желанию учащихся). Результаты работы представляются в виде презентаций.
Дöска вылын: серпас – вöр, гижöд – Достоевский шулöма: «Кодi оз радейт вöр – ва, сiйö абу гражданин». Плакат «2013 – год окружающей среды» (комиын символ – кöрпи), уроклöн план.
Журнал «Ловъя ва»
1. Турунвиж лист бок - Вöр – олöм.
2. Сьöд лист бок – «Вöрзьöдö сьöлöмöс».
3. Гöрд – «Оз позь…»
4. Лöз – «Ме кö эськö вöлi …»
5. Кольквиж рöм – «Кодi сэсся, ог кö ме!?»
6. Оранжевöй – «Кöсйыся!»
Уроклöн мунöм.
Видза оланныд. Ставлы бур лун да бур удж!
-Кыдзи тi асьнытö кыланныд?
-Кутшöм настроениеöн воинныд урок вылö?
-Видзöдлöй дöска вылö. Мый йылысь ми кутам сёрнитны урок вылын?
-А мый тi тöданныд вöр йылысь? Мый он на тöдöй? Мый кöсъянныд тöдмавны?
- Ми кöсъям тöдмавны кутшöм проблемаяс миянöс кытшалысь вöр - ваын и кыдзи сiйöс бырöдны.
-А колö-ö сёрнитны та йылысь?
Талунъя урок миян – сiйö тöдöмлунъясöн юксьöм. Ми вöчам аслыспöлöс журнал, кодi кутас шусьыны «Ловъя ва». Тадзи жö шусьö миян районса «Звезда» газетлöн экологическöй вестник. (петкöдлыны).
Ми кутам уджавны группаясöн -3 группа.
1. Медводдза лист бокыс – турунвиж, бергöдам - сэнi гижöма: Вöр – олöм.
Коми мортлöн олöмыс нэм чöж йитчöма вöркöд. Вöр сiйöс кöмöдiс и пасьтöдiс, вердiс, удiс, шонтiс и гажöдiс. Зэв бура та йылысь гижлiс Зоя Васильевна Шиликова «Коми му – бать-мамлöн му» кывбурын.
Эм кöть войвылын мичаджык муяс,
Ачыс Комиыс мич вылö туяс,
Кутшöм джуджыдöсь Комиын пуяс!
Кутшöм еджыдöсь ельдöга дзуяс!
Пуыд Комиад ён да кыз вужъя:
Нэр пу пармаын некор оз вужъясь,
Коми вöрпалöн шань олан гуяс.
Кутшöм донаöсь миян звер куяс!
Коми вöралысь тöдö вöр туйяс –
Вöрöд ковтöгыд сiйö оз уяв.
Бипур пестiгöн корсяс кос чуя,
Шуля сюмöдсö öд вылö сюяс.
Тöдö вöралысь ставсö, мый туйö.
Коми вöр-ватö пуктö ас туйö.
Коми муöй дай ас чужан муöй,
Тэныд копыртчам улöдз ми, муöдз.
Сетам кыв медводдза чукöрлы, кодъяс дасьтiсны презентация «Вöр – миян озырлун»
(Челядьлöн висьталöм).
2. Водзö листыштам журналнымöс. Тайö сьöд лист бокыс шусьö- «Вöрзьöдö сьöлöмöс».
Мый жö шогöдö миянöс мукöд дырйиыс вöрын? Кутшöм нелючкияс эмöсь миянöс кытшалысь вöрыслöн? Та йылысь висьталасны миянлы мöд чукöр. (Челядьлöн висьталöм + презентация)
Йöзлöн лёквöчöм йылысь уна гижöны газет-журналын, сёрнитöны телевизор пыр. Тайö жö омöльторсö кыпöдöны асланыс кывбуръясын коми поэтъяс. Вайö лыддямöй гижысьяслысь кывбуръяссö и сёрнитыштам сэтöн кыпöдöм нелючкияс йылысь.
-Лыддьыны, вуджöдны, висьтавны, кутшöм сьöлöм кылöмъяс гижысьлöн.
1 чукöр – С. Попов. Кыдз пулы морöс вылас.
2 чукöр – А. Мишарина. Мый лоас водзö?
3 чукöр – Н. Симпелева. Энö лыйлöй еджыд юсьясöс.
(Челядь дасьтысьöны чукöрöн, а сэсся висьтасьöны.)
3. Мунамöй водзö. Коймöд лист бок – гöрд – «Оз позь!»
-Кыдзи колö асьтö кутны вöрын? Кутшöм правилöяс эмöсь? Уськöдам тöд вылö. (Велöдöмтор мöдпöвёвтöм)
Чукöръяс гижöны, а сэсся висьталöны. Позьö и сiдз казьтыштны, быдöн висьталöны, мый кольöма юрас.
· Озпозь чегъявны пуяс.
· Оз позь жуглыны лэбач позъяс
· Оз позь нетшкыны дзоридзьяс, вотöс розъяс
· ….
· .…
4. Лöз лист бок – «Ме кö эськö вöлi…»
Челядь, кодi вермас тайö став мытшöдъяссö бырöдны?
-Кыдзи бырöдны нелючкиторсö?
-Вöлiнныд кö тi…(сетны быдöнлы бумагатор, кытчö гижöма разнöй должностя йöзöс) Мый эськö вöчинныд?
· Вöр-ва дöзьöритан министерствоса веськöдлысь
· Миян с/с веськöдлысь
· Вöралысь
· Вöрса
· Пера-багатыр
· Грин-пис котырын
· Вöр-ва видзысьöн
· Школаын веськöдлысь
· Вöр комбинатöн веськöдлысь
(Недыр мöвпалöм бöрын челядь öта – мöд бöрся висьтасьöны)
Но тi, челядь абу министръяс, абу веськöдлысьяс, абу Пера-багатыръяс ни. Тi Аджером шöр школаын велöдчысьяс. Мый тi верманныд вöчны? Кыдзи тi верманныд дорйыны, видзны-дöзьöритны вöр-васö, сынöдсö.
5. Листыштам нöшта лист бок - кольквиж рöма – «Кодi сэсся, огö кö ми!?» Сетам кыв коймöд чукöрлы, кодъяс дасьтiсны «Экодесант» проект. (Челядь висьтасьöны).
6. И медбöръя лист бок оранжевöй – «Кöсйыся!»
-Челядь, вайö ми сетам клятва (кöсйысьöм). Ме кута лыддьыны, а тi сюся кывзöй да шуалöй «Кöсйыся!».
Кöсйысьöм.
Ме коми муын олысь морт кöсйыся!
· Радейтны и видзны менö гöгöртысь вöр – васö. ( Кöсйыся!)
· Пыр отсавны пуяслы, быдмöгъяслы, вöрпалы. ( Кöсйыся!)
· Ог кут вöрын пестыны ковтöг бипур. ( Кöсйыся!)
· Ог кут жуглыны лэбач позъяс да кодзувкоткаръяс. ( Кöсйыся!)
· Ог коль веськодьöн, аддза кö, мый кодкö вöчöма омöльтор вöр – валы. ( Кöсйыся!)
Видзöдлöй, челядь, кутшöм интереснöй журнал миян артмис!
Ми эскам аскиа лунлы и тöдам, мый тайö луныс миян киын, и шудаöн-ö ми лоам, ставыс ас сайын. Кутам кö ми овны пöль – пöчöн лöсьöдöм пыдди пуктана оласног серти, ставыс, дерт, артмас. Окота помавны талунъя сёрни В. Уляшовлöн «Сиктса морт» кывбурысь кывъясöн:
«Коми мортыд вылын нимсö кутö
Пыдди пуктö «гижлытöм закон».
Звер-пöткатö, вöртö, мутö, ютö
Он тэ пасьйы, жугöд, некор он!»
Уроклы кывкöртöд.
Челядь, кутшöм кывкöртöд верманныд вöчны талунъя урок вылын сёрниысь? (вöчöны кывкöртöдъяс алгоритм серти).
-бура-ö тэ уджалiн?
-кутшöм сьöкыдлунъяскöд паныдасинныд?
-мый меным медъёна кажитчис?
-пуктi аслыд оценка.
