Факультатыўны занятак па матэматыцы

Падрыхтавала класны кіраўнік Кухарчык Вольга Іванаўна

Факультатыўны занятак па матэматыцы

Тэма: Рашэнне задач – казак.

Мэты:

1. Развіваць у вучняў творчую актыўнасць;

2. Развіваць у вучняў лагічныя разважанні, лагічнае мысленне;

3. Фарміраваць цікавасць вучняў да прадмета “Матэматыка” сродкам рашэння задач – казак;

4. Павышаць узровень матэматычнага развіцця вучняў;

5. Выхоўваць цікавасць да чытання твораў сусветнай літаратуры;

6. Выхоўваць самастойнасць, утвараць умовы для раскрыцця творчага патэнцыялу вучняў;

Абсталяванне: магнітафон, малюнкі, карткі з заданнямі, партрэт пісьменніка;

Ход занятку:

І. Арганізацыйны момант.

Гучна празвінеў званок і змоўк –

Пачынаецца ўрок.

-  Сядайце, калі ласка!

Сёння вас чакаюць казкі!

ІІ. – Дзеці, у вас не ўзнікла пытанне?

- Чаму на факультатыве па матэматыцы будзе ісці размова пра казкі?

Давайце паразважаем.

– Якая сувязь паміж матэматыкай і казкамі? Як вы думаеце?

Правільна!

ІІІ. – Якая тэма нашага занятку?

-  Чым будзем займацца на ўроку?

-  Што будзем развіваць?

-  Што будзем выхоўваць?

ІV. Пачынаем працу. Наш маршрут ( паказаць)

Адкрыць першы аркуш паперы.

Вусная размінка: гульня на ўважлівасць “Палічы - 3”

Правіла гульні: вучні па чарзе “ланцужком” называюць лікі па парадку: 1, 2, 3, 4, 5, 6 і г. д. Калі лік дзеліцца на тры альбо змяшчае ў ліку лічбу 3 – гэты лік не вымаўляецца, пры гэтым вучань павінен пляснуць у далоні. Той, хто памыліўся – сядае.

V. – Дзеці, успомнім матэрыял мінулых заняткаў.

Палічыце:

ІІ + ІV = 6 VІІІ + V =13

ХІ – І = 10 ХІІІ + Х =23

ХІІ – Х = 2 ХІV +І V =18

ІХ + Х = 19 ХХ + ХХХ = 50

Лікі дзеці ставяць на дошку.

VІ. - Дзеці, вы любіце чытаць казкі?

Гульня “Назаві лікі”

1)  Колькі было алавяных салдацікаў, родных братоў па мацеры – старой алавянай лыжкі? (25)

2)  Праз колькі цюфякоў і пухавікоў адчула гарошыну сапраўдная прынцэса? (40)

3)  Колькі манет даў салдат хлопчыку, які прынёс агніва (крэва)? (4)

4)  Колькі дзвярэй было ў падземным ходзе, калі салдат залез у дупло старога дрэва? (3)

5)  Колькі лямп гарэла ў вялікім падземным ходзе? (100)

6)  Колькі гадоў было старэйшай русалачцы? (15)

7)  Самая малодшая русалачка маладзейшая за старэйшую на 6 гадоў. Колькі гадоў самай малодшай русалачцы? (9)

25, 40, 4, 3, 100, 15, 9

VІІ. Размясціце, гэтыя лікі ўпарадку ўбывання

19 4 3 2

З А Г А Д К І П А К А З К А Х

VІІІ. Слухаем і адгадваем.

Казачная героіня.

І не рыба, не дзяўчына.

А плавае? (Русалачка.) ( адкрыць аркуш паперы)

Русалачка вам дае заданне:

Настаўнік паказвае карткі з умовай задачы, дзеці складаюць задачы

а потым рашаюць.

1.Залатыя – 420 рыбак

Сярэбраныя – ?, у 2 разы < ?

Пурпурныя – ?, на 143 >

На баль да русалак прыплыло 420 залатых рыбак, сярэбраных – у 2 разы менш, чым залатых, а пурпурных – на 143 больш, чым сярэбраных. Колькі рыбак прыплыло на баль да русалачак?

2. 1 вянок - 48 жамчужын

2 вянкі - ? жамчужын

На выраб вяночка для Русалачкі пайшло 48 жамчужын. Колькі жамчужын спатрэбіцца для двух такіх вяночкаў?

39 водаваротаў

3. Праплыла – 1/3 частку ўсіх

Засталося -?

Каб трапіць да ведзьмы, Русалачцы трэба было праплыць праз 39 водаваротаў. Яна праплыла трэцюю частку ўсіх водаваротаў. Колькі водаваротаў засталося праплыць Русалачцы?

І Х. Наступная загадка.

Вы ведаеце казку пра Герду і Кая?

Там ёсць каралева, халодная, злая.

Ці можаце, дзеці, вы мне падказаць,

Спадарыню снегу як зваць - велічаць?

( Снежная каралева.) ( адкрыць аркуш паперы)

З чаго ў Снежнай каралевы быў замак?

Заданне ад каралевы ( парная работа)

1.  Палічыць, колькі фігур з лёду склаў Кай?(12)

2.  Знайсці аднолькавыя сняжынкі. №2, 5 (індывідуальная работа)

Х. Фізкультмінутка “Хлопчык і дзяўчынка”

ХІ. Слухаем загадку.

У якой казцы, якія птушкі вызваліліся ад злога закляцця з дапамогай адзення, сплецянага з крапівы

( Дзікія лебедзі.) ілюстрацыю адкрыць

Хто гераіня гэтай казкі?

Заданне ад Элізы: Рашыць задачу. ( на выбар дзяцей)

·  Эліза прайшла 25 км са скорасцю 5 км/г і 24км са скорасцю 4 км/г. Колькі часу была Эліза ў дарозе?

1.

- Аб чым гэта задача?

- Колькі кіламетраў прайшла Эліза спачатку?

- З якой скорасцю яна ішла?

- Колькі яна прайшла кіламетраў потым?

- З яко скорасцю яна прайшла 24км?

2.

- Што абазначае лік 25?

- Што абазначае лік 4?

- Што абазначае лік 5?

- Што абазначае лік 24?

- Што трэба даведацца ў задачы?

3.

Будуем чарцёж да задачы – умовы (кароткі запіс).

__5км/г ?г __4км/г

________________________________._____________________________

25км 24км

4.

Пошук рашэння задачы. Разважаем і чэрцім граф-схему.

- Што трэба даведацца ў задачы?

- Як знайсці колькі часу Эліза была ў дарозе?

- Ведаем, колькі часу яна была ў дарозе, каб прайсці 25км?, а 24км?

- Можам знайсці, колькі часу Эліза патраціла, каб прайсці 25км?

- Можам знайсці, колькі часу Эліза патраціла, каб прайсці 24км?

?

- Як знайсці?

 

5. Афармленне рашэння задачы.

Як будзем афармляць? ( лікавым выразам, па дзеяннях з тлумачэннем, па пытаннях)

1)  25 : 5 = 5(г) – Эліза ішла 25км

2)  24 : 4 = 6 (г) – Эліза была ў дарозе, каб прайсці 24км

3)  5 + 6 = 11(г) – Эліза была ў дарозе

Адказ: 11 гадзін Эліза была ў дарозе.

6.

Праверка рашэння задачы. Скласці адваротную задачу.

Эліза была ў дарозе. Да прыпынку яна ішла 5г са скорасцю 5км/г. Пасля прыпынку ішла 6г са скорасцю

4 км/г. Знайдзіце адлегласць, якую прайшла Эліза?

Рашыць задачу.

1)  5 · 5 = 25(км)

2)  6 · 4 = 24(км)

7. Творчая работа. Скласці аналагічную задачу.

Лебедзі праляцелі 50км са скорасцю 3км/г і 40 км са скорасцю 5км/г. Колькі часу яны патрацілі на шлях?

ХІІ. Фізкультмінутка для вачэй.

·  Моцна заплюшчыць вочы, палічыць да пяці, затым хутка адкрыць іх і зноў палічыць да пяці. Паўтарыць 2 – 4 разы

·  Хутка памаргаць, далічыць да дзесяці. Затым заплюшчыць вочы і зрабіць паўзу на 2 – 3 с. паўтарыць 4 – 5 разоў.

·  Павольна зрабіць кругавыя рухі вачыма злева - направа 2 разы і справа - налева 2 разы. Зрабіць паузу. Памаргаць. Паўтарыць 2 – 4 разы.

·  Паглядзець на бліжні прадмет, затым хутка перавесці зрок на які – небудзь далёкі прадмет. Паўтарыць 2 – 4 разы.

ХІІІ. Наступная загадка.

Незвычайная дзяўчынка

Прыляцела на галінку.

Стала на лісток,

Быццам на масток.

(Дзюймовачка.) адкрыць ілюстрацыю

Заданне ад Дзюймовачкі:

Задачы для самастойнай работы.

1.  Ластаўка разам з Дзюймовачкай праляцела 1378км, ім засталося праляцець яшчэ 1974км. Якую адлегласць павінны праляцець ластаўка разам з Дзюймовачкай?

1378 + 1974 = 3352(км)

2.  У прыданае( пасаг) Дзюймовачцы 4 павукі сплялі па 29 ажурных сурвэтак. Колькі ўсяго сурвэтак сплялі павукі?

29 · 4 = 116 (с.)

3.  116 рыбак прыплыло на дапамогу да Дзюймовачкі. З іх

29 карасёў, а астатнія акуні. У колькі разоў больш акунёў, чым карасёў, прыплыло на дапамогу да Дзюймовачкі?

Праверыць рашэнне задач.

1)  116 – 29 = 87 (ак.)

2)  87 : 29 = 3(р)

ХІV. Звярніце ўвагу. Усе ілюстрацыі адкрыты. Засталася адна.

- Як вы думаеце, што на апошняй ілюстрацыі?

- Хто аўтар гэтых казак? (Ханс Крысціян Андэрсен)

(адкрыць ілюстрацыю)

ХV. Падвядзенне вынікаў занятку.

- Якая тэма занятку?

- Чым займаліся? я ўспомніў, даведаўся, зразумеў

- Над чым трэба яшчэ працаваць?

- Дзеці, трэба чытаць казкі?

ХVІ. Рэфлексія.

- Які герой казкі вам больш падабаецца?

Дзюймовачка. (дзецям раздаць малюнкі з Дзюймовачкай)

На дошцы тры кветкі:

жоўтая – было цікава працаваць на занятку;

сінія – было не цікава працаваць ;

чырвоная –былі вельмі цяжкія заданні ;

Дзеці павінны прымацаваць Дзюймовачку на кветку.

Дзякую за працу.