|
|
 |
2015 оной декабриин 16-най № 000
Улаан-Үдэ хото
«Хотын медицинын түргэн туһаламжын нэрэмжэтэ клиническэ больница» гэһэн элүүрые хамгаалгын гүрэнэй бюджедэй байһан эмхи зургаанай түхэл хубилгаха аргаар «Уласай медицинын түргэн туһаламжын нэрэмжэтэ клиническэ больница» гэһэн элүүрые хамгаалгын гүрэнэй бэеэ даанги эмхи зургаан байгуулха тухай
Буряад Уласта медицинын туһаламжа нарижуулха зорилгоор, «Бэеэ даанги эмхи зургаанууд тухай» 2006 оной ноябриин 3-най дугаарай Федеральна хуулиин, «Буряад Уласай гүрэнэй зѳѳри хүтэлэлгын юрэнхы заршамууд тухай» 2000 оной январиин 28-най дугаарай Буряад Уласай Хуулиин үндэһэн дээрэ, Буряад Уласай Засагай газар иигэжэ тогтооно:
1. 2016 оной январиин 1-һээ «Хотын медицинын түргэн туһаламжын нэрэмжэтэ клиническэ больница» гэһэн элүүрые хамгаалгын гүрэнэй бюджедэй байһан эмхи зургаанай түхэл хубилгаха аргаар «Уласай медицинын түргэн туһаламжын нэрэмжэтэ клиническэ больница» гэһэн элүүрые хамгаалгын гүрэнэй бэеэ даанги эмхи зургаан (саашадаа – бэеэ даанги эмхи зургаан) байгуулха.
2. Бэеэ даанги эмхи зургаанай албанай мэдэл Буряад Уласай Элүүрые хамгаалгын яаманда хабаатай гэжэ тодорхойлхо.
3. Буряад Уласай Элүүрые хамгаалгын яаманда (Кожевников В. В.) даалгаха гэбэл:
3.1. Буряад Уласай нэрэһээ бэеэ даанги эмхи зургаанай үүсхэн байгуулагшын эрхэ түлѳѳлэлгэ болон үүргэ бэелүүлхэ.
3.2. 2016 оной январиин 1 болотор бэеэ даанги эмхи зургаанай устав болон гүрэнэй даабари бэлдэхэ ба баталха.
3.3. Бэеэ даанги эмхи зургаанай гүрэнэй бүридхэлдэ абтаһан үдэрһѳѳ хойшо долоон хоногой туршада бэеэ даанги эмхи зургаанай адаглалгын зүблэл байгуулха.
3.4. Бэеэ даанги эмхи зургаанай гүрэнэй захил дүүргэлтын мүнгэнэй хангалга тус сангай жэлэй республикын бюджедэй мүнгэнэй хэмжээн соо бэелүүлхэ.
3.5. Шэнээр эмхидхэлгын гүрэнэй бүридхэлдэ абтаһан үдэрһѳѳ хойшо һарын туршада Буряад Уласай Засагай газарай 04.04.2008 дугаарай тогтоолоор баталагдаһан Буряад Уласай нэрэһээ тэдэнэй мэдэлэй гүрэнэй эмхи зургаануудай үүсхэн байгуулагшын эрхэ түлѳѳлэлгэ бэелүүлдэг Буряад Уласай гүрэнэй засагай гүйсэдхэхы зургаануудай нэрэ тоолборидо хубилалтануудые оруулхые хараалһан Буряад Уласай Засагай газарай захиралай проект бэлдэхэ.
3.6. Бэеэ даанги эмхи зургаан байгуулгатай холбоотой байгша хууляар хараалагдаһан бусад үйлэ бэелүүлхэ.
4. Бэеэ даанги эмхи зургаанда шууд хүтэлбэриин эрхээр үгтэһэн хогшол зѳѳриин тоолбори тус тогтоолой хабсаргалтын* ёһоор баталха.
5. Тус тогтоолой дүүргэлтын хиналта Буряад Уласай Толгойлогшын ба Буряад Уласай Засагай газарай Хиналтын хороондо () даалгаха.
6. Тус тогтоол гар табигдаһан үдэрһѳѳ хүсэндѳѳ орохо.
Буряад Республикын Толгойлогшо – Буряад Республикын Правительствын Түрүүлэгшэ | В. Наговицын |
*Хабсаргалта сахим оньһото түхэлѳѳр ород хэлэн дээрэ
