Видимус книгъ врядовых Замку гродъского Овруцкого

35/16/0/3.5/296: Ekatrakty z akt  sadow grodskich Owruckich z lat 1620

Видимус  книгъ врядовых

Замку гродъского Овруцкого

Лита Божого нароженя тысяча пятсот деведесятого мца майа пятогонадцатого дніа. Передомною Рафаломъ Витовским подстаростим Овруцким будучим от его млсти пана  Абрама Мишки з Варковичъ столника земли Волынское старосты Овруцкого.  Иж поведала ее милсть пани Гарасимовая Суриновая пани Ганъна Ермолянка озвавши мене в доми свое  во ймении  Годотемлі будучи хора з Божего допущенія тестаменътъ котрого учинила задоброе  памети и вцалом и зуполъномъ розуме будучи. Которы тестаменътъ,  давши мне до рукъ, сама просила абы его прочитавши до книгъ записових Овруцких казала вписати.  Котрого я тестаменту, припатривши  ся на нем  печать и вичитавши  спочатку аж до конъца, казал есми  его до книгъ замкових вписати. Который тестаментъ слово от слова таки в собе  маетъ.

Я, Герасимовая Суриновая Ганъна Ермолянка, землянка гродъская воєводства Киевского, будучи на осужона з допущенья Божого  хоробою обложною, веруя в добро памети и в цалом, а в зуполномъ розуме моем паметаючи нато иж нет ничого на высшого  над смерть, а напевнейшого яко година смерті,  а иж на свети  вси речи с памети людское  сплывають и в забытя приходят вынайденое абы кождая речъ писмом была ствержона. Про то я,  паметаючи на то абы  малжонокъ мой его милост панъ Гарасим Сурин по смерти моей о детях моих, которые маю с першим  мужем моим небожикомъ паном Иваном Маркевичом Краснодворскимъ  Яна а Тимофея а дочки Богданы якое трудности науживал. Напрод теды поручаю пану Богу душу мою,  а по смерти моей тело мое грешное малжонокъ мой  его милость пан Гарасим Суринъ поховати мает у монастыри  свеое Пречистое на Заручаи. А запродто порядне, ведлугъ обычаю нашого хрестиянъского закону,  учинены  место заплаты за працу малжонокъ мой его милости пану Богуфалу Павши, подсудку земскому киевскому, яко справцы того монастыра  лист его??? не шесть копъ грошей у малжонка моего бывш (его? затерте) живота моем малжонъка моего з детми моими  в покою зоставити. Што мий? тот? малжонокъ мой бывший небожчикъ панъ Иванъ Марковичъ тестаментом остатнею волею своею отписал мне по живота своем вси речи рухомые,  я мала и довели на зволным шафунъкови нижли  доложил  то естли бы што зостало тых речей рухомых по животе моем,  жебы пришли на дети наши, которые есмь з ним зсплодили: на Яна,  а Тимофея, а Гордыя. Што колвекъ тых рухомых речей было по небожчику малжоъку моем зостало еще за живота  моего  - розшафовала сыном моим на потребы их и свои роздала. Веле же? што есче тых речей по смерти моей позостало, маеть малжонокъ мой его млстъ панъ Гарасим Суринъ по смерти моей сынам моим Яну и Тимофею котел горелчаный  ардучий? кухенъный, воловъ пары две, коровы две,  свиней великих шестеро,  подос.. четверо. А што в тестаменте своем  тотже малжонокъ мой отписал, абы ми  по смерти его сыну нашому Яну коня сивого, которого мел от пана Василя Тяпинъского (ОГО ТОТ САМЫЙ? Кстати, служил в хоругви Ф. Кмиты Чернобыльского) https://ru. wikipedia. org/wiki/%D0%A2%D1%8F%D0%BF%D0%B8%D0%BD%D1%81%D0%BA%D0%B8%D0%B9,_%D0%92%D0%B0%D1%81%D0%B8%D0%BB%D0%B8%D0%B9_%D0%9D%D0%B8%D0%BA%D0%BE%D0%BB%D0%B0%D0%B5%D0%B2%D0%B8%D1%87) тое все ему,  што есть в тестаменте описано,  яко тож ножа шаблю оправную серебром и кубокъ серебреный,  тоже отдала  до рукъ  его за живота моего. А сыну моему Тимофею отписал даты ножа тисавого лытого сычня (сытного) з гербомъ золотым ряд серебром оправный  и кубокъ серебряный,  ножа з рядом вже отдала,  а сытням и кубокъ серебряный зоставую тому сыну  моему Тимофею при малжонъку моемъ,  его млсти пану Гарасиму Сурину, который сытнем  и кубокъ а теж тиляй? брунатный атласовый мае его милост пан малжонокъ мой отдати  до рукъ  /А. 2 зв/ сына моего Тимофея. А инъшия речи рухомые по небожчику малжонъку  моему пну Ивану Маркевичу полосталых и в шафунку  моем подданых ничого  при малжонъку моем миломъ  пану Гарасиму Сурину незоставую, бо ми все тое еще за живота  моего  розшафовала.  Которых речей  рухомых всех, а вшеляких,  яко золота, серебра, а грошей  готовых, перла, шат,  цыны, меди,  начинья железного,  всякого быдла  и збожа сынове мои Янъ а Тимофей  и дочъка Богдана на малжонъку моем поживати не мают и не будут  мочи вечными часы. А зоставшиеся по смерти малжонъка  моего бывшого, пана Ивана Маркевича, платечи долги небожчиковине  и закладаючи сыновъ моих Яна а Тимофея  до служебъ зацных пановъ на выправы,  так тежъ накладаючи  направы,  позычила и взяла  у малжонъка  моего его млсти  пана Гарасима Сурина педесят копъ грошей монеты литовское.  На што  есми его млсти или своей с печатью моею и с печатьми знацных людей дали небожчика пана Ивана Марковича  в певной суме  пнзе петисот копъ грошей заставила. Есми  в моц  и в держанье подала одно село  того именя Годотомля, названое Ляховичи,  со всими  людми в томи селе мешкаючими,  зо всеми ти повиностями, подачками, а службами и всим. А всими  кгрунтами до того села  належачими. Которая справа натом  листе  моем  заставное естъ до статечне  описана,  наи доложона. А што се дотычеся  именья Годотомля  в повете Киевском  лежачого,  которое мого оти малженъка  моего бывшого  пана Ивана Маркевича в пятисот  копъ грошей монеты литовской записаное,  з вольным шафункомъ тое  сумы і выща менованое паметаючы, я на верную милость бывшого малжонъка моего  и на вси  добродейства и  учинъности его на мне уделаныями,  луючи теж детки  мой з ним  спложоные на йме Яна а  Тимофея Куныци. З милости моей матери мое тые именя моя Годотемля в повете Киевском лежачое, яко двор з будованьями дворными з городы и всими кгрунтами пашными дворными, з бояры и людми тяглыми,  до того именья прислухаючими, и их всякими повиностями тыми по исполенню???? останею волею моею сыном моим Яну а Тимофею на  том именью  Годотомли полпетиста копъ грошей монеты литовское даю дарую и записую. Которыми по животе моемъ волно будет тое имеее Годотомля и в дар до рукъ своих в моц и в держанье взяти и на себе до отданья сумы пенезей держати,  кроме толко в том именью Годотомли в село Ляховичи ничим се вступати з моцы владности малжонъка моего его млсти пана Гарасима Сурина выймовати немалым и не будуть мочи нео тдавши сумы пнезе пятидесят копъ грошей монеты литовское. И  тому малжонъку моему пану Гарасиму Сурину мает половицу всее пашни дворное годотимленъское яко жита  такъ и всякое  ярины сего року тепер идучого  тясяча пятсот деветдесятого пожати и ку своему пожиткови обнрнути. А сынове мои Ян и Тимофей того его млсти боронити не мают. Ак жем именья Годотомля  сыном моимъ Яну а Тимофею сим тестаментом моим  по смерти моей записала привиля и вси листы на тое именье Годотомле на Красный Дворец  вси на все меновите списавши на реестрь одинъ реестрь списаня тых листовъ  с печатю моею и с печатми зацных людей зоставила при его млсти пну Гарасиму Сурину малжонку мое.  /А.3/ А другий также реестръ с тыми ж справамиз слова у слово написаных кладши у скрыню мою и запечатавши ее печатю моею и некоторых приятелей моих его млсти пана Михайла Силы,  а пана Василья Коркошки, а пана Семена Мочулского возного Киевского дала есми до схованья приятелеви  моему его  милости пну Рафалу Витовскому подстаростему Овруцкому. А въ его млстиивих одержавши на тую скрыню с тыми справами тотивих? при малжонку моему его милости пану Гарасиму Сурину зоставила и не могучи я за обложною  хоробою моею для сознанья того тестаменту моего до вряду ехати ведже? заховываючисе водлугъ науки статутовое,  уживши прозбами моими и вызвавши  в домего милости пана Богуфала Павшу  подсудка земского киевского,  тот тестаментъ остатнюю волю мою перед  его млостю очевисте оказавши и вызнавши  просила,  або его млоть до того  тестаменту  моего печат приложити и руку подписати.  Што его милост на прозбу мою очевистую учинити рачил,  до которого тестаменту, я Ганъна Ермолаевна печат свою приложила. А при справованью того тестаменту моего  приятели мои были их млсти панове  панъ Якубъ Павша,  панъ Петръ Подбелский (С. Ш -  отримав Безсолицю в Овруцькому повіті в таборі під Псковом) , пан Григорей Покалевъский,  а панъ Василий Коръкошка земяне повету киевского, панъ Петръ Невмирицкий,  а панъ Семенъ Мочульный? возные гродъские киевские,  которые их милости панове вышей помененые за очевыстою,  а усною прозбою моею до того тестамененту моего печати свои приложити рачили.  Писанъ у Полохачеви лета от нароженья сына Божого тысяча пятсот девятдесятого мца мая четвртого надцать дня.  Подписъ рукъ тыми словы Богуфал Павша подсудокъ воеводства Киевского рука власная, Якубъ Павша рукою властною, Петръ Подбелский власная рука,  Григорей Покалевский рука власная, Василей (затерто, «Мат»феевичъ Коркошка рука власная,  Семенъ Александровичъ возный рука власная. Которого очевистого оповеданья ее милости пани Гарасимовое Суриновой пани Ганъны Ермолянки выслухавши и тот тестамент у книги замковыя уписавши, за прозбою ее милости выпис книгъ под печатю моею его милости  пану Гарасиму Сурину малжонъку ее млости ей выданъ.  Писанъ у Вовручом. Который видимус за прозбою пана Яна Маркевича подпечатью мене Рафала Витовского подстарости его Овруцкого панъ Ян Маркевич (заклеено) ….влян писанъ у во Вручомъ

Дмитръ Рапштынски писар