Знания дороже всего
(Урок литературного чтения (удмуртского) в III классе по татарской народной сказке)
Елена ЕМЕЛЬЯНОВА,
учитель удмуртского языка и литературы Мал-Лызинской средней школы Балтасинского района
Пуктэм азьмугъёс: «Тодон-быгатон котьмарлэсь дуно» бигер калык выжыкылэн тодматоно но отысь бигер калыклэсь мылкыдзэ, улон сямъёссэ шараяны условиос кылдытоно; текстлэсь пуштроссэ лыдземлэсь азьпал валаны дышетоно; лыдӟем произведенилэсь пуштроссэ сэрттон-пертчон быгатонлыксэс азланьтоно, вераськон кылзэс узырмытоно, творческой быгатонлыксэс азинтоно.
Личностной ужъемышъёс: удмурт но бускель калык фольклорен тунсыкъяськемзэс азинто; геройёслэсь сямъёссэс, ужъёссэс дунъяло; лыдзем текстъя мылкыдзэс верало.
Метапредметной ужъемышъёс:
Регулятивной УУД: дышетйсен ӵош уроклы мугъёс пукто но пуктэм ужпумез быдэсто; чаклам радлыкъя ужало; ужамзэс дунъяло; валче ужаны дышетско.
Познавательной УУД: текстысь кулэ ивортодэтэз шедьтыло; верамъёсты текстысь предложениосын юнмато; карточкаосын ужало; дышетйсен ӵош огъянъёс лэсьто.
Коммуникативной УУД: :кылзэс волято но малпанъёссэс радъяса шара верало; мукет муртъёслэсь верамзэс кылзо но валаны тыршо.
Предметной ужъемышъёс: быдэс кылъёсын, валаса, шонер, мыло-кыдо лыдзисько;
«Тодон-быгатон котьмалэсь дуно» бигер калык выжыкылэн тодматско; калык выжыкыллэсь тодметъёсс висъяло; текстысь валтйсь малпанзэ шедьто; визькылъёслэсь пуштроссэс выжыкыллэн валтӥсь малпанэныз герзало.
Уроклэн типез: выль тодон-валан басьтон урок.
Тирлык: учебник «Лыдзон книга. 3 класс. 2-ти люкетэз. (, )», картинной но предметной суредъес; ужан карточкаос, горд, вож но чуж буело сигнальной карточкаос.
Ужан кабъес: фронтальной уж, кузэн ужан, индивидуальной уж.
Уроклэн мынэмез (ход урока)
Урокын зеч мылкыд кылдытон но кылэз волятон.
Чырткемесь, кин лыктӥз ужаны уроке!
Зечбуресь, кин вуиз ми доры куное!
Сӥзиськом ваньдылы зеч мылкыд,
Ужамы ог-огмес валанлык.
– Ойдолэ нырысь ымдуръёсмес «сайкатом», чебер но валамон вераськыны дасялом. Кылмес волятом чуж карточка вылын гожтэм кылбуръя
Тюри-тюри-тюрагай
Лыз инме тубем ни ай.
Та чебер шаер сярысь
Со кырза-маде сюлмысь.
– Нырысь ас поннады лыдзе, собере шыпыт куараен ӵош лыдзыны тырше, бӧрысь - зол куараен яке куарадэс пумен кужмоятыса.
– Ма сярысь кырза тюрагай? (Вордскем шаер сярысь.)
Гуртысь ужез эскерон
- Кылем урокын кыӵе ёзэтэз асьмеос йылпумъямы? («Дуно Удмурт шаере»)
– Дорады ти вордскем шаер кыллы синквейн гожтиды. Пормиз-а ужды?
– Мар со сыче синквейн?
Синквейн - 5 чуръем кылбур.
- кин? ма? юанъёслы верась 1 кыл; - кыӵе? юанлы верась 2 кыл; - ма каре? юанлы верась 3 кыл; - со сярысь предложениен верано; - огъясь кыл.Синквейн таӵе пӧрмыны быгатоз:
- Вордскем шаер. Мусо, шулдыр. Шумпоттэ, бордаз кыске, будэтэ. Вордскем шаер котькинлы дуно. Анай.
Ужпумо югдур кылдытон но уроклы азьмугъёс пуктон люкет.
Доска вылын Лӧпшо Педуньлэн суредэз.
- Кин туннэ асьме доры куное лыктэм? (Лӧпшо Педунь.) Учке ай, со асьмелы пуртэс (пуры) дасям (слайд вылын).
Лыдзыса эскером:
Одӥг гуртын... | |
Кыдёкысь- кыдёкысь... | Кыӵе ке но шаерын... |
Улӥллям- вылӥллям... | Кемалась- кемалась, вашкала дыръёсы. |
– Валады-а, мар дасям Лӧпшо Педунь? (Таӵе кылъёсын выжыкылъёс кутско.)
– Озьыен, туннэ урокамы выжыкыл сярысь вераськом. Кыӵе удмурт калык выжыкылъёсын асьмеос тодматскимы 3-ти классын? Тодады вайыны юрттозы суредъёс. (Дышетись суредъёс возьматэ: «Уродэсь эшъёс», «Медо», «Бекче».)
– Кыче туркымъёслы люкисько калык выжыкылъёс?
– Кызьы интыяломы та выжыкылъёсты корка-книгаосы?
– Калык выжыкыллэсь тодметъёссэ вералэ.
Аспортэмлыко кутсконэз. Огкадь веранъёс (повторъёс). Куинь пол кутиськись действиос. Йылпумъяськемез.– Туннэ асьмеос нош ик одиг выжыкылэн тодматскомы. Нош кыче калыклэн со выжыкылэз, валаломы ребусэз тодыса. (Бускель калык.)
– Кыче ёзэтэн тодматскыны кутскомы? (Возамы – бускельёсмы.)
Шмутц титулъя ужан
– Кызьы со нимаське? Кыӵе суред сётэмын? Кызьы малпаськоды, ма сярысь произведениос та разделын? Пуштросысьтыз учке, кыӵе произведениос татчы интыяськиллям.
– Нош табере лыдзе, маин асьмеос тодматском но малы дышетском.
– Кызьы малпаськоды, ма огазеяны быгатоз та выжыкылъёсты: удмурт но бигер выжыкылъёсты?
(Пиналъёс малпанъёссэс верало)
– Трос тунсыко малпанъёстэс верады, нош юанмылы рос-прос валэктон сётыны ӧм быгатэ на. Со понна ма меда кароно? (Выжыкылэз лыдзоно но ӵошатоно: ма огкадез калык выжыкылъёсын, кыче аспортэмлыксы вань бигер выжыкылъёслэн.)
– Та ик луоз урокмылэн азьмугез.
Дышетӥсь пиналъёслэсь ужамзэс дунъя «светофор» амалэн: вож, ӵуж яке горд кружок сётэ. («Вож» - пинал мылысь-кыдысь ужаз, юанъёслы валэктонъёс сётъяз; «ӵуж» - юанъёслы ӧжытгес валэктон сётӥз; «горд» - валэктонэз эшшо ӧжытгес вал).
Ужез радъян люкет.
– Азьмугмес быдэстон вылысь ужмес радъялом. Со понна ужан план кылдытом.
Текстэн тодматском. Кыл тирлыкмес узырмытом (выль кылъёсын тодматском). Юанъёслы валэктонъёс утчалом. Юанмылы валэктон утчалом. Мыло-кыдо лыдзиськыны дышетском.Текстэз лыдзон но пуштросэз бордын ужан.
– Текстлэсь йыръянзэ лыдзе. Мар со тодон-валан? (Знание, познание.)
– Мар сярысь текстын вераськоз, валады-а? (Пиналъёслэн малпанъёссы.)
Комментировать карыса текстэз нырысетизэ лыдзон (Пиналъёс уроклы дасям кыллюкамен ужало. Собере ужан листэз гожъяло)
Ужан лист Текстлэн йыръянэз . Авторез _______________________________________________________________________________________________________ . Геройёсыз . Кыӵе сямо возьматэмын джигит? Сётэм кылъёс пӧлысь тупасьёссэ бырйы : ӧрекчи, пӧяськись, нодтэм, жалясь, амало, кескич, визьтэм, дыг, оскиськись, тыршись, лякыт, . |
– Кыӵе та текст? (Выжыкыл.)
– Та выжыкыл шуыса кызьы валады? (Малпанъёссэс верало собере ужан листъёсын быдэсто.
Калык выжыкыллэн тодметъёсыз
Аспортэмлыко кутсконэз. |
Огкадь веранъёс (повторъёс). |
Куинь пол кутиськись действиос. |
Йылпумъяськемез. |
Текстэз лыдзем бере
Шутэтскон вис.
– Жадиды-а, пиналъёс?
– Ойдолэ ваньмы султом,
Пыдынымы тыпыртом,
Киосмес но чабылом.
Бергамы..., берытскимы...
Парта сьӧры пуксимы.
Синъёсмес золгес кыним,
Ваньмы ӵош витёзь лыдӟим.
Усьтӥмы, кыньылӥмы,
Нош ужаны кутскимы.
Выжыкыллэн пуштросэз бордын ужан «Юанъёсын ромашка яке Блумлэн ромашкаез» приёмез кутомы.
Куать лепесток – куать пӧртэм юанъёс.
1блок юанъёс:
– Вералэ выжыкылысь геройёссэ? (Джигит, мумиз-бубиз, караван кузё, музъемул кузё, кузё кышно но солэн нылыз.)
– Коня арес вал джигитлы? (15)
– Кин юрттиз джигитлы колодчаысь потыны? (Музъемул Кузе.)
2 блок юанъёс:
– Тӥ шуиды «Джигитлы зарни но азвесь кулэ ой вал». Шонер ке мон валай, солы обозэз сутоно вал? (Бен, солы колодчаысь потыса обозэз сутоно вал).
– Мон янгышаны быгатӥсько но тӥ шуиды та пинал пи пунэмзэ берыктыны малпаз, мон ӧй вала: кыче амалэн? (Гожтэтысь берпум чуръёссэ чушиз но кузёлэн киыныз кадь ик гожтиз, нылмес таин кузпалъя шуыса.)
3 блок юанъёс:
– Малы караван кузё колодчае кельтиз джигитэз? (Со кышказ джигит вань зарнизэ аслыз басьтоз шуыса.)
– Малы музъемул кузё джигитэз музъем улысь поттиз? (Со музъемул дунне кузёлэсь кулонзэ палэнтиз.)
4 блок (Та блокысь ужрадэз куроно быдэстыны доразы).
– Кызьы азьланьтысалды выжыкылэз, кызьы азьланьтӥськоз солэн сюжетэз? Гожтэ тетрадяды.
5 блок:
– Сётэ дунъёт ждигитлэн поступокъёсызлы. (Дышетскисьёс верало ас мылкыдзэс).
– Мае дунъя та выжыкылын бигер калык? (Атайлэн верам кылыз – со нылпилы закон.)
6 блок:
– Ма карысалды тӥ, джигит интыын, тиледлы 100 манет сётысалзы ке?
Учебникысь 32-ти бамысь юанъёслы валэктонъёс сётон.
Доре уж: Выжыкыллэсь вакчияк пуштроссэ мадёно.
Дунъян люкет.
Быдэс урокын ужамзэс нылпиос асьсэос дунъяло, («Светофор» амалэн) Тодон-валан писпуэ куаръёссэс ошо
Туннэ мон тодӥ...
Мыным тунсыко вал (маиз?)
Мыным секытгес потӥз.
Мон быдэсъяй сётэм ужъёсты.
Мон валай...
