Василий Васильевич Климов
Кыв
Не сiя дивоыс, что мортлoн выв,
Дзик чача, басoка волькoтoм,
А сiя дивоыс – эм мортлoн кыв,
Эм сёрни - разь не диво эта?
Кытoн тэ, сёрни, чужин и кинсянь
Велалiн чудоэсo керны?
Мый эта: мама, шондi, нянь?
Кысь эна: овны, мича, Перем?
Мыля висьтавны верман, что Кудым
Пермяк увтырлo дружба кoсйoм,
Что горт дын радейтoмным миян пым,
А враг дын ненависть пыдoстoм?
Оланыс тэнo йывдoма бура:
Мукoдпыр верман сiдз висьтавны
Кoть горзы сэтoн, кoть серав -
Не пуртoн зыртны, не керавны.
И тэ пондаись мирас абу суд,
Иганнэз абу некытшoмoсь,
И кыдзи лэбзян менам oмись –
Не кин ни тэнo оз панoвт, оз кут.
И медбы вoлi мулoн сoстoм выв
Мед лёк войнасo эз тoд светыс,
Не пуля колo, не ракета,
А сiя дивоыс –
Простoй и мирнoй кыв.
