Мубаракдирулрая!
Районна багьудила хlянчизарти, педогогический бузерила ветеранти, лебилра бучlанти багьудлумала Бархlиличил – сентябрьла цаличил уркlи-уркlиларад мубаракбирулра! Багьудиличил дархдалсули сари нушала аргlеб улка гьалабяхl башахъути гунзри. Миллатласи «Багьуди» проект гlямрулизиб дурабуркlули, гlергъиси манзиллизир районнизир гlяхlцад сагадешуни алкlахъули сари. «Нушала сагаси школа» ибси супта баркьудилизиб бетурхни – ил багьудили гьалабяхl кайцlуси ца гьатlи бягlуси ганз саби.
Районна лебилра педогогунас, педогогический бузерила ветерантас ва лебилра бучlантас чула хlянчилизир, белчlудилизир сархибдешуни гьатlира имцlадикlули, илдала арадеш ункъбикlули, даршули, уржили ва баракатличил саби хlербирули дигулра.
М. Гlямаров, муниципальный районна бекl
М. Мяхlяммадов, муниципальный Администрацияла бекl
Санигlятласи байрамличил!
Сентябрьла кlел – набт ва газ адилтlути хlянчизартала Бархlи саби.
Набт ва газ адилтlнили улкала ва республикала кьуват имцlабикlахъули саби. Ил шайчиб белгиси пай кабихьибти бузерила ветеранти нушала районнизибра камли ахlен.
Набт ва газ адилтlули бузути ва бамсриагарси бузериличибли республикали экономика гьалабяхl башахъес асилси пай кабирхьути нушала районнизибра лебнили нуша разидирахъулра.
Бусягlят нушачир шимазиб тlабигlятла газ аркнила хlянчира детурхули сари.
Набтла ва газла кьялубазиб бузули калунти районнизибадти ветеранти, газла хозяйствола хlянчизарти чула байрамла Бархlиличил уркlи-уркlилабад мубаракбирулра, илдала гlямрулизир чlумаси арадеш, талихl, балгундеш ва бузерилизир сархибдешуни дигулра.
М. Гlямаров, муниципальный районна бекl
М. Мяхlяммадов, муниципальный районна Администрацияла бекl
Районнизир – хъярхъти чяхl-забла асурти
Августла 25 личиб хlеригlергъи лебилрара-сера районнизиб, хаслира Сергокъалализиб аргъ цlудар-цlяббиуб. Ахъти къукъу-лямцl кьякьли «къяйкдикlесдяхlиб». Гlур къалабати чяхl-заб чекьур. Кlалтlаларадван чяхlдикlули илди кlел сягlятличирра имцlали калун. Сергокъалала шила кьакьурбазир «цlудара варачанти», адамти урухбиэсли «демдур». Адамти уркlдухънилизиб калун. Тlабигlятла хап-харчли бакlибси балагьли гlяхlцад адамтала юртанас, хъа ваяхlлис белгити зарулти дариб.
Августла 26 личир савли районна газетала бекl редактор Зубайру Гlумаровра, фотокорреспондент Даудхlяжи Даудовра, нура (А. К.) шила кьакьурбикад ласдухъунра. Балагь-кьадарлизибикибти адамтачил къаршидикира, дарибти зарулти чедаира.
Чяхl-забла хlуркlбани имцlалин «бяхъ чегахъилри» «Гlявнашила» бикlуси мерличибси кьатlлизиб хlербирути адамтала юртаначи ва хъа ваяхlличи. Мисалти леркехlе.
Ил кьатlлизиб хlерируси жагьил адам Хангиши Гlялибековла халали ахlенси цадерхlла юртла духlнарти луцри кадикили, хъа лерилрара-сера ваяхl укадуцилри ва заядарилри. Илала унраличивси Хlяжиев Хlусе юртла хъалч кабикилри ва лебдеш укабуцилри. Ил кьатlлизив хlерируси вахъхlила эксковаторщик, бахълис багалаируси гlяхlси адам Мяхlяммадрасул Ибрагьимовла (нижный) хъа ваяхlра семслизи гlеладикахъилри, кухняла хъали ва чlябурти заякадарилри.
Хlеркl бухlнабухъири Муршид Гlябдуллагьхlяжиевл (Урахинский) кьакьалаб хlербирути адамтала, Октябрьлис 50 дус кьакьализив хlерируси Мяхlяммад Мяхlяммадовла (райПО-ла гьалавла бухгалтер), Буденныйла уличилси кьакьалаб хlербирути Мухтар Шихшунатовла, Мяхlяммад Якьубовла, Шарип Гlумархановла, Исмягlил Бяхlяммадовла, Королевола уличилси кьакьализивси Хlяжиев Мурадла ва бахъал цархlилтала юртанази, азбар-гlяялизи. Зарулти дарибти гьатlира бахъал бургар. Лерилра мераначи даэс нушала имкан хlебакlиб. Нушани ил бархlи чедаибти Моисеевала, Р. Хlямзатовла, Свердлова, Хl. Гlязизовла, М. Хlяжиевла умачилти ва цархlилти дахъал кьакьурбасра белгити зарулти диубли сари.
- Цархlилтасгъуна зарал хlебариббиалра дила азбар-гlяялизира чяхl-забла шин дакlиб, - бурули сай нушачилси ихтилатлизиб «Гlявнашив»хlерируси хlурматла адам Маматай Абулмуслимовли. – Чяхl-забла балагь гьачам хlебакlалли, гьачам башуси саби. Октябрьлис 50 дус кьакьала кlелра шайчирти татаулти, гьунила удирти хlеркl бетахъбиркути хасти гумурби умударес хlяжатлибиъниличила нуни Сергокъалала шила администрацияла бекl Хl. Хlясановлизи ва районна гьундурала участокла руководитель М. Кьурбангlялиевлизи, дила ва жамигlятла шайзибад ил секlайчила жагали бурира. Амма илдани сегъунсилра пикри бяхlчихlеиб. Челябкьнализибалра ил секlайчи пикрибухъалра гlяхlсири.
«Гlявнашибси» кьатlлизиб хlербирути адмтала ишдигъунти зигаръалара аргъира: - Шила хlякимтани лайикьти ахlенти мераначир юртани дарахъес мерани деднилира вайти зарулти алкlахъули сари. Хlуркlби дашути мераначи юртани дарахъес ихтияр беднила хlуркlбачирли дирути зарулти имцlакадирули сари. Ил секlайчира жамигlятли пикри бяхlчиаэс хlяжатбиркур.
Чяхl-забли дарибти зарулти Мурегала, Сагаси Мугрила ва районна цархlилти шимазирра лерниличила бурули саби.
Районна Администрациялизиб акlахъубси хасси комиссияли чис сегъуна зарал биублил, чис чини селичибди кумек бирул белгибирниличи дирхехlе. Сергокъалала шилизирти чяхl-забли палакатдарибти кьакьурби гъамсигъуна заманализир къулайси агиличи дикахъниличи МУП «Благоустройствола» ва цархlилти хасти хlянчизартанира пикри бяхlчииу или гьанбиркур.
Ца гьатlи секlайчила гьанбушес дигулра. Чяхl-забла балагь-кьадарла гlергъи – августла 26 личиб савли нушани, декlар-декlарти кьакьурбази дуракабухъи, кьелхlначил, някъла уркрачил бузули, гьуни-дури умудирути мурул ва хьунул адамти чебаира. Амма илди бахъ камлири. Тlабигlятла илгъуна балагьла гlергъи ахъри лебси гьарил адам сунела кьакьализи дуракавхъи хlянчи барнилис Аллагьла керира халкьла баркаллара саби. Нушала хала бегlтала асилси ва дурхъаси гlядат саби ил.
Айдимир Каймаразов
Суратуназир: чяхl-забла асурти.
Д-Хl. Даудовли касибти суратуни
Готовы к учебному году
Патимат Аледзиева
Скоро начнется новый учебный год и к этому времени все образовательные учреждения района должны будут готовы распахнуть свои двери для учащихся.
Двадцать первого августа мы посетили селение Ванашимахи. Первым пунктом нашей командировки стала средняя общеобразовательная школа. К моменту нашего приезда все ремонтные работы здесь были завершены, вокруг было очень чисто и аккуратно. Нас встретил директор Ванашимахинской средней общеобразовательной шко лы Омарада Мутаев.
«Все ремонтные работы мы провели за счет средств районного бюджета, - говорит директор, - руководство района категорическо запретило нам собирать деньги с родителей учащихся». На вопрос о том, чего в школе не хватает, О. Мутаев указал на недостаточно развитую материально-техническую базу школы: не хватает мебели, учебно-методических пособий, учебников. В последний раз школа получала новые книги в мае прошлого года, они предназначены для начальных классов, но многие из них непригодны для применения в сельской местности. Кроме этого, школа получила от Министерства образования ученические парты и стулья для двух классов, также имеется интерактивная доска с проектором. Есть учителя, которые успешно ею пользуются во время проведения уроков. Основная хозяйственная проблема на сегодня – это полуразрушенный забор вокруг школы, ремонту он не подлежит, и требуется его замена.
Нехватки педагогических кадров в Ванашимахинской школе нет, здесь работают двадцать семь учителей, которые обучают девяносто три ученика, в из числе и шесть первоклассников, которые впервые сядут за парты в этом учебном году. Если говорить о достижениях школы, то можно назвать пять первых мест учащихся Ванашимахинской СОШ на районных олимпиадах, восемнадцать призовых мест, двадцать пять человек окончили прошлый учебный год на «отлично».
Следующим пунктом нашей командировки стало дошкольное образовательное учреждение. Во исполнение требований Роспотребнадзора здесь установлены новые рукомойники с горячей и холодной водой, а также по всем требованиям оборудован санузел. С первого августа все работники детского сада дружно занимаются косметическим ремонтом: шпаклеванием, покраской, побелкой. В этом детсаде воспитывается двадцать малышей, весь коллектив состоит из восьми человек, здесь тоже не практикуется сбор средств на ремонт с работников и родителей. После окончания внутренних работ, коллектив детского сада планирует отремонтировать асфальтную дорожку, ведущую ко входу.
Среди положительных моментов работники детсада отметили то, что после замены старого отопительного котла на новый, в зимнее время прекратились перебои в отоплении.
На снимке: коллектив
Ванашимахинской СОШ
Бронзовый призер Всемирных игр
Со 2 по 11 августа в итальянском городе Турин прошли Всемирные олимпийские игры среди мастеров (ветеранов) спорта, которые проводятся под эгидой Международного олимпийского комитета один раз в четыре года. В программу соревнований вошли 30 видов спорта с рекордным количеством участников из 63 стран мира. В составе национальной сборной нашей страны по борьбе дзюдо в весовой категории до 90 килограммов выступил наш земляк, мастер спорта СССР по вольной борьбе и самбо Руслан Мирзабеков.
Участниками столь крупного спортивного форума были легенды дзюдо со всего континента. Наш земляк достойно представил свою страну и родной Дагестан в очень тяжелых схватках. Травмированный, он завоевал бронзовую медаль всемирных игр. Она ценна еще и тем, что это единственная медаль наших земляков на этих играх по дзюдо.
Руслан Рашидханович Мирзабеков – уроженец с. Дегва, сейчас он проживает в Москве, является Полномочным представителем Администрации г. Махачкалы при Правительстве Москвы и Московской области. Мы от всей души поздравляем нашего земляка и друга и желаем дальнейших побед.
От друзей
Бешенство
Казимагомед Байзанов,
ветврач Ванашимахинского ветучастка
Болезнь, проявляющаяся поражением центральной нервной системы. Она вызывается нейротропным вирусом. Вирус выделяется больным животным со слюной. Восприимчивы к бешенству все виды животных и люди.
Заражение происходит при укусе больных животных. Часто бешенством заболевают крупный рогатый скот и собаки. Заболевание проявляется в двух формах: буйной и тихой.
Буйная форма у собак проявляется угнетением, отказом от корма и воды. У заболевших аппетит бывает извращенным, лай хриплым, появляется косоглазие. Больные собаки срываются с привязи, убегают из дома и по пути набрасываются на людей и животных. Из-за поражения нервной системы у больных собак нижняя челюсть отвисшая, голова, уши и хвост опущены, проявляется слюнотечение. Болезнь заканчивается гибелью животных.
Тихая форма проявляется быстро наступающими параличами без стадии возбуждения. Бешенство у других видов животных протекает с такими же клиническими признаками, как и буйная форма собак.
Животных, больных бешенством, не лечат. Собак, кошек и других животных уничтожают.
Профилактика бешенства состоит в систематическом уничтожении бродячих собак и отстреле хищных зверей. Домашних собак и кошек вакцинируют. Невакцинированных собак запрещается перевозить и использовать на охоте, для несения службы и т. д.
В последние годы в распространении бешенства ведущая роль отводится диким плотоядным животным, собаки по значимости в заражении животных отошли на второй план.
В нашем районе были три случая заболевания крупного рогатого скота и собаки. Заболевшие животные были отстрелены и обезврежены путем сжигания.
Гьалмагъла хlял – къияндикибхlели бала
Августла 23 личир хlеригlергъи «Давишла къада» бикlуси мерличибси авлахъличи цlадикиб. Ишар биалли, нушала хозяйстволацунра ахlи, Карабудахкентла, Къаякентла районтала авлахъуни ва вацlурбилер. Ца адамла гlяйибличирли авлахъличи дикибти цlа къалабатlинтlдикlесдяхlиб. Мерличив къаршиикибси ну цlа дилшахъантачи, мераначи зянкъикlесвяхlира. Амма къалабаси кумек чесабиули ахlенри. Цlа биалли авлахъкадли къалабали тlинтlдикlулри, вацlализи гъамдикlулри. Вацlализи даили гlергъи илди дишахъес халаси цlакь хlяжатлири…
Нуни СПК «Дейбукl колзозла» председательличи зянкъдяхъира. Илинира кумек барес чесиб. Гlур Къарабудагъкентлизира зянкъдяхъира. Ахирра наб дила шан, дила гьалмагъ, Избербаш шагьарлизивси Люкойлла» генеральный директор Гlялиев Багьаудин Гlябдулхаликович гьаникиб. Зянкъдяхъира. Ил мекъра бархьбатурли, Избербашлизирад цlа дилшахъути кlел КАМАЗ машинара кили цlадикибихlи къалабали вакlиб. Километрла бухъяндешличил авлахъкад тlинтlдикlес дяхlибти цlа, вацlурбазира хlедаахъили, дишахъес имкан бакlиб. Гlур кьанниван Губденибад, Къяякентлизибадра кумек бакlиб.
Гьалмагъла хlял къияндикибхlели бала бикlар. Чинабалра каммабараб марти гьалмаггlяхlти адамтира. Нуни, дила гьалмагъунани, шанти-жамигlятли, сунела асилси, адмдешла ва гъабзадешла баркьуди багьандан, Гlялиев Багьаудин Гlябдулхаликьовичлис уркlи-уркlилабад халаси баркалла балахъулра. Гьалмагъунас, адамтас кумекуни дирахъес Багьаудин Гlялиевлис ахърира арадешра камхlедиубли дигулра.
Гlумар Халимбеков,
СПК «Гlяймаумахьи колхозла председатель»
Челукьутачила
Базар
СССР-ла замана Кичихlямриб базар хlебири. Сен? Сенкlун картошка, набадури, кьехlни, къабакъуни, капуста, хиярти, помидорти, пастlан-вякьни дашахъи бузути халкьли. Хъярби, гlинцби, хиви, бягlли, алича «Хlямри» совхозла дири.
Саби-ургаб адамти разили бири. Цаличи-ца шадиб баши, буркьунзала кабирхьи, хабурта бугьи. Хабар аберхайчи къабакъ лухьи. Разили замана буркlи. Совхозли анкlи, мухъи, хlяжланкlи делгlи. Совхозлизир авал комбайн, кlел С-100 журала трактор, сеялка, косилка, дехла машинти дири. Гъайла къантlа сегъуна-дигара техника бири.
Перестройка бакlибла лерилра колхозуни, совхозуни, заводуни, фабрикаби агардиуб. Халкьлис хlянчира камдиуб. 1991 ибил дуслизиб демократия бакlиб, базурти дахъдаиб. Демократияла гъай нушачира садаиб. Цархlилти мераначибкьяйда Кичихlямрибра базар абхьиб. Ил абхьибла 20 дус биубли саби. Базарличи чедир нуни гьандушибти лерил секlал дихули сари. Сепайда базар бурх агар мерлаб саби.
Чlябарличи ца чlянкlагъуна бяхlяхъили, чула дирцути секlал тlинтlдирули сари. Аргъ буцlарбиалли гугбиэс дяхlцlи агара. Хапли заб дакlалли убикес бурх агара.
Базар биэс гlягlнили саби умуси мерличиб. Илар диэс гlягlнити сари: скамейкаби, тухри, алавчарли гьалабиз. Базарла вегl виэс гlягlнили сай. Базарличиб умудеш бирес чебси саби. Базригантазибад базархlекь сайсес гlягlнили саби. Гьариллис чула мас дурхъали бицес дигахъу, ил багьандан хасси багьа биэс гlягlнили саби.
Хурира, житнира базриганта базарличи дикулил ахlенал хlебалас, амма илди ишар дахъдаили сари. Хури адамтачи чедулхъули сари. Иличира хасти хlянчизартани пикри бяхlчиаэс гlягlниси саби.
Чамсулвара Багьаудинов
Кичихlямрила ши.
Сагати мурадунала гьалар
(Августла конференцияличибад)
Августла 23личиб районна Администрациялизиб багьудила хlянчизартала конференция бетерхур. Конференция ибхьули гъайухъун багьудила Управленияла начальник М. Мирзамяхlяммадов. Илини лебилра учительти ва бакlибти гlяхlли белчlудила сагаси дусличил мубаракбариб. М. Мирзамяхlяммадовли сунела докладлизиб цабутlаван буриб: « Гьар дус дурабуркlуси августла педсоветли нушаб имканбикlахъули саби дусла итогуни каахъес ва челяркьути мурадуни белгидарахъес. Ишбархlи багьудила х1янчизартала гьалар арзес гlягlнити дахъал суалти лер: ишхlелла багьуди сегъуна биэс гlягlнилил, багьудила хlянчизарти сегъунти къияндешуначил къаршибиркулил… Илди лерилра чедаахъили сари «Нушала сагаси школа» бикlуси проектлизир.
М. Мирзамяхlяммадовли 2012-2013 ибил белчlудила дуслизир дурадеркlибти хlянчиличилара буриб. Ункъли бучlути, олимпиадабачиб ва декlар-декlарти конкурсуначиб гlяхlти мерани сархибти дурхlнала умира гьандушиб.
Бахъал саби районна школабазиб ва дурхlнала унхъразиб чула хlянчи чебетаахъили ва саркъахъили бирули бузути учительти ва воспитательти. Илдала бузери кьиматла бариб багьудила министерстволира. Докладчикли буриливан «Р Ф-ла багьудила Хlурматла хlянчизар» - ла уличи лайикьбикиб гlергъити учительти: Мяхlяммадова Зубайдат Мяхlяммадовна - Ванашимахьила шила дурхlнала анхъла заведующая. Салахlудинова Патlимат Салахlудиновна –Сергокъалала шила Гl. Батирайла уличилси лицейла бехlбихьудла классунала учительница, Хlясанхlяжиев Мухтар Хlяжиевич ва Мяхlяммадова Риза Расуловна –С. Гl. Гlябдуллаевла уличилси лицейла учительти, Мяхlяммадов Шамиль Хlябибович Убяхl Мулебкlила ургадаражала школала физкультурала учитель, Гlябдуразакьова Патlимат Мяхlяммадовна –Бурдекила ургадаражала школала географияла учительница. Гlялиева Зоя Гlябдусамадовна –Кьадиркентла ургадаражала школала урус мезла ва литературала учительница. «Челябкьлала школа» бикlуси проектлизи Дагъистан Республикала 13 школа кадерхахъурли сари. Нушала районнизибад ил лугlилизи каберхахъурли саби Мурегала шила лицейра. Илди школабала мурад саби школализи башес хlебирути дурхlни чула хъулразиб компьютерла кумекличил дурсрачи хlядурбирни. Илдани биалли компьютерличиб хlядурбарибси чула хlянчи интернетла кумекличил, учитель личи хъули башахъули, гlур учительли ученикла хlянчилис электронный журналлизи ва дневниклизи кьимат кабалтули сай.
Балбуцличиб гъайбухъун Мурегала шила лицейла директор Гъазимяхlяммад Арслангlялиев, Сергокъала шила С. Гlябдуллаевла уличилси лицейла директорла заместитель Индира Гlябдуряхlимова, Сергокъала шила Гl. Батирайла уличилси лицейла директорла заместитель Эльмира Мутаева, багьудила хlянчизартала профсоюзла районна комитетла председатель Наида Гlялиева, Кичихlямрила школала директорла заместитель Айгимик Гlялиева, Сергокъалала авъибил анхъла заведующая Паризат Идзиева. Илдани чула учреждениябазир дурадеркlибти хlянчиличила ва районна Администрацияли чус дарибти кумекуначила буриб.
Балбуцла ахирлизив районна Администрацияла бекl Мяхlяммадов Мяхlяммад Хlябибуллаевич гъайухъун. Илини лебилра учительти ва бакlибти гlяхlли белчlудила сагаси дусличил мубаракбариб. М. Хl. Мяхlяммадовли белчlудила ва бяркъла хlянчилизир диахъубти сархибдешуни багьандан районна школабала хlябцlалицад учитель районна багьудила Управленияла шайчибад Хlурматла грамотабачил наградитьбариб.
Унисат Чупанова
Нушала корр.
Суратуназиб: конференцияличиб
Д-Хl. Даудовли касибти суратуни
Хlурматла районланти!
Россияла МВД-ла Сергокъалала районнизибси Отделли «Багьудлумала Бархlиличил» ва «Тlамри лугнила цаси бархlиличил» бархбасахъи, жамигlятла мер-мусаличир низам-зегъа диахънила ва урехи хlебиахънила шайчирти белгити далдуцуни дурадуркlули сари, сарира Россияла МВД-ла хасси распоряжениеличи далдикахъили.
Гьанбушибси распоряжениелизир чедаахъибти далдуцуни детархахъес багьандан Россияла полицияла участкуначибти уполномоченныйтани ва МЧС-ла хlянчизартани цахlнабси багьудила учреждениябазиб терроризмализибад урехи хlебиахънилила шайчиб сегъунси мяхlкамдеш бирулил ахтарди дураберкlиб ва ил ахтарди хlясибли хасти актани дариб.
Чедир гьандушибти далдуцуни дурадуркlниличи чехlеруди бузахъес багьандан полицияла Отделли цахlнабси багьудила учреждениябази хlянчизарти батиу ва илдани сентябрьла кlиличиб мераначиб «Багьудлумала Бархlила» далдуцуни дурадуркlниличи, савли сягlят верхlличибад бехlбихьили, далдуцуни тамандиайчи чехlеруди бузахъу.
Гьандушибтигъунти далдуцуни дурадуркlу чехlеруди бузахъу «Тlамри лугнила цаси бархlи» дурабуркlути Мяммаулла ва Дегала шимазибра.
Хlурматла районланти, хlушази халаси тилади саби цахlнабси багьудила учреждениябала ва изберательный участокунала мер-мусаличиб тlашмишбикlести адамти, илкьяйдали вегlагарси транспорт, декlар-декlарти секlал хlисабдиубхlели полицияла хlянчизартази багьахъни.
Хlушаб гьарбизунира гlяхlси гьавра каммадиаб!
Россияла МВД-ла районна Отделла руководство.
Игит Гlяхlмад
(биубси анцlбукь)
Ну 1967 ибил дуслизив Сергокъалала гражданская оборонала штабла начальникли узуси замана сабри. Ростовлизи ца жумягlла курсаначи ну вархьибхlели, нушаб бахъал дявила бутlакьянчибани лекцияби дучlиб. Наб хаслира гьанбиркур Северо-Кавказский округла начальник генерал-лейтенант дурути дявила хабуртазибад ца анцlбукь. Илини иб: - Ну командирли сайси полк 1944 ибил дусла июнь базлизиб халал кьасличил ва гъираличил СССР-ла улкала мер-муса немцуназирад акьудалтахъули Эльба хlеркlла дубла сабаилри. Нушаб хlеркlла итил шайчиб немцунала гlяскар тебал ахтардибарес хlяжатлири. Ила чи урхьусил пикрибикlулри. Полклизив дусличивра имцlали виубси ургъан узбек Гlяхlмадли «Ну вархьиасли аркьясра»-иб.
Гlяхlмадли сай полклизив левцадхlи сегъуналра дявилизир бутlакьяндеш дарили ахlенри. Илини урус мез далули ахlенри, гlямрулизир ца кьадар нукьсандешуни лерли диалра, гlярмияла къяянази кибсири. Гlяхlмадлизибад беркала бирухlели поворлис кумек бирни ахlенси царал пайда аги. Гlяхlмад ца-ца замана тупангра касили сайра шанглис ва иларти продуктунас къарауйчи тlашилзи.
Гlяхlмадла пикриличи комадир кьабуликиб ва биштlал лодкара бедили, Гlяхlмад Эльба хlеркlла итил шайчи вархьиб. Ил хlеркlла итил шайчи ветаили, сунечибси кьапlа чебасили ва ил ахъбуцили лишан бариб немцуназибад мер азадли биъниличила.
Ил манзиллизив сунела хъярхъси машиналичил командующий маршал Конев вагьариуб. «Чи сая хlеркlла итил шайчи вархьибси?» Хьарбаиб Коневли. Гlяхlмад бикlуси ургъан сай ибмадан Коневли хъарбариб хъярхъли Советского Союзала Игитла уличи гlягlнити материал хlядурдарахъес.
Гьанна Гlяхlмад Советского Союза Игит сай. Ил Узбекста улкализивра машгьурси Игит сай. Гlяхlмад агарли сегъуналра балбуц дурахlебуркlу.
Ил мисаллира белгибирули кьяйда, адамла гlямрулизиб сегъуна - дигара анцlбукь кабикес бирули саби. Лерилра гlямрулизив гlяхlдешуна викьуси, Ватlайс марси адамлис биалли Гlяхlмадлисгъуна гьабиз бирули ахlен.
Н. Исаев.
Нушала ветеранти
Умуси гьуникад
Айдимир Каймаразов
Ахъ-ахъси кьаркьайчилси, гlямрула «сирисливяхъибси» ил адам райцентрла анхълизивад лаг-катхlел вашули нуни гьаман чейули вирус. Гlур наб ашкарбиубливан, ил гlямрула ва бузерила хlялалси дякьличивси дубурлан увухъун. Гьанна илала гьуни шила мижитлизи саби. Ил Сергокъалала шила Буйнакъскийла уличилси кьакьалав хlерируси Мусаев Муртазагlяли (Халидла Мусахъала) сай. Гьанна ил нуни гlяхlцад манзиллизив валулра. Ил хlял-тlабигlятлизив, дурутазив малхlямси, адамтачил, унрубачил, гьалмагъуначил валкайкибси гъабза сай.
Муртазагlялини сунела бузерила цаибти гунзри, вецlну урегра-верхlра дус виубхlели вехlихьили, «Сергокъала» совхозла фермализив жинсла бугъни адилкьули узули кацlиб. Гlур илини улкала северла шайчирти дазурбачиб Ватlайс хlябал дус къуллукъ бариб. Ватlайс къуллукъ бируси замана ил Сягlидоа Насруллагь бикlуси дарган уршиличил гьалмагъикиб. Гlур илдала гьалмагъдеш лерилра гlямрулатили детаур. Илди кlелра гьанна бахъхlила унруби саби. Бусягlят Насруллагь кьяшмазивад къулайли ахlен. Муртазагlяли мурталра иличи гьавикlур, бицlахъри биру. Сай гlяхlси сайхlели Муртазагlялила унруби Мяхlяммадсягlид, Мурад, Узлипат ва цархlилтира гlяхlти саби. Гlяхlси унра кьадаркайъни биалли гlямрула игъбар саби.
Гlярмиялизивад чарухъи гlергъи Муртазагlялини механизаторла санигlят касиб. «Сергокъала» совхозлизив трактористли узисвяхlиб. Амма хъалибарг имцlакабикlнира яшавла даражара пикрилизи касили, ил Дагъиста дура - Калмыкиялизи хъалибаргличил гечиуб. Хала букlун ветаур. Хабчаб Загьидатра иличил рарх бузерилизиахъиб.
Азгъиндеш агарси, сунела баркьудлумала дурусдешличи, хlянчила сабухъличи чекайзурси Муртазагlялини ишар хlурматра дигира сархиб.
- Итхlели, - гьанбиркахъули сай Муртазагlялини, - маза адилкьуси дила бригадали гьар 100 жакъаличи 107 – 110 хlясибли мукьара сархутири. Бала, диъ сархнила планти мурталра имцlадешличил дирцlахъутири. Яшавра гlяхlси бири, жягlялла бархlиличи умутра бири, адамти даршули, дигиличил хlеркабирутири, гьанналагъунти балагь-кьадар хlедири.
Хlялалли, сабухъчевли узуси зяхlматчи сайлин, итхlели Муртазагlяли Мусаевла бузерира кьиматлабирусири. 1982 ибил дуслизив Муртазагlяли Мусаев, СССР-ла ВДНХ-ла цlуб арцла медальличи, арцла премиябачи, Хlурматла грамотабачи, гьачамцунра ахlи, лайикьикибсири сай. Къантlли буралли, илини хlялалли узули, 37 дус хlянчи бариб. Бузерила ветеран сай. илала бузерила стаж гьатlира халаси биэс бири, амма хирургла дислиу иркни багьандан ил камбиуб. Сунела гlямрула гьалмагъ Загьидатличил шел дурхlя абикьур. Илдазиб держличил, наркотикуначил, хъулкидешличил бархбасунти агара. Ил биалли бегlталара чулара халаси игъбар саби. Бусягlят дурхlнала дурхlни – 12, дурхlнала дурхlнала дурхlни 2 леб. Илдира хlярамсилизибад тяйдили буахъес хlяракатлизиб саби хала дудеш ва хала неш.
Муртазагlяли гехlцlали дусличи гъамиубли сай. Мижитлизи аркьу-лявкьуси иличил ну гьаман къаршииркус. Уктемдеш, хlейгести къиликъуни агарси, хlялалси масхара бурес устадеш лерси, сай-алавтас гlяхlдешуни диубли дигуси ил чеибхlели дила уркlи разибирули бирар. Сенкlун ил чедила жагати рангли пархбикlуси, бухlнала берхlибси гlинцгъуна ахlен. Муртазагlяли, хlечира хlела насабличира Чевяхlсила уркlецlи каммабиаб.
Суратлизив: М. Мусаев.
Д-Хl. Даудовли касибси сурат.
Шинна дард чеббикиб
Адамтас бегlлара гlягlнити секlултала лугlилизир цаибил мерличир сари шин, амма Сергокъалала шилизи илди 20l2-20l3 ибти дусмазир ахlи халкьлис даарила кьадар дакlхlедакlиб. Ну иш шилизив авцlану верхlра дус хlерирулра ва илди дусмазиб шинна дард камхlебиуб. Коммунист партияла заманара, демократияла заманара канистрабачил ва флягабачил «Къала-хъябла» ва царилти мераначи шинничи дашутири. Гlергъити дусмазир къуюби дарили, илди дицlахъес шин исутири. Нунира ва нугъунти цархlилтанира гьар базлизир шиннис хlябал азир къуруш харждирулри.
Нушани шинна хlурмат багьурси сабину, гlягlнидеш агарли шинна кранти абхьили хlедалте, биштlатира махбарили, илди гlеббаахъес гlягlнибиркур. Нушала кьакьалабси кран нуни ва дила унрубани гьар дуги ахтардибарили, гlеркlули дирехlе.
Мяхlяммад Амирович Гlямаров районна бекlла къуллукъличи вакlибхlели, илини ибсири: «Бегlла гьалабси мурад – хlуша шинничил гlердуцни саби». Наб, ва бахълис гьанбикиб, чинад ляркьякьути илди шин, гьанналаур агарти? Дакlра дакlиб, огородунасра диули сари.
Шин дакlахънилисра, ва дахъал цархlилти районнис дарибти гlяхlдешунасра баркалла балахъулра хlед, хlурматла Мяхlяммад Амирович, гьардизаб хlела пикруми.
Мяхlяммад Гlумарханов
