Удмурт кылъя открытой уроклэн конспектэз 7 класс
Учитель: , учитель 1 категории.
Темаез: Причастиослэн пормонзы
Мугез: предметной причастие сярысь тодэмзэс радъяно, муромытоно,
тодматоно причастиослэн пормон амалъёсынызы,
кылзэс волятоно, текстысь причастиосты тодманы дышетоно
метапредметной: ужанлы цель пуктыны быгатон,
ужам ужзэс дунъяны быгатон,
ас малпанзэс вольыт вераны быгатон
личностной:
Тирлыкез: компьютер, проектор, презентация, карточкаос
Уроклэн мынэмез:
I. Орг. момент
II. Ортчемзэ тодэ ваён, тодэмзэс радъян
1.Кудиз мултэс? Малы?
* «Чечым», «Мон егит», «Шудон корка», «Светиос дорын куноын»,
«Поле чудес»
*нап-чуж, курень, сьод, чуж, лыз, гордэктэ
*кырзаны, пукыны, тышканы, пальпотись, лыдзыны
*вожектись, кисьмам, быдэсмымтэ, паськыт, мынымон
*кык пала турна, чебер нунал, визьмо пияш, сюлмаськись анай
2.Кудиз фкс «Причастие» темалы тупа? Малы?
*кык пала турна, визь песьтэр, зарни сюлэм, кылыз-пурт
Малы та фкс «Причастие» темалы тупа? Доказать каре.
Глаголлэн тодметъёсыз | Прилагательнойлэн тодметъёсыз |
1.али ортчем дыр вуоно | 1.Возьматэ тодметэз. Юанэз кыче? |
2.Валэктись кылыз луэ | 2.Висъясь –эз,-ез суффикстэк Существительноеныз падежъя уг тупа |
3.Предложениын определение но сказуемой луэ. |
III. Тема бордын ужан
1.-Мае тодыны кулэ асьмеос? (кызьы порме причастие)
-Мае тодиськомы ни? (кылъёс гожтоно)
Глагол бордысь, суффиксэн…
-Мае тодыны кылиз на? (Кыче суффиксъёсын)
2.Люке та кылъёсты группаослы:
Миськем, будись, зечыратись, ортчытэм, гыроно, вуттымтэ, бездэм, шунано, губырскем, пыжоно, быдэсмымтэ, висъяно, люкаськем, лусйылэм, паймоно
-Малы озьы люкиды?
-Кыче суффиксъёсын пормо причастиос?
-кычеоссэ шуиськомы положительной, кычеоссэ отрицательной?
3.Пормыты причастие:
Улыны, тодыны, лэсьтыны, кутыны, мыныны, вуыны, дугдыны, араны, чорыганы, вандыны, гырын, лыдзыны.
4.Текстэн ужан.
Вашкала дыръя асьме чыжы-выжыомы кускерттон нуллизы. Диськутсэз чеберъясь арбери гинэ ой вал со. Утись но данъясь пусэн лыдъяськылиз. Пиосмурт кускерттон возьматэ вал кышкасьтэм луэмзэ, нош нылкышноослэн –лачмыт, каньыл сямез.
Пойшурасьёс но ожмаськисьёс кускерттонзы борды думылизы пычал тирлысэс, вуэн сарвазэс но тыл поттонзэс. Нылкышноос юнматылизы чеберъяськон арбериоссэс.
Кускерттон утьылиз кузёзэ урод кужымъёслэсь, син усёнлэсь. Соин ик али гинэ вордскем пинал возы но понылизы пичи дасям кускерттон.
Азьло кускерттон куыны котькудиз кышномурт быгатэ вал. Нылъёсты та ужлы пичиысен ик дышетылизы.
Куиськон дунне паськыт но чебер. Отисько тонэ но отчы вамыштыны.
Лыдзы.
Причастизэ шедьты.
Кыче суффиксэн пормем.
5.Вывод лэсьтоно.
IV. Гуртын уж. Тексъя портэм ужъёс дасяно
Удмурт литература 6 класс уроклы конспект
Уроклэн темаез: Михаил Ильин «Пилемъёс»
Пуктэм ужпумъёс:
Предметной: М. Ильинлэн улон сюресэныз но кылбуреныз тодматско;
Регулятивной:урокын мугъёс пукто, ужзэс дышетисен чош радъяло;
Познавательной: темая юанъёс пукто, текстысь тодон-валан басьто;
Коммуникативной:группаен ог-огзэс кылзыса, валаса ужаны дышетско, удмурт кылын вераськонзэс волято, малпанъёссэс класс азьын шара вераны дышетско;
Личностной:темая мылкыдзэс шараяло, инкуазез утён мылкыд пычато;
Тирлык: компьютер, проектор
Уроклэн мынэмез:
I. Ужпумо югдур кылдытон но мугъёс пуктон этап
Д. Пиналъёс, ойдолэ син азямы пуктомы чебер шуныт гужем вакытэз. Тани суредъёс, учке соосты.(Слайдъёс)Нош вань-а тиляд таче вакыт небыт турлы сяськаосын паймытись турын полын кыллемды? (Вань шуо) Синъёстэс кыне. Кылзэ гурез ( диск вылысь тылобурдо куараосты кылзо).Мае кылиськоды? (тылобурдо куараосты) Нош мае адзиськоды?
(П. Бубылиез, мушъёсты, пилемъёсты…)
Д. Нош кыче со пилемъёс, суредалэ листокъёс вылэ.(суредало)
Д. Табере слайдъёс вылысь но учке, кыче пилемъёс луыло.(портэм пумо пилемъёс)
Нош тиляд ма пормиз, возьматэ ужъёстэс.(Афиширование но комметировать карон)
Д. Кыче мылкыдды луиз, пилемъёс шоры учкыса? (Валэктонъёс таче луыны быгато: Капчи. Кышкай. Пилемъёсын чош лобеме потиз…)
Д. Нош кыче мылкыдыз меда «Пилемъёс» кылбурысь лирической геройлэн?
-Кытысь сое тодомы?(кылбурез лыдзыса)Озьыен, уроклэн ужпумез кыче? (кылбурлэсь пуштроссэ валан, геройлэсь мылкыдзэ усьтон, кыче амалъёсын автор мылкыдзэ усьтэ)
II. Поисково –исследовательской этап
(Кылбурез лыдзо)
Д. Кыче кылъёс валантэмесь шедизы?
(Словарной уж нуиськом)
Д. Кылбурез лыдзиды. Кыче мылкыдыз геройлэн?
(Азьло умой, собере мылкыдыз куашка)
Д. Малы геройлэн мылкыдыз куашка? Малы пилемъёс сьоры кошкемез потэ?
Та юанъёслы валэктон шедьтыны юрттоз кылбурчилэсь улон сюрессэ эскеримы ке.
(Биографиез лыдзо)
Д. Кыче малпанэ вуиды?
(Лирической герой - со автор. Микаля агайлэн улон сюресэз секыт аръёсы ортчиз. Кылбуръёссэ но критиковать каризы. Соин но, дыр, пилемъёс шоры вожъяськыса учке. Геройлэн пилемъёс кадь «эрико» луэмез потэ)
Д. Нош пилемъёслэн улонзы капич-а, секыт-а?
(Нылпиос верало: Секыт. Капчи. Толъя ветло. Куддыр туж кужмо но луылэ-толлы пумит но мынэ. Эрико.)
Д. Нош герой пилемъёсты кычеен адзе?
Вылтуссэс вошъяса, малы но малы укшаны быгато пилемъёс? Текстысь со интыоссэ шедьтэ.
(Текстысь шедьтыса лыдзо)
Кыче амал кутэм автор пилемъёсты возьматон понна?
(Чошатон)
Д. Ма со чошатон? Кызьы со порме?
(Учебниысь текстэн ужало)
III. Практической этап.
1.Физкультминутка.
Д. Ойдолэ шутэтскоме. Кин кызьы возьматысал инмети уясь пилемъёсты?(одигез возьматэ-муктъёсыз борсязы быдэсто)
2.Табере слайд вылысь инкуазь суредэз учкоме. Кыче чошатонъёсты кутыны луысал та суред шоры учкыса. Тетрадяды гожтэ.
(Гожто тетрадязы. Пужым батыр кадь, турын буртчин вылем, шур синучконлы кельше…)
IV. Дунъян этап. Рефлексивно-оценочноц этап.
Д. Кыче чошатонъёс гожтиды? Лыдзом.
Ужзэс дунъяськом.
Йылпумъялом урокмес. Мар тодиз выльзэ возысьтыд эшед?
(Мынам эше тодиз Микаля агай сярысь….)
Гуртэ уж: Азьланьтоно предложениез «Баблес пилем ке луысал…»,тестады чошатонъёс но кутыны тырше.
