Урок № 5

  Урок № 5.

Тема : Йо1 йодаяр.

Лоарх1ам : из пьеса хьалхара драм. произведении хилар а, бокъонца керда нах кхувш боаг1илга

  а, кагирхой оамалаш хувцалуш латталга гойтар;Калимата сурт-сибат, лакхача говзал-

  ца дилла, кердача наькъ т1а яьнна йодача г1алг1ай кхалсага сурт хилар гойтар;нрав

  ственни кхетам балар;шаьра, къоастадеш дешара навыкаш кхеяр.

Гойтара г1ирс :  сурт, цунах йола кепайоазон материал.

  Авторо дика хьагойт вайнаьха мехкарий сакхетам

  Дика эргабаьнналга, хувцабенналга.

  « Керда никъ ба, кхалсаг, хьона хьалхашка улар.

  Иразе хилба хьа из! » - оалалу из пьеса йийшачунга.

  Мальсагов  Абу

  Урока никъ :

I. Кийчо ю ха.

II. Ц1аг1ара болх  тахкар :

1). биографии ювцийт дешархочунга.

2).» Пхьа « яхача пьесай чулоацам хьабувцийт дешархошка

3) Хаттараш дар дешархошка :

- Мишта гойтад паччахьа хана ахархой къе-миска баьхалга?

- Мишта хиннаб Мусий боахам?

-  Малаш хиннаб цу хана юрта доалдеш хиннараш?

-  Мишта сурт оттадеш ювц автора паччахьа суд?

-  Фу сурт да Мусса Сибарег1ара ц1авеча цунна хьалхашка эттар?

-  Мишта гойтад автора пхьений г1улакхех а къоалах а дийнна зенаш, г1улакхаш?...

III. Урока темацара болх :

1) Хьехархочун дош

  1923 ш. араяьлар «Йо1 йодаяр» яха 13 суртах латта пьеса. Из яр вай лит-ре эггара хьалхара драм. произведении, цу т1ара д1айолаелар г1алг1ай драматурги дег1аяр.  Автора ший пьеса т1а оттаяь хина тема – кхалсага ца хина бокъо, ший ираз бахьан долаш лоаман кхалсаго лоат-табаь къовсам. Пьеса керттера турпалхо  Калимат яха йо1 я. Цун сурт-сибат, лоаман кхалнаьха оама-лаш, цар къахьегам, хьинар, цар боккха безам 1алаьмате хоза гучабаккха в1ашт1ехьадаьннад автора. Ший  халкъа оамалаш, дог-уйла дика довзаш волча Зоврбика бокъонца хина а хила мега а х1ама да цу пьеса т1а гойтар, цун ларде диллар. Цу пьесо къаьгга хьагойт бокъонца керда нах кхувш Боаг1алга, г1алг1ай мехкарий а кагийча наьха а оамалаш дика хувцалуш йоаг1алга.

  Пьеса керттера уйла я – т1ехьадиса, зуламе дола къаьна 1аьдалаш къаман вахарера ц1ендаь д1а-даха  нха т1ахьехар. Цу зуламерча г1улакхех ца 1да  мехкарий удабер, мехкарех урдош дахар. Цу во-ча, халача 1аьдало, ца воалаш, къоалаг1а ваха везача оттавора е кхыдола наха зе а даь урдона ахча лаха дезача оттавора саг йоалае езаш вола саг. Из иштта долга гучадоал пьеса керттерча турпалхочо Мухтара деча къамаьлага ладийг1ача.

  Пьеса башха чоалхане яц. Бакъда, ший чулоацамга диллача, цо луш болча хьехамга диллача, из ч1оа-г1а пайдане хиннай къаьстта цу замах.

-  Х1анз вай шуца, ролаш д1ай-хьай а йийкъа ешаргья из пьеса. Х1аране ший роль 1алаьмате шаьреи, нийсеи, къоастадеши еша еза.  ( О, 46 – 54 )

2) « Йо1 йодаяр » яха пьеса 1оешийт дешархошка ролах.

3)  Хаттараши т1адуллараши :

-  Маца язъяьй « Йо1 йодаяр » яха ший пьеса?

-  Ц1ераш яха керттерча турпалхой

-  Малаг1а я пьеса керттера тема?

-  Х1аьта, керттера уйла?

-  Фу саг вар  Мухтар?

-  Текста т1ара хьа а лахе,1оеша Мухтара монолог ( «Деррига новкъа латтар со къе хилар деций?...» )

- Дешашца а сурташца а Калимата сурт дилла.

-  Осман, цун сабари хьаькъали.

- Мишта пайда боал Османа хьехамах?

- Белгалбе керттерча турпалхой мотт.

3 ) Драматически произведене жанрех кхетам балар ( белгалъяха еза царех керттераяраш:драма, коме

ди, трагеди… )

IV Урока корта бар :.

V. Ц1аг1а :  1. чулоацам ха,  О. 46- 55  2. Дешархочун хоам : « - хьехархо»