Фізічная культура і здароўе (стр. 5 )

Вучні павінны ведаць:

· дасягненні беларускіх алімпійцаў на апошніх летніх і зімовых Алімпійскіх гульнях;

· шкодныя экалагічныя фактары і іх уплыў на здароўе чалавека;

· рухальны рэжым вучэбнага і выхаднога дня.

Вучні павінны ведаць і выконваць:

· правілы бяспечных паводзін на ўроках фізічнай культуры і здароўя і ў час самастойных знаняткаў;

· гігіенічныя патрабаванні да адзення і абутку;

· вывучаныя правілы самастойных заняткаў фізічнымі практыкаваннямі;

· вывучаныя правілы і патрабаванні да здаровага ладу жыцця;

· правілы дыхання пры выкананні фізічных практыкаванняў.

Вучні павінны ведаць і ўмець правільна выконваць:

· страявыя каманды і практыкаванні;

· вывучаныя разнавіднасці хадзьбы, бегу, гульнявыя заданні з хадзьбой і бегам;

· вывучаныя разнавіднасці скачкоў з месца і з разбегу:

· вывучаныя разнавіднасці падцягванняў, лажання;

· правілы бяспечных паводзін у час заняткаў на вадзе;

· тэсты для ацэнкі ўзроўню развіцця сваіх рухальных здольнасцей.

Вучні павінны ўмець:

· гуляць у развучаныя рухавыя гульні;

· правільна размяркоўваць свае сілы ў бегу на зададзены час і адлегласць;

· кідаць малы мяч на далёкасць, у гарызантальную і вертыкальную цэлі з адлегласці 4—5 м;

· правільна і эстэтычна выразна выконваць вывучаныя практыкаванні для фарміравання правільнай паставы;

· пастаянна сачыць за правільнай паставай;

· захоўваць раўнавагу ў розных умовах;

· правільна і эстэтычна выразна выконваць вывучаныя танцавальныя крокі;

· правільна выконваць вывучаныя тэхнічныя прыёмы і спосабы перамяшчэння на лыжах;

· правільна размяркоўваць свае сілы пры хадзьбе на лыжах на адлегласць да 2 км;

· правільна выконваць вывучаныя практыкаванні, якія падводзяць да плавання;

· правільна скакаць у ваду;

· праплываць не менш за 25 м на грудзях ці на спіне.

ПАТРАБАВАННІ ДА ЎЗРОЎНЮ ПАДРЫХТАВАНАСЦІ ВУЧНЯЎ,

ЯКІЯ ЗАКАНЧВАЮЦЬ ПАЧАТКОВУЮ ШКОЛУ

Алімпійскі даведнік

Вучні павінны ведаць:

· што такое Алімпійскія гульні, калі і дзе ўзніклі Алімпійскія гульні старажытнасці, як часта яны праводзіліся, дзе праходзілі спаборніцтвы, хто прымаў у іх удзел, як называлі пераможцаў старажытных Алімпійскіх гульняў, чым яны ўзнагароджваліся, калі спыніліся Алімпійскія гульні старажытнасці;

· калі ўзніклі сучасныя Алімпійскія гульні; дзе былі праведзены першыя Алімпійскія гульні сучаснасці; чаму пяць кольцаў рознага колеру сімвалізуюць Алімпійскія гульні; дэвіз Алімпійскіх гульняў; паняцце “сумленная гульня” ў спорце; якую алімпійскую ўзнагароду ўручаюць спартсмену за высакародны ўчынак; прозвішчы беларускіх чэмпіёнаў Алімпійскіх гульняў, якія праславілі Радзіму.

Вучні павінны ўмець:

· пераказаць легенды аб узнікненні Алімпійскіх гульняў; растлумачыць, чаму Алімпійскія гульні старажытнасці мелі поспех, чаму яны былі спынены;

· растлумачыць, што такое алімпійскі агонь, алімпійская эмблема, алімпійскі сцяг, алімпійскі талісман; чаму праводзяцца зімовыя і летнія Алімпійскія гульні; значэнне Алімпійскіх гульняў для нашай краіны; чаму мы ганарымся чэмпіёнамі і прызёрамі Алімпійскіх гульняў;

· расказаць аб цырымоніях адкрыцця і закрыцця Алімпійскіх гульняў, узнагароджванні пераможцаў; назваць прозвішча беларуса — першага прызёра Алімпійскіх гульняў, прозвішчы алімпійскіх чэмпіёнаў, якія праславілі нашу краіну на Алімпійскіх гульнях.

Фарміраванне культуры здароўя і здаровага ладу жыцця

сродкамі фізічнай культуры

Вучні павінны ведаць:

· правілы бяспечных паводзін на арганізаваных і самастойных занятках фізічнымі практыкаваннямі, значэнне іх выканання для захавання і паляпшэння здароўя;

· рухальны рэжым школьніка, рэжым дня вучня;

· уплыў заняткаў фізічнай культурай на стан здароўя, значэнне правільнага дыхання пры выкананні фізічных практыкаванняў;

· паняцце правільнай паставы і правілаў яе фарміравання;

· значэнне загартоўвання арганізма для здароўя, найпрасцейшыя правілы загартоўвання;

· паняцце фізічнага развіцця школьніка, уплыў заняткаў фізічнай культурай на фізічнае развіццё, паказчыкі свайго фізічнага развіцця (даўжыня і маса цела, частата сардэчных скарачэнняў у стане спакою, частата дыхання);

· паняцце ўзроўняў развіцця фізічных здольнасцей, паказчыкі і тэсты ацэнкі гэтых узроўняў, правілы выканання тэставых практыкаванняў;

· значэнне і перавагі здаровага ладу жыцця;

· правілы выканання комплексаў практыкаванняў ранішняй гімнастыкі.

Вучні павінны ўмець:

· выконваць правілы бяспечных паводзін на фізкультурных занятках, у час фізкультурных святаў і спартыўных спаборніцтваў;

· правільна дыхаць пры выкананні фізічных практыкаванняў, захоўваць правільную паставу на ўроках, у час самападрыхтоўкі, у побыце і ў час заняткаў фізічнымі практыкаваннямі;

· вымяраць асноўныя паказчыкі фізічнага развіцця, ацэньваць змяненне фізічнага развіцця (“лепш”, “горш”);

· параўноўваць вынікі паказчыкаў фізічнага развіцця і ўзроўню развіцця фізічных здольнасцей (“лепш”, “горш”);

· называць правілы здаровага, фізічна актыўнага ладу жыцця, тлумачыць значэнне іх выканання для свайго здароўя;

· самастойна выконваць комплекс практыкаванняў ранішняй гімнастыкі.

Вучні павінны быць гатовы:

· прымяняць атрыманыя веды, уменні, навыкі ў час выканання фізічных практыкаванняў;

· выконваць на занятках фізічнай культурай гігіенічныя патрабаванні да адзення, абутку, спартыўнага абсталявання і інвентару.

Фарміраванне школы рухаў

Вучні павінны ведаць:

· назвы і прызначэнне вывучаных практыкаванняў і спосабаў дзейнасці;

· правілы бяспечнага выканання вывучаных агульнаразвіццёвых практыкаванняў, разнавіднасцей хадзьбы, бегу, скачкоў, кіданняў, акрабатычных прктыкаванняў, перамяшчэння на лыжах, вывучанага спосабу плавання;

· правілы правядзення не менш як 12-ці вывучаных рухавых гульняў.

Вучні павінны ўмець:

· тлумачыць правілы выканання вывучаных фізічных практыкаванняў і спосабаў дзейнасці, тэхнічна правільна выконваць асноўныя вывучаныя агульнаразвіццёвыя практыкаванні, разнавіднасці хадзьбы, бегу, скачкоў, кіданняў, акрабатычных практыкаванняў, перамяшчэння на лыжах, вывучаныя спосабы плавання;

· гуляць не менш чым у 12 вывучаных рухавых гульняў.

Вучні павінны быць гатовы:

· выкарыстоўваць вывучаныя фізічныя практыкаванні для самастойнага рашэння задач фізічнага самавыхавання;

· тэхнічна правільна выконваць фізічныя практыкаванні;

· гуляць у развучаныя рухавыя гульні без дапамогі настаўніка.

Фізічная падрыхтоўка, рэкрэацыя, аздараўленне

Вучні павінны ведаць:

· практыкаванні, якія прымяняюцца для развіцця каардынацыйных здольнасцей;

· практыкаванні для развіцця і тэсты для ацэнкі ўзроўню сілавых, скорасных, скорасна-сілавых здольнасцей, гібкасці, вынослівасці.

Вучні павінны ўмець:

· адрозніваць, для развіцця якіх рухальных здольнасцей (каардынацыйных і кандыцыйных) прымяняюцца тыя ці іншыя практыкаванні;

· ацэньваць па велічыні ЧСС (пульсу) і самаадчуванню нагрузку пры выкананні фізічных практыкаванняў;

· тэхнічна правільна выконваць фізічныя практыкаванні;

· правільна выконваць тэсты для ацэнкі кандыцыйных здольнасцей, паказваць пры гэтым максімальна магчымы для сябе вынік.

Вучні павінны быць гатовы:

· ацэньваць велічыню нагрузкі (высокая, сярэдняя, нізкая) пры развіцці каардынацыйных і кандыцыйных здольнасцей;

· паказаць індывідуальна максімальны вынік у тэставых практыкаваннях.

Шкала ацэнкі ўзроўню развіцця рухальных здольнасцей вучняў І класа

№	Назва тэста	Узроўні і ацэнка вынікаў
Нізкі	Ніжэйшы за сярэдні	Сярэдні	Вышэйшы за сярэдні	Высокі
Дзяўчынкі
1	Скачок у даўжыню з месца (см)	94 і менш	95	100	105	110	114	117	120	125	130 і больш
2	Чаўночны бег 4 x 9 м (с)	14,7 і больш	14,6	14,0	13,6	13,3	13,1	12,8	12,5	12,2	11,8 і менш
3	Падыманне і апусканне тулава са становішча лежачы на спіне (за 30 с) (к-сць разоў)	10 і менш	11	13	14	15	16	17	18	20	22 і больш
4	Нахіл уперад (см)	-3 і менш	-2	-1	0	1	2	3	4	5	6 і больш
5	Бег 30 м (с)	7,8 і больш	7,7	7,4	6,9	6,8	6,7	6,6	6,4	6,3	6,1 і менш
6	6-мінутны бег (м) або	650 і менш	680	760	800	850	890	920	970	1000	1110 і больш
	Бег 500 м (мін, с)	4,11 і больш	4,10	3,50	3,40	3,30	3,20	3,10	3,00	2,50	2,30 і менш
Хлопчыкі
1	Скачок у даўжыню з месца (см)	103 і менш	104	110	115	120	122	127	130	136	142 і больш
2	Чаўночны бег 4 x 9 м (с)	14,0 і больш	13,9	13,3	13,0	12,8	12,5	12,3	12,0	11,8	11,4 і менш
3	Віс на сагнутых руках (с)	2 і менш	3	5	7	8	10	12	15	18	23 і больш
4	Нахіл уперад (см)	-7 і менш	-6	-3	-1	1	2	4	5	7	10 і больш
5	Бег 30 м (с)	7,6 і больш	7,5	7,2	7,0	6,9	6,7	6,5	6,4	6,2	6,0 і менш
6	6-мінутны бег (м) або	700 і менш	720	800	860	900	950	1000	1020	1080	1140 і больш
	Бег 800 м (мін, с)	6,31 і больш	6,30	6,00	5,30	5,10	5,00	4,50	4,40	4,20	4,00 і менш

Шкала ацэнкі ўзроўню развіцця рухальных здольнасцей вучняў ІI класа