С Ц Е Н А Р И Й
Вечера, посвященного международному женскому Дню -8 МАРТА.
МБУ КДЦ «Алкадарский»
Залдин цлал гуьрчегдиз туькуьрнавай 8-мартдин гафар, цюкверин юкьва тунвай
аял гвай шикил янава, ва «ВИРИ ДУНЬЯДИН ДИШЕГЬЛИЙРИН ЮГЪ МУБАРАКРАЙ !»
гафар кхьенвай лозунг ала.
Залда музыкадин ванн ава.
Чин гьукуматдин сиясат
Гафар-ч1алар хьунух я сад.
Мартдин вацра хьайи азад
Папар сувар мубарак хьуй.
-Гьуьрметлу дишегьлияр! Играми вахар, дидеяр! Чна квез алукьзавай вири дуьньядин дишегьлийрин югъ 8-март рик1ин сидкьидай мубаракзава.
Къуй, квехъ чандин сагъвал, рик1ин шадвал, хизанда бахтар, ислягьвал дуньньядал хьурай!
Гуьрметлу дидеяр, вахар, квез 8-мартдин сувар мубарак ийиз чин хуьруьн глава АСП «сельсовет «Алкадарский» Эмрахов Нурали А. атанва. Чна гаф гузва Эмрахов Нуралидиз.
-Гуьрметлу дидеяр-вахар, квез алукьзавай 8-мартдин сувар мубарак хьуй. Куьн к1валера шадвал, берекат, бахтар хьурай.
Ширин зат1ар гзаф ава дуьньяда,
Сад лагьайди вун я, диде, чан диде!
Къенин юкъузни ава зин япара
Вин лайлайдин низик ширин ванн диде.
Диде! Играми инсан! Вин зегьметдин сан гьисаб нивай гуз жеда?
Гьикван вуна велед рик1е аваз ахвар тавур ийфер акъудна?
Гьикван куьне ватандиз вафалу рухваярни рушар хана?
Гьар са диде баркаллувилин ч1ехи чешне я!
Гьавиляй, дидедиз мани шиир тесниф тавур шаир ва я композитор бажагьат ава.
Мани «Диде» лугьуда Идрисова Аленади.
Играми дидеяр-вахар, чин вечердал дяведин вахтара трудовой фронтдиз куьмекар гайи дидеярни ала.
Гаф гузва чна да чаз дяведин вахтара акьалтай четинвилерикай суьгьбет авуна.
Ични чуьхвер, цип1иц1лухар
Битмиш жезва накьварал вин.
Мимаимдиз рахазва гар
Такабурлу тепейрал вин.
Гаф гузва чна чин вечердин иштиракчи багълара зегьмет ч1угур диде Шабанова Сагидатаз.
Мани «Лезги руш» - лугьуда Пирмагомедова А.
Зин хцивал, зин михьивал
Зин муьгьуьббат, зин деринвал
Зин сагъламвал, зин зиреквал
Зин уьтквемвал учитель я.
Гаф гузва, чна гзаф йисара чин хуьруьн школада вичин балайриз хьиз тарс гайи учительница Азимова Зильфирадиз.
Ада чаз 8-мартдин сувар мубарак авуна ва вичин к1валахдикай са гъвеч1и суьгьбет авуна.
Мани «Нур муаллим» лугьуда Идрисова М.
Шиир: «Дидедиз», к1елда Гамзатова Н.
Игитвал вин баркаллу кар
Жеч вин кьиле дамахдин гар.
Духтур рагьай гьуьрметлу т1вар
Рик1ин мурад гюзел я вин.
Чин хуьруьн ФАП-дин работникарни иштиракчияр я къенин чин вечердин. Буюр, Марина духтур, гаф гузва чна.
Марина духтурди чаз суварар мубарак авуна вичин к1валахдикай суьгьбет авуна.
Шиир «Лацу халат» к1елда Муртузалиева Р.
Мани: «Гатфар» лугьуда Таджибова Р.
-Гуьрметлу юлдашар, генани квез алукьзавай 8-мартдин сувар мубурак хьуй! Квез жедай хабарар шадвилинбур хьуй.
Чин вечерда иштирак авунай квез чухсагъул.
Гьа иналди чна чин 8-мартдин вечер акалт1арзава.
Директор КДЦ «Алкадарский! Сефикулиева Г.
