9.8. Оқу тәртібін (соның ішінде себепсіз сабақ босату), Ішкі тәртіп ережелерін (студенттің теріс қылықтар жасауы: сабаққа алкогольдік немесе есірткілік масайған күйде келуі, қоғамдық тәртіпті бұзуы және т. б.), ҚарМУ Этикалық нормалар кодексін және Жатақханада тұру ережелерін бұзғаны үшін студентке келесі тәртіптік шаралар қолданылуы мүмкін:
- ескерту;
- сөгіс;
- қатаң сөгіс;
- университеттен шығару.
10. Университет ғимараттарындағы тәртіп
10.1. Университет ғимараттарындағы тәртіп пен қолайлылыққа (жұмысқа жарамды жиһаздың, оқу жабдықтарының болуы, қалыпты температура мен жарықты қамтамасыз ету) проректор, бұл оның міндетіне лауазымдық нұсқаулыққа сәйкес енеді, сонымен қоса тиісті бөлімшенің басшысы жауап береді. Оқу зертханалары мен кабинеттердегі жабдықтардың жарамдылығы мен оқу құралдарының сабаққа дайын болуына кафедра және зертхана, оқу кабинеттерінің меңгерушілері, әдіскерлер, лаборанттар жауап береді.
10.2. Университет аумағында тыйым салынады:
- тиісті бөлімшенің қалыпты жұмыс жасауын қиындататын әрекеттерге;
- шылым шегуге;
- спирттік ішімдіктерді пайдалануға;
- құмар ойындарға;
- мас күйде, алкогольдік, есірткілік немесе уландырғыш заттармен масайған күйде келуге;
- жануарлармен келуге (зерттеулік мақсаттардан басқа).
10.3. Университет ғимараттарында сырт киіммен және бас киіммен жүруге тыйым салынады.
10.4. Қызметкерлерді, білім алушыларды немесе басқа да тұлғаларды, сонымен қоса автокөліктерді Университет ғимаратына және аумағына кіргізу тәртібі, сонымен қоса мүлікті Университет аумағында ауыстыру немесе Университет аумағынан тыс жерге шығару тәртібі белгілі тәртіпте бекітілетін Университеттің нысандарында кіргізу тәртібін ұйымдастыру туралы Ережемен, Университет жатақханаларында тұру ережелерімен, сонымен қоса Университеттің Қауіпсіздік қызметінің келісімімен Университет бөлімшелерінде әзірленетін ережелермен анықталады.
10.5. Университет басшылығы оқу орнының күзетілуін, жабдықтардың, мүліктің және басқа да заттардың сақталуын, сонымен қоса оқу және тұрмыстық бөлмелерде қажетті тәртіпті қамтамасыз етуге міндетті. Мүліктің сақталуына, ғимараттың өртке қарсы және санитарлық жағдайына лауазымдық нұсқаулықтарға сәйкес жекелеген құрылымдық бөлімшелердің басшылары, ал қажет болған жағдайларда ректордың бұйрығымен тиісті лауазымдық тұлғалар жауап береді.
10.6. Мереке күндері және демалыс күндері, сонымен қоса төтенше жағдайларда тұрғын үй және тұрмыстық ғимараттарды қоса алғанда Университеттің барлық ғимараттарында Университет басшылығы ерекше жұмыс және мүлікті қолдану тәртібін бекітуі, сонымен қоса қызметкерлердің кезекшілік етуі енгізілуі мүмкін. Жұмыстан тыс уақытта бөлімшелерде жоспарланған сабақтар мен жұмыстарды жүргізуді құрылымдық бөлімше басшылары Университет Қауіпсіздік қызметінің бастығымен келіседі және ол ректордың бұйрығына сәйкес жүзеге асырылады.
10.7. Оқу ғимараты бөлмелерінің (кафедралар, дәрісханалар, кабинеттер, зертханалар) кілттері оқу ғимараты күзетінің кезекшісінде болуы тиіс және тиісті бөлімшелер қызметкерлеріне қол қою арқылы берілуі керек.
Оқу төлемақысы
1. Ақылы бөлімде оқитын студенттердің төлем шарты келісім шартта көрсетілген. Аталған шарт талапкердің жоғары оқу орнына түсер кезінде толтырылады.
2. Жоғары оқу орны басқа да негізгі оқу үдерісінде көрсетілмеген білім беру жағдайларын көрсете алады.
3. Егер студент қайта оқу курсына қалып қойса, сессия барысында сыналмаған пәндер бойынша ғана оқу ақысын төлейді.
4. Жазғы семестірге қалып қойған студент көрсетілген тариф бойынша қосымша ақы төлейді.
5. Оқудан шығып қалған немесе басқа жоғары оқу орнына ауысқан студент академиялық айырмашылыққа қосымша ақы төлемін жасайды.
6. Жоғары оқу орны мамандық түріне қарамастан бір кредит бағасын анықтайды.
Студенттерді несиелеу
Студенттерді несиелеу шарттары кестеде көрсетілген.
Студентке қойылатын шарт | Қазақстан Республикасының азаматы, жеке тұлға |
Банктік несие көлемі | «Альянс банк» АҚ-да ашылған жоғары оқу орнының шотына аудару жолымен жоғары оқу орнының төлем шотында көрсетілген академиялық кезең үшін оқу ақысының құнына сәйкес |
Берілетін валюта | Теңге |
Жылдық пайыздық мөлшер | Жылдық 9% |
Комиссиялық сыйақы | Комиссиялар, жарналар және/немесе басқа да төлемдерден басқасы алынбайды, мысалы: 1) Оқуға несие ұсыну шарттарын Несие алушының бастамасы бойынша өзгертуге байланысты; 2) Оқуға несие алу бойынша Несие алушының міндеттерін бұзуы себебіне байланысты. |
Мерзімі | 17 жылға дейін, бірақ жоғары оқу орнында толық оқу курсын аяқтаған сәттен бастап 10 жылдан артық емес. |
Сыйақы және негізгі қарыз төлемінің жеңілдетілген мерзімі | Жеңілдетілген мерзім ұсынылады: - студенттің оқу кезеңі мен оқудың толық курсын аяқтаған соң 1 жыл (бакалавриат/интернатура/магистратура); Сонымен қоса қосымша: - толық оқу курсын (бакалавриат) аяқтаған соң жедел әскери қызметке кетсе 1 (бір) жылға дейін немесе жоғары оқу орнынан кейінгі оқуға түссе 2 (екі) жылға дейін; - жүктілігіне және босануына немесе бала күтіміне байланысты демалысқа шықса - 3 (үш) жылға дейін. |
Үстемеақы | Әр төленбеген күнге 0,3% үстемеақы |
Мерзімінен бұрын төлеуге мораторий | Мороторий жоқ, бірақ мерзімінен бұрын төлеудің ең аз сомасы бір айлық төлем көлемінде болады |
Мерзімінен бұрын төлеуге айып сома | Жоқ |
Төлем жасау кестесі | Әр ай сайын, қосымша сома мен негізгі төлем бірдей жүреді. |
Несиелік төлем жасау тәсілі | Қолма – қол ақшамен, қолма-қол ақшасыз жеңілдетілген мерзім біткен соң |
Қарыз алушы міндетінің орындалу түрі | Несие алушының/кепіл берушінің (егер болса) жылжымайтын мүлігі. Егер жылжымайтын мүлік болмаса: - «Қаржы орталығы» АҚ кепілдік міндеттемесі негізгі транштың 100% көлемде. |
Кепілге (жылжымайтын мүлікке) қойылатын талаптар | Несие беруге Өтініш берген сәтте кепіл затына талас болмауы қажет. |
Студенттерді «Самұрық қазына әл ауқат қоры»
АҚ –ның қорынан мемлекеттік бағдарлама
негізінде несиелеуді жүзеге асыру
шарттары туралы Ережелерге қосымша
Құжаттар тізімі
1. Кепілге жылжымайтын мүлік қойылған жағдайда:
1. Қарыз алушы/Кепіл беруші/Қамқорлыққа алушының, қарыз алушы/кепіл берушінің жұбайының жеке куәлігі (түпнұсқа)
2. Қарыз алушы/ Кепіл беруші/ Қамқорлыққа алушының, қарыз алушы/кепіл беруші жұбайының СТН (түпнұсқа)
3. Қарыз алушы/ Кепіл беруші/ ӘЖК (түпнұсқа)
4. Азаматтарды тіркеу кітабының (үй кітабы) нотариалдық куәландырылған көшірмесі немесе қарыз алушының/кепіл берушінің тиісті елді мекенде тұратындығын растайтын анықтама. Тұрақты тіркеудің болмауы жағдайында студенттің оқитын елді мекенінен уақытша тіркелгені туралы анықтама.
5. Жылжымайтын мүліктің құқықтық негізін бекітетін құжаттар (көшірмелері):
- сату-сатып алу, жекешелендіру, айырбас, тарту ету шарты, құрылысы аяқталған соң нысанды пайдалануға қабылдау туралы мемлекеттік қабылдау комиссиясының акті, аукциондық сату хаттамасы;
- мұрагерлік құқық туралы куәлік: сот шешімі және т. б.;
- ие болу негізіне байланысты: қабылдау-тапсыру актісі, кепілге берілетін мүлік құнын төлеу туралы құжаттар – егер оған ақылы түрде ие болса;
- меншік иесі көрсетілген және жылжымайтын мүлікке құқықты тіркеу органдарының белгісі қойылған ғимараттың/ пәтердің жоспары;
- жылжымайтын мүлікке құқықты мемлекеттік тіркеу туралы куәлік және онымен жасалатын келісімдер (бұл құжат міндетті емес).
6. Қамтамасыз етуші тұлғаның кепілге берген мүлікті алу кезінде некеде болмағаны туралы өтініші (түпнұсқа) – егер кепілге беретін мүлікті алу кезінде некеде тұрмаған жағдайда беріледі.
7. Егер кепілге ұсынылатын мүлік заңды неке кезінде алынған болса, жұбайлардың жалпы біріккен меншігі тәртібі қолданылады:
- кепіл берушінің – жеке тұлғаның некені тіркеу туралы куәлігі/ некені бұзу жөніндегі куәлігі (нотариалды бекітілген көшірмесі)
- жұбайының нотариалдық расталған келісімі (соның ішінде бұрынғы жұбайының, егер некені бұзғаннан бері 3 жылдан кем уақыт өтсе және некені бұзу кезінде жұбайлардың біріккен меншігі болып табылатын мүлік бөліске салынбаса) – егер жұбайлар арасындағы келісіммен немесе сот шешімімен кепілдікке ұсынылатын мүлік жұбайлардың үлестік меншігі не біреуіне тиесілі немесе меншік құқығымен жұбайлардың әрқайсысына тиісті бөлікте тиесілі болып табылатындығы қарастырымаса ұсынылады.
Жұбайлардың арасында жасалған неке келісімшарты (нотариалдық расталған көшірмесі) – егер осы келісімшартта жұбайлардың біріне кеплідікке берілетін зат болып табылатын мүлікті өз бетінше қолдану бойынша құқығы анықталған болса.
Жұбайлар арасында жасалған ортақ мүлікті бөлу туралы келісім (нотариалдық көшірме) – егер мұндай келісіммен кепілдікке ұсынылатын зат болып табылатын мүлікті қолданудың басқа тәртібі анықталған болса (яғни жұбайлардың ортақ меншік тәртібі болмаса).
8. Банк акредиттеген тәуелсіз бағалау компаниясының мүлікті бағалау туралы есебі (түпнұсқа).
9. Қарыз алушы мен оның ата-анасының (қамқоршысының) тіркелген жері бойынша жылжымайтын мүлігінің жоқтығы туралы тіркеу органының анықтамасы.
10. Тіркеу органының мүлік бойынша қиыншылықтардың жоқтығы туралы анықтамасы (түпнұсқа).
11. Жоғары оқу орнымен оқу туралы келісімшарты (түпнұсқа).
12. Семестр үшін ақы төлеу есебі (түпнұсқа).
13. Оқитын жерінен қарыз алушының мамандығы, курсы және оқу түрі, орташа үлгерімі туралы ақпараты бар анықтама (түпнұсқа).
14. Ата-анасының қарыз алушының банк зайымының шартын толтыруға келісім-өтініші (егер қарыз алушы кәмелетттік жасқа толмаса), ата-анасы болмаған жағдайда қажет болмайды.
15. 1-кестеге сәйкес клиенттің әлеуметтік мәртебесін растайтын анықтама.
2. «Қаржы орталығы» АҚ мен жоғары оқу орны кепілдік ұсынған кезде:
1. Қарыз алушының, қарыз алушының жұбайының жеке куәлігі (түпнұсқа).
2. Қарыз алушының, қарыз алушының жұбайының СТН (түпнұсқа)
3. Қарыз алушының ӘЖК (түпнұсқа)
4. Азаматтарды тіркеу кітабының (үй кітабы) нотариалдық куәландырылған көшірмесі немесе қарыз алушының/кепіл берушінің тиісті елді мекенде тұратындығын растайтын анықтама. Тұрақты тіркеудің болмауы жағдайында студенттің оқитын елді мекенінен уақытша тіркелгені туралы анықтама.
5. Қарыз алушы мен оның ата-анасының (қамқоршысының) тіркелген жері бойынша жылжымайтын мүлігінің жоқтығы туралы тіркеу органының анықтамасы.
6. Жоғары оқу орнымен оқу туралы келісімшарты (түпнұсқа).
7. Семестр үшін ақы төлеу есебі (түпнұсқа).
8. Оқитын жерінен қарыз алушының мамандығы, курсы және оқу түрі, орташа үлгерімі туралы ақпараты бар анықтама (түпнұсқа).
9. Ата-анасының қарыз алушының банк зайымының шартын толтыруға келісім-өтініші (егер қарыз алушы кәмелетттік жасқа толмаса), ата-анасы болмаған жағдайда қажет болмайды.
10. 1-кестеге сәйкес клиенттің әлеуметтік мәртебесін растайтын анықтама.
1-кесте
Студенттің әлеуметтік мәртебесі | Растайтын құжаттар |
Жетім және ата-анасының асырауынсыз студенттер | Жергілікті атқарушы органның асырау және қамқорлық бөлімінен анықтама (ҚР Білім және ғылым министрлігінің құзырлығы) |
Кемтар студенттер | ҚР Еңбек және әлеуметтік қорғау министрлігінің Бақылау және әлеуметтік қорғау жөніндегі комитеті аумақтық органының кемтарлық жөніндегі анықтамасы |
Ата-анасы кемтар болып табылатын студенттер | ҚР Еңбек және әлеуметтік қорғау министрлігінің Бақылау және әлеуметтік қорғау жөніндегі комитеті аумақтық органының ата-анасының кемтарлығы жөніндегі анықтама |
Көп балалы отбасынан шыққан студенттер | Мемлекеттік зейнетақы төлеу орталығынан 4 және одан да көп бірге тұратын кәмелетке толмаған балаларға берілетін арнайы мемлекеттік жәрдемақы алатыны жөнінде анықтама |
Табысы аз немесе толық емес отбасынан шыққан студенттер | Кент, ауыл, ауылдық округы әкімінен, қалалық әлеуметтік бағдарламалар бөлімінен табысы аз немесе толық емес отбасы екенін растайтын анықтама. |
Ата-аналары зейнет жасына жеткен студенттер | Мемлекеттік зейнетақы төлеу орталығынан ата-анасының зейнеткерлік мәртебесі туралы анықтама. |
Кредиттік технология бойынша студенттерді оқыту бағдарлмасы
Оқу жоспары. Кредиттік технология бойынша оқыту ҚР Білім және ғылым министрлігінің типтік бағдарламалары негізінде әзірленген оқу жоспарларына сәйкес жүргізіледі.
Мамандық бойынша жұмыс оқу жоспарын Е. А. Бөкетов атындағы ҚарМУ ректоры бекітеді. Мамандықтардың жұмыс оқу жоспарына пәндердің 3 тобы енеді:
· міндетті оқытылатын және дер уақытында жалғасын табатын пәндер;
· міндетті түрде оқытылатын, бірақ жалғасын таппайтын пәндер;
· Студенттер өздері таңдайтын пәндер.
Жұмыс-оқу бағдарлмасына сәйкес студенттің жеке оқу-жоспары жасалады.
Студенттер жеке жұмыс жоспарының құрылуын эдвайзердің және кеңсе тіркеушінің көмегімен жүзеге асырады. Эдвайзер шығарушы кафедра маманы бола отырып, студенттерді оқытудың жеке траекториясын таңдауда бағыт береді.
Тіркеуші студенттердің өтініштерін басшылыққа ала отырып, топтарды құрады және студенттер таңдаған пәндердің тиімділігін анықтайды.
Әр студент ақамдемиялық оқу жылының басында оқитын пәндердің силлабустарын, жеке жұмыс материалдарын және іс-тәжірибелердің бағдарламаларын алады.
Студенттің орташа балы (GPA). Рейтинг. Бақылау.
Студенттің үлгерімі бойынша орташа балл есептеледі. (GPA), оның ең жоғарғы көрсеткіші 4,0 балды құрайды.
Орташа балл студенттің қорытынды нәтижесі бойынша шығарылады. Өз кезегінде нәтиже балдық-рейтингілік жүйе бойынша бағаланады. Рейтинг – бұл балдық көрсетілімдегі студент қызметінің бағасы. Рейтингтік жүйені оқу үдерісінде дұрыс қолдану студенттің білімін, қабілетін, дағдыларын және жүйелік еңбегін бақылау әділдігінің артуына ықпал етеді, бұл алған білімнің беріктігінің кепілі болып табылады.
Студенттің оқу блогы ағымында әр түрлі жұмыстарға қатысқаны үшін алған балдарының сомасымен анықталатын рейтинг білім беру сапасының жалпы көрсеткіші ретінде танылады.
Студенттердің білімін үздіксіз рейтингілік бақылау оңтайлы үйлесімі өзара байланысты бақылаудың үш түрін құрайтын кезеңдерден өтеді: ағымдық, үй тапсырмасы, аралық және қорытынды. Бақылаудың әр түрі үшін студент белгілі балл жинауы керек, олардың жиынтығы қорытынды бағаны (қорытынды рейтинг) қалыптастырады.
Студенттер білімінің деңгейін анықтау мақсатында бақылаудың рейтингілік жүйесі әзірленді. ҚарМУ-да студенттің рейтингін анықтаудың 100-балдық шкаласы қолданылады. Мұндай шкала ондаған рейтингілік бірліктердің шегінен шықпастан студенттің білімінің деңгейін анықтауға мүмкіндік береді.
Күндізгі оқу бөлімі студенттерін бақылау түрлері:
Ағымдық бақылау 15-30 балды құрайды және практикалық, зертханалық сабақтар аясында дәріс оқушының ассистентімен жүзеге асырылады.
Аралық бақылау 15-30 балды құрайды және оны дәріс оқушы академиялық кезеңнің 6-7, 13-14 апталарында өткізеді. Аралық бақылаудың нәтижелері арнайы ведомостіге енгізіледі.
Сырттай оқу бөлімі студенттерін бақылау түрлері:
Ағымдық бақылау 15-30 балды құрайды және оқытушымен семестр ағымында жүзеге асырылады (сабақтағы белсенділігі, талқылауға қатысу және т. б.)
Аралық бақылау 15-30 балды құрайды және ҚарМУ базасында «Тестер» бағдарламасында немесе сканерлік өңдеу арқылы қағаз тасымалдаушыларда оқу пәндерінің негізгі бөлімдері бойынша тестілеу түрінде өткізіледі.
Рейтинг-шкала
Ағымдық бақылау | Аралық бақылау | Жіберу рейтингісі | Қорытынды бақылау | Суммалық бақылау |
15-30 | 15-30 | 30-60 | 20-40 | 50-100 |
Электронды университет жүйесінде жұмыс істеу бойынша нұсқаулық, күндізгі бөлім студенттері үшін
«Тестілеу» модулі
1. Браузер (мысалы, Internet Explorer) адрес терезесінде e. серверінің адресін көрсетіңіз.
2. «Тестілеу» гиперсілтемесін активтендіріңіз.
3. Оn-line тестілеу диалогтік терезесі шығады.
«Вход» («Кіру») сілтемесін активтендіру қажет
4. Тілдер панелін тексеріңіз, клавиатураны ағылшын тіліне ауыстырыңыз.
«Username» терезесінде – логиніңізді, «password» терезесінде пароліңізді көрсетіңіз (логин мен парольді алдын-ала кеңсе тіркеушісінен алу керек)
5. «Тестілеу» сілтемесін активтендіріңіз
6. Тестілеуден өтетін пәнді таңдаңыз, белгілі пән бойынша «Тестілеуден өту»-ді басыңыз
7. Таңдаған пән бойынша 20 тест сұрағы ұсынылады
30 минут ішінде берілген жауап нұсқаларын таңдаңыз не таңдалған нұсқаларды өзгертіңіз
8. Тест аяқталғаннан кейін «Готово» («Дайын») сілтемесін активтендіріңіз
9. Тестіден өтудің аяқталғанын «ОК»-ді активтендіру арқылы растаңыз
10. Тестілеудің нәтижесін көру
11. «Выход» («Шығу») сілтемесі арқылы тестілеуден өтуді аяқтауыңызға болады немесе «Тестілеу» сілтемесі арқылы басқа пәндер бойынша тестілеуден өтуді жалғастыруыңызға болады.
Оқу курсы аяқталған соң емтихан түрінде қорытынды бақылау өткізіледі.
Қорытынды бақылауға жіберу рейтингісі ағымдық, аралық және үй бақылауларында алған балдардың сомасынан қалыптастырылады.
Қорытынды аттестаттау жұмыс оқу жоспарларына, академиялық күнтізбеге сәйкес жүзеге асырылады. Қорытынды аттестаттауды өткізу түрі емтихан болып табылады, ол негізінен тестілеу арқылы жүзеге асырылады.
Рейтинг-шкалаға сәйес пән бойынша білімді қорытынды бағалаудағы қорытынды аттестаттаудың үлесі 40% құрайды. Суммалық бақылауға сәйкес студент белгілі балды (баға) алады.
Емтихан 2-3 пән бойынша кешенді түрде өткізілуі мүмкін. Компьютерлік немесе бланкілік тестілеу кезінде емтихан тапсырушыға әрбір пән бойынша 40 сұрақ беріледі.
Тестілеу білім алушының білімін бақылауды «Тестер» автоматтандырылған ілеспе арқылы компьютердегі сияқты оптикалық сканердің көмегімен нәтижелерін өңдеу және шығару арқылы қағаз тасымалдаушыларда да жүзеге асырылады.
Мүмкіндікті түрлері студенттерді жазбаша және ауызша сұрау болып табылады.
Емтиханды ауызша немесе жазбаша түрде өткізу туралы соңғы шешімді факультет деканының себепті ұсынысы негізінде ҚарМУ-дың Ғылыми-әдістемелік кеңесі қабылдайды.
|
Из за большого объема этот материал размещен на нескольких страницах:
1 2 3 4 5 |
