Рабочая программа учебного курса «Мокшанский язык» (стр. 3 )

Эрь од валть толкавамста эряви азомс аф аньцек сонь значениянц, но и тиемс анализ сонь форманцты (фонетическяй, грамматическяй, лексическяй и орфографическяй). Эрь од валть ученикти эряви кулемс, лувомс, азомс и сермадомс.

Валть значениянц можна шарьхкотьфтемс разнай способса: толкавазь, предметонь няфтезь, нагляднай пособиянь тевс нолдазь, валть составонцты анализонь тиезь, родственнай валонь, синонимонь, антонимонь кочказь. Лияста валть значениянц шарьхкодеви контекстть коряс.

Од валсь сембода сидеста максови валонь сочетанияса или предложенияса, штоба няфтемс ученикненди, кодама вал мархта сон сотови.

Штоба касфтомс ученикнень навыкснон од валхнень тевс нолдамаса, синь эрявихть сяда сидеста лятфтамс упражнениятнень тиемста: мумс од валть максф контекстста, путомс сонь максф предложенияс, арьсемс мархтонза предложения и лият. Аф юкстамс сонь сермадомс иттнень словарикозост.

Словарнай работась ётафтови кода од материалть азондомста, стане и сонь кемокстамстонза, кода «Лексика» разделть, стане и кялень лия разделхнень тонафнемста. Тяфта учительсь валом-валом анокласыне ученикнень самостоятельнай творческяй работань сёрмадома (изложениянь, разнай видонь сочинениянь), конат ётафневихть эрь четвертть. Сембода важна, штоба тонафнихне пуроптольхть материал (сатомшка вал и валонь сочетания) связнай корхтамань строямс. Сянкса сембе эрявикс валхне сувафтовихть предложениякс, конатнень арьсесазь шабатне кодамовок (максф) тема лангс и конат сяда меле нолдавихть тевс изложениянь или сичинениянь сермадомста. Аньцек учительть эрь шинь, сиземань аф содай работанц вельде можнат тонафтомс ученикне выразительнайста лувома, литературнай кялень норматнень коряс корхтама и сёрмадома.

Тянди, надиятама, аф ламода лезды тя пособиясь. Сонь эсонза учительхне муйхть методическяй рекомендацият учебникса максф теоретическяй и практическяй материалть тонафнемста. Эряви азомс, што нят – аф урокт, нят аньцек совет и методическяй указаният тя или тона темать тонафнемаса, тя или тона упражнениять тиемаса. Сяс учительти эстейнза сяда лац няеви: синь корязост ётафтома уроксь или работамста нолдамс тевс лия метотт и приемт.

Кой-кона (минь койсонок сембода важнай и стака) тематненди пособияса максф дополнительнай теоретическяй материал. Сонь аф обязательна азондомс ученикненди, но обязательна эряви содамс учительти, штоба тевонь содазь вятемс иттнень мархта практическяй работа (тиемс пяк аф фкя лаца тренировочнай упражненият).

Иттнень корхтама маштомаснон касфтоманц инкса лама упражнениятненди учебникса максф заданияда башка тя пособияса арьсефт тага творческяй работанди заданият. Ся случайста, мзярда тя или тона параграфть кемокстамс учебникса аф сантихть упражнениятне, синь максовихть пособияса. Сембе сяка, эрь параграфть тонафнемста учительсь эсь мяленц коряс может кочкамс дополнительнай материал, арьсемс тейнза кизефкст и заданият и ёфси полафтомс урокть молеманц.

Методическяй указаниятнень сермадомста авторсь сявондезе мяльс и «Мокшень кялень урокт 4-це класса» пособияснонга. 

Основной форматне  и содамошинь, маштомошинь и навыконь контролень виттне вановихть: входной контрольсь  четвертть ушеткста и аделамста; текущай —  устнай, фронтальнай опросса, контрольнай, словарнай (валонь) дик­тантса, предупредительнай, объяснительнай, комментированнай, выбо­рочнай, графическяй, творческяй, свободнай, зрительнай диктанса, самодиктантса «Про­веряйть содамошитнень», диктантса-ётафтомаса, диктантса  грамматическяй задания мархта, тестса, проверочнай  работаса, диагностическяй работаса, контрольнай изложенияса, контрольнай сочиненияса, взаимоконтрольса, самоконтрольса, различнай разборонь видса  (фонетическяй, лексическяй, словообразовательнай, морфологическяй, синтаксическяй, лингвистическяй, лексико-фразеологическяй),  итоговай — итоговай контрольнай диктантса, словарнай диктантса, комплекснай текстонь анализса.

2.Учебнай курсть родной (мокшанскяй) кяльть 5-це класса основной содержанияц.

I. Кяльсь – корхтамань инь эрявикс средства.

Начальнай класснень эса тонафнефть лятфтамац.(2ч.+1ч.)

Валсь. Валть пяльксова явомац.

Корхтама пяльксне. Самостоятельнай и служебнай корхтама пяльксне.

Валрисьмось. Валрисьмонь главнай и зависимай пяльксне. Аф распространённай и распространённай валрисьмотне.

II. Синтаксиссь. Пунктуациясь. Цебярьста корхтамась.(12ч.+5ч.)

  Валзюлмось. Валзюлмоса главнай и зависимай валхне. Валзюлмось и валрисьмось, синь ётксост аф фкаксшись.

  Корхтамать целенц коряс валрисьмотнень видсна: азондомань, кизефтемань и кошардомань. Серьгядемань валрисьмотне.

  Валрисьмоть главнай пяльксонза: подлежащайсь и сказуемайсь.

  Валрисьмоть зависимай пяльксонза: дополнениясь, определениясь, обстоятельствась.

  Кафта главнай пялькс мархта аф распространённай и распространённай валрисьмотне.

  Фкя составонь валрисьмотнень шарьхкодемасна.

  Однороднай пялькс мархта валрисьмотне. Однороднай пялькснень ёткса и, а, но союсне. Однороднай пялькснень видеса запятойсь.

Пъшкядемась. Пъшкядемать видеса лотксема тяштенятне.

  Союз мархта сложнай валрисьмотне, мъзярда эрь пялькссь моли кафта главнай пялькс мархта. Запятойсь  сложнай валрисьмоть пяльксонзон ёткса и, а, но, да, што, штоба, сяс мес, кона, кодама, мъзярда, къда, коса валхнень инголе.

Виде корхтамась. Виде корхтамась авторть валда меле и инголе.

Виде корхтамать видеса лотксема тяштенятне.

Ламонь корхтамась. Ламонь корхтамать шарьхкодемац. Ламонь корхтамать видеса тиресь.

Мезе тонафнити эряви маштомс темать тонафнемда меле:

вайгяльть лац вятема азондомань, кизефтеиань, кошардомань и серьгядемань валрисьмотнень азомста иморафтомста; выразительнайста ламонб корхтама мархта текстонь морафтома; синтаксисонь коряс аф пяк сложнай текстти лотксема тяштенянь путнема и путнеманон азома;

III. Фонетикась. Графикась и орфографиясь. Цебярьста корхтамась.(13ч.+5ч.)

  Корхтамань вайгяльксне. Корхтамань вайгялькснень тиевомасна. Гласнай и согласнай вайгяльксне.

  Слогсь. Валхнень слогова явомасна.

  Гласнай вайгяльксне. Рядонь коряс гласнай вайгялькснень явомасна. Кяльть кеподеманц коряс гласнай вайгялькснень явомасна. Тървань и аф тървань гласнайхне.

  Ингольце рядонь а (а) гласнай вайгялькссь, сонь тиевомац, азомац и сёрмаса няфтемац.

  Лафча (ъ) гласнай вайгялькссь, сонь тиевомац, азомац и сёрмаса няфтемац.

  Согласнай вайгяльксне. Кайги и аф кайги согласнайхне. Кайгомань и аф кайгомань коряс парнай согласнайхне: б-п, в-ф, д-т, д,-т,, г-к, з-с, з,-с,, ж-ш, й-йх, л-лх, л,-л, х, р-рх, р,-р, х. Кайгомань и аф кайгомань  коряс аф парнай согласнайхне: м, н, н,; ц, ц,, ч, х.

  Калгода и ляпе согласнайхне. Калгодошинь и ляпошинь коряс парнай согласнайхне: д-д,, т-т,, з-з,, с-с,, н-н,, л-л,, р-р,, лх-л, х, рх-р, х, ц-ц,. Калгодошинь  и ляпошинь коряс аф парнай согласнайхне: б, п, в, ф, г, к, ж, ш, х, м; й, йх, ч.

  Ударениясь. Валхнень эса ударениять вастоц. Валхне, конатнень эса ударениясь аф васенце слогса.

  Орфоэпиясь. Гласнай и согласнай вайгялькснен, согласнаень сюлмотнень азомасна.

  Вайгяльксне и букватне. Вайгялькснень букваса няфтемасна. Алфавитсь. Согласнай вайгялькснень ляпошиснон сёрмаса няфтемасна: ляпе(ь) тяштенясь и я, е, ё, ю, и гласнай букватне согласнайхнень ляпошиснон няфтемаса. Я, е, ё, ю гласнай букватнень вайгяльксонь смузьсна.

  Лх, льх, рх, рьх, йх буквань сюлмотнень вайгяльксон смузец. И, ы гласнайда мелех буквать вайгяльксонь смузец.

  Явфты ъ и ь тяштенятне мокшень и лия кяльста сявф валхнень эса. 

  Фкя строчкаста строчкас валонь ётафтомась. 

Мезе тонафнити эряви маштомс темать тонафнемда меле:

гласнай и согласнай вайгялькснень признакснон содама и азома; валса и валзюлмоса гласнайхнень и согласнайхнень видеста азома; валти фонетикань разборонь тиема; валхнень слогонь-слогонь явома; лх, льх, рх, рьх, йх буквань сюлмотнень корхтамста и морафтомста видеста азома и сёрмадома; их, ых буквань сюлмотнень морафтомста видеста азома и сёрмадома; дс, тс, дсь, тсь, дьс, тьс буквань сюлмотнень морафтомста видеста азома и сёрмадома; валса ударениять видеста путома; сёрмадомста я, е,ё, ю,и, ь букватнень вельде согласнайхнень ляпошиснон няфтема; фкя строчкаста омбоцети валонь ётафнема; орфографиянь валкс мархта работама.

IV. Лексикась. Цебярьста корхтамась.(10ч.+4ч.)

  Лексикать шарьхкодемац.

  Валть смузец. Валть фкя и лама смузенза. Валть виде и аф виде смузенза.

Омонипне. Омонипнень типсна.

Синонипне и антонипне, корхтамаса синь рольсна.

  Кевонзаф валзюлмотне(фразеологизматне).

Мокшень кяльть валлувксонь составоц: валхне, конат ванфтовсть финно-угрань общностть эзда, валхне, конат ванфтовсть мокшэрзянь общностть эзда: валхне, конат тяни аф васьфневихть мокшень кяльса; лия  кяльста сявф валхне: рузонь валхне, тюркань валхне, интернациональнай валхне.

  Мокшень литературнай кяльсь и диалекттне. Диалектонь валхне. Диалекттнень рольсна мокшень литературнай кяльть козякофтомаса.

  Мокшень валхне, конат прасть тяниень пингонь мокшень кяльста(сире валхне: историзматне и архаизматне).

  Од валхне (неологизматне).

  Мокшень кялень валкснень содамасна.

Мезе тонафнити эряви маштомс темать тонафнемда меле:
текстса или устнай корхтамаса валхнень виде и аф виде смузьснон содама; омонипнень лама смузьса валхнень эзда содама; синонимонь рядонь кочкама, синонимонь рядонь эрявикс вал мархта валрисьмонь арьсема; смузень коряс антонимонь парань кочкама и мархтост валрисьмонь арьсема; текстста фразеологизмань мушендома и смузьснон шарьхкодема; лия кяльста сявф валхнень и фразеологизматнень устнай корхтамаса и письменнай работаса маштозь тевсноляма; валкс мархта работама.

V. Валбяльксне и валонь тиевомась, орфографиясь. Цебярьста корхтамась.(10ч.+3ч)

Валбяльксне. Валъюрхтсь и валбесь. Апак тик и тиф валъюрхтсь. Гласнай и согласнай валъюрхтсь. Афкуксонь, полатф и кирьфтаф валъюрхтсь. Валъюрсь, суффикссь и валбесь кода валса смузень няфти пялькст. Сотксонь гласнайсь.