Пәнді оқыту негізінен дәріс, зертханалық жұмыс, СОБӨЖ және өзіндік жұмыстар түрінде жүргізіледі. Оқу материалының мазмұны дәрісте беріліп, теориялық білім түсініледі. Macromedia Flash программасы көмегімен студенттерге қарапайым анимациялық роликтен бастап, интернеттегі Web - беттің мультимедиалық компонентін жасау үйретіледі. Ол арқылы программа интерфейсін жасау, анимация және интерактивті элемент жасау, мультимедиалық мүмкіндікті және дыбысты қолдануды жүзеге асыратын неғұрлым қуатты жобалар жасау жүзеге асырылады. Flash ортасы анимациялық ролик жасауға ғана емес, программалауға да мүмкіндік береді. Анимацияны программалық жүзеге асыру үшін студенттерге Macromediа Flash-тың ActionScript қондырылған программалау тілі оқытылады. Бұл тілді төменгі курстарда оқыған Borland Pascal және Borland C программалау тілдерінен алған білімдеріне сүйене және онымен салыстыра отырып түсіндіріледі. Бұл тілдің құралдары анимация жасаудың мүмкіндіктерін кеңейтуді жүзеге асыратынына көз жеткізіледі.
Өздік жұмыста студенттер қарастырылған әдістер бойынша есептер шығарып, бақылау сұрақтарына әзірленеді. Оқытушы басшылығымен өткізілетін өзіндік жұмыста оқу материалының теориялық қосымша сұрақтары талданады, өздік жаттығулар компьютерде жүзеге асырылады. Бақылау сұрақтарының жауаптары тексеріледі. Студенттің үй жұмысында бұрын алған білімдерін бекітуге арналған тапсырмалар беріледі. Студенттердің білімін тексеру өзіндік жұмыс тапсырмаларын орындауы, шығармашылық жұмыс, коллоквиум, тестілеу түрінде ұйымдастырылады. Шығармашылық жұмыста студент MX Flash құралдарын қолданып жасаған Windows-қа арналған тестілеу, оқыту немесе жаттығу программасын презентациялайды. Шығармашылық жұмыс студенттің алған білімін қорытындылау, шығармашылық белсенділігін арттыру, өз бетімен жұмысын жоспарлай алу, пән бойынша алған білімін өз бетінше қолдана алу сиқты қасиеттерін дамытады. Пәнді оқытуда MX Flash программасынан интерактивті электрондық оқулығы қолданылады. Ол арқылы студент әр тақырып бойынша өз білімін толықтырады.
8. ПРАКТИКАЛЫҚ, СЕМИНАРЛЫҚ, ЛАБОРАТОРИЯЛЫҚ
САБАҚТАРҒА ӘДІСТЕМЕЛІК НҰСҚАУЛАР.
Практикалық жұмыста Macromedia Flash программасының экрандық элементтері, құралдар панелінің элементтерімен жұмыс, уақыт диаграммасымен жұмыс қарастырылады. Қабат, кадр, кілттік кадр ұғымдары жаттығулар жасау арқыдлы бекітіледі. Жаттығулар жасау арқылы студенттер анимацияның 3 түрі: кадрлық анимация, объект қозғалысының tweened- анимацияcы және объект трансформациясының tweened- анимацияcының мүмкіншіліктерін жүзеге асырады. Объект қозғалысын жетекші және маска қабаттары арқылы ұйымдастыру қарастырылады. ActionScript программалау тілі элементтерін қолдану мысалдары беріліп, Flash программасы құралдарын қолданып, әсем безендірілген түрлі компьютерлік программалар мысалы: оқыту, жаттығу, бақылау, тестілеу программаларын жасауға үйренеді.
Пән бойынша Практикалық жұмыстар “Macromedia Flash программасы құралдары көмегімен анимациялық эффект жасау” оқу- әдістемелік құралы бойынша жасалады. Құрал 13 зертханалық жұмыстан тұрады. Әр практикалық жұмыста алдымен қысқаша теориялық материал беріліп, оны қолдануға жаттығулар қарастырылған. Жұмысты үйрену және орындау әдісі нақты эффектіні жүзеге асыру мысалдары арқылы жүзеге асады. Әр практикалық жұмыс соңында студенттің өз бетімен орындауына арналған тапсырмалар және тақырыпты меңгеруін тексеруге арналған бақылау сұрақтары берілген. Практикалық жұмыс соңында студент орындаған жұмысының компьютерлік программасын көрсетіп, сәйкес бақылау сұрақтарына жауап береді.
Практикалық жұмыс №1.
Тақырыбы: Flash МХ – тің экрандық интерфейсі. Сурет салу құралдарын қолдану.
Тапсырма: Сурет салу құралдарын қолданып төмендегі суреттерді салу.
2. Файлды сақтаңдар. Lab1.fla, Lab1.htm, Lab1.swf файл жасаңдар.
Әдебиет: қ[1] 6-7 бет.
Практикалық №2.
Тақырыбы Уақыт диаграммасымен жұмыс. Кадрлық анимация жасау.
Тапсырма: Гүлдің өсуін көрсететін мини - фильм жасаңдар.
Фильм төрт қабаттан тұруы қажет:
1- қабат: Фон. 2-қабат. Стол. Онда стол мен гүл салатын ыдыстың суретін салыңдар.
3-қабат.Гүл.Бұл қабатта стол үстіндегі гүлдің өсуін көрсететін 5-6 кадрдан тұратын кадрлық анимация жасаңдар.
4-қабат. Күн сәулесі.Күннің сәулесінің шашырауын көрсететін 2-3 кадрдан тұратын кадрлық анимация жасаңдар.
Файлды сақтаңдар. Lab2.swf файлдың орындалуын көрсетіңдер.
Әдебиет: қ[1] 9-10 бет.
Практикалық жұмыс №3.
Тақырыбы: Бірнеше сценалы кадрлық анимация жасау. Калька режимі.
Жаттығулар. 2 сценадан тұратын фильм жасаңдар.1- сценаға стрелкасы қозғалатын сағат жасаңдар. Екінші сценаға жүріп бара жатқан қоңыз бейнесін жасаңдар.
1-сцена 2 қабаттан тұрады: 1- қабатта стрелкасыз сағат суреті. (Сағат дөңгелегі, 3,6,9,12 цифрлары, аяқтары, үстіндегі қоңырауы.)
2- қабатта сағат стрелкасын 12-ден 12-ге дейін кадрлық анимация арқылы қозғалтуды жүзеге асырыңдар. Стрелканы қозғалу аниамциясын жасау үшін трансформациялау құралын қолданыңдар. Бірнеше кадрды қараудың Onion Skin батырмасын қолданып кадрларды редакциялаңдар.
1-сцена 2-сцена
Файлды сақтап, Lab3.swf файлдың орындалуын көрсетіңдер.
Әдебиет: қ[1] 12-13 бет.
Практикалық жұмыс №4.
Тақырыбы: Объект қозғалысының және трансформациясының tweened анимациясы.
Жаттығулар. 1. Доптың жерге соғылып, қайта жоғары ұшуының автоматты анимациясын жасаңдар.
Жерге соғылып, кейін ұшардағы доптың деформациясын кадрлық анимация арқылы ұйымдастырыңдар.
2. Жаңбыр жауып, сонан соң күннің шығу эффектісін бейнелейтін фильм жасаңдар.
(аспанды бұлт басып, оның түсінің қоюланғанын, сонан соң жаңбырдың жаууын, соңында бұлттың көшіп, аспан ашылып, күннің шығуының эффектісін көрсетіңдер.)
1-қабатты - Фон, 2- қабатты - Бұлт, 3- қабатты - Жаңбыр, 4- қабатты - Күн деп атап, сәйкес әрекеттерді қадамдап орындаңдар.
Әдебиет: қ[1] 22-23 бет.
Практикалық №5.
Тақырыбы: Объект қозғалысын жетекші қабат арқылы ұйымдастыру.
Жаттығулар. 1. Ұшақтың кез-келген қисық сызықты траектория бойынша қозғалысын жүзеге асыратын сцена жасаңдар. (ұшақ суретін салып, оны графиктік символға айналдырыңдар және траектория жетекші қабатын жасаңдар).
1- сурет.
Ұшақтың қисық сызықты қозғалысы.
2. Жетекші қабатты қолданып, планетаның эллипстік орбита бойымен қозғалысын көрсететін сцена жасаңдар.
2- сурет.
Планетаның эллипстік орбита бойымен қозғалысы.
Әдебиет: қ[1] 25-26 бет.
Практикалық жұмыс №6.
Тақырыбы: Мәтін анимациясын жүзеге асыру.
Жаттығулар. Айналатын, жоғарыдан төмен түсетін әріптер және жүгірмелі жол эффектісін жасау.
Мәтін анимациясын жүзеге асыратын төмендегі тапсырмаларды өз бетінше орындаңдар:
1. Жоғарыдан төмен түсетін әріптер эффектісін жасаңдар.
2. Горизонталь жазылған мәтіннің сағат тілі бағытымен 45 градус сайын әр түрлі түспен шеңбер бойымен қозғалу эффектісін (Tween\Motion) жасаңдар.
3. Бірінің астына бірі жазылған “Информатикадан электрондық оқулық” мәтінін солдан оңға және керісінше циклді қозғалтатын эффект жасаңдар.
Әдебиет: қ[1] 30-31 бет.
Практикалық жұмыс №7.
Тақырыбы: Дыбыстық ээфектімен қамтылған фильм жасау.
Жаттығу: Үш қабаттан тұратын фильм жасап, оның 1-қабатына фон суретін қойыңдар. Екінші қабаттың 1-кадрына Media бумасынан бір дыбыстық файл, үшінші қабаттың 10- кадрына екінші дыбыстық файл қойып, пайда болған фильмді орындатыңдар.
Төмендегі әрекеттерді қадамдап орындаңдар:
1) Фильмге 3 қабат алып, 1- қабатта қалауыңша фильм фонын безендіріңдер.
2) Меню қатарынан File\ Import to Library командасын орындату арқылы Windows-тың Media бумасынан notify және tada атты дыбыстық файлдарды фильм кітапханасына қосыңдар.
3) 2- қабаттың 1-кадрына шертіп, оны кілттік кадр етіп, (Insert KeyFrame командасы), Properties терезесінен Sound ашылатын тізімде notify дыбыстық файлын таңдаңдар.
4) 3- қабаттың 10-кадрын кілттік кадр етіп, Sound ашылатын тізімде tada дыбыстық файлын таңда.
5) Фильмді орындатыңдар.
Әдебиет: қ[1] 35-36 бет.
Практикалық жұмыс №8.
Тақырыбы : Символдар библиотекасын қолданып фильм жасау.
Жаттығулар. 1. Планетаны эллипстік орбита бойымен айналатын спутниктің анимациясын жасайық.
Ол үшін төмендегі әрекеттерді орындаймыз:
Ролик 4 қабаттан тұрады: 1- Планета, 2- Спутник, 3- Guide: Спутник (спутник орбитасының жетекші қабаты) және 4- Орбита.
1- сурет.
Планетаны эллипстік орбита бойымен айналатын спутник қозғалысы.
Тапсырма. Автомобильдің кез - келген қисық сызықты жол бойымен қозғалысын ұйымдастыратын ролик жасаңдар.(2- сурет. Автомобильдің қисық сызықты қозғалысы.)
Әдебиет: қ[1] 27-28 бет.
Практикалық жұмыс № 9.
Тақырыбы: Анимацияны клипке түрлендіру.
Дөңгелек анимациясын жасап, оны клипке түрлендіріңдер және оны фильмде қолданыңдар.
Тапсырма : 1- файлда айналатын дөңгелек клипін жасап, 2- файлға оны 2 рет қойып, төменде суретте көрсетілген дөңгелегі айналу эффектісі бар машина жасаңдар.
Әдебиет: қ[1] 16-17 бет.
Практикалық жұмыс № 10.
Тақырыбы: Маска қабатын қолданып анимация жасау.
Маска қабатын қолданып сурет салушы сызық эффектісін жасау.
Жаттығу. Flash-тің жұмыс столында қарындашпен М әрпін сызу ролигін жасайық.
Уақыт қатары 1- суреттегідей болады.
1- сурет.
Уақыт диаграммасы қатары.
2- сурет.Роликті орындату нәтижесі.
Әдебиет: қ[1] 33-34 бет.
Практикалық жұмыс №11.
Тақырыбы: ActionScript программалау тілінің элементтерін қолдану.
ActionScript программалау тілінің элементтерін қолданып тестілеу программасын жасау.
Жаттығу. Flash программасы құралдарын қолданып, тестілеу программасын жасаңдар..
Программа 2 сценадан тұрады. 1-сценада тест сұрағы және жауаптары шығады. 2-сценада таңдалған жауаптың дұрыстығы тексеріледі.
Әрекеттерді қадамдап орындаңдар.
1)1-сценаның 1-кадрында төмендегі элементтерді орналастырып, олардың қасиетін қойыңдар.
Мәтін түрі | Мазмұны | Атауы |
1- статикалық | № | - |
2-енгізу мәтіні | - | nomer |
3-статикалық | сұрақ | - |
4-статикалық | Тесттің 1- сұрағы | - |
5-статикалық | Тесттің 1- жауабы | - |
6-статикалық | Тесттің 2- жауабы | - |
7-статикалық | Тесттің 3-жауабы | - |
8-статикалық | дұрыс жауапты шерт | - |
1- сурет. Тестілеу программасының алғашқы беті.
2- сурет. Тестілеу программасының екінші беті.
Әдебиет: қ[1] 41-44 бет.
Практикалық жұмыс №12.
Тақырыбы: ActionScript тілінің элементтерін қолданып батырма сценарийін жасау.
Жаттығулар. 1. «Басу машинкасы» жаттығуын жасау.
Динамикалық мәтіндік өріс алып, оның атын text1 деп атайық. 1- кадрды белгілеп, Action панелін шақырып, оған төмендегі код жазылады.
y="Информатика -жаңа ғылым";
max=length(y);
_root. onEnterFrame=function(){
if (i<=max) {i++;text1.text+=Substring(y, i,1);}}
Программаны орындату нәтижесінде онда берілген сөйлемнің символдары басу машинкасындағыдай бір - бірлеп экранға шығады. Символ шыққан сайын орындалатын дыбыстық эффект қоюға да болады.
2. Батырма жасап, оған программа кодын жазу.
Тіктөртбұрыш формалы батырма салып, оның ішіне “студент”сөзін жазыңдар. Батырманың қалыпты жағдайдағы, маусты апарған және шерткен жағдайдағы түсі, ішіндегі мәтіннің түсі 3 әртүрлі түспен шығатындай етіп кадрды редакциялаңдар. Жасалған батырманы фильмге қойып, фильмді орындатыңдар.
2. Жер бетімен қозғалатын шарды “Старт”, “Стоп” батырмалары арқылы басқаратын ролик жасаңдар.
Дайын батырмаларды қолдану. Flash - тің Window менюінің Common Libraries пунктіндегі Buttons ішкі пунктінде Arcade Buttons батырмалар тобы орналасқан. Одан көк және сары батырма таңдап, оларды роликке қойыңдар. 1 қабатқа қоңыз суретін салып, оның қозғалысын қойылған екі батырма арқылы басқаратын ролик жасаңдар. (батырма кодтарын жазыңдар)
Әдебиет: қ[1] 69-40 бет.
Практикалық жұмыс №13.
|
Из за большого объема этот материал размещен на нескольких страницах:
1 2 3 4 5 6 7 8 9 |
