Субординация – тэчаса кыв артмöдöмын кывдінъяс костса йитöд, коді мыджсьö подчинение синтаксическöй йитд вылö, кор öти компонентыс лоас веськöдлысьöн, ыдждалысьöн, мöдыс - веськöдланаöн, зависитысьöн. Суббординация дырйи кывъясын подув понятиеыслöн вежöртасыс векняммö, гöгöрвоöдчö мöд понятиеöн, лоö стöчджыкöн, шуам: кокчöр, чöрвöнь, гöгинь, иньпöв, енмегыр, вомкöтш да с. в.

Субстантивация – кывартмöдан сикасув, коді пырö морфолого-синтаксическöй сикасö (транспозицияö) да петкöдчö эмакывъясö мукöд кывсикаса кывъяс вуджöм процесс, пример пыдди: васа, вöрса, пиня, вöла, везьöма. Коми кывйын тайö сикасув абу ёна паськалöма.

Суффикс поз – суффикс чукöр, коді историческöй сöвмöма öти консонанта суффикс подув вылын кыдзи гласнöй шыöн торъялана вариантъяс, шуам, -д (-öд,-ыд,-ад); -к (-ик,-ык,-ак,-ук); -л ~-в (-ол,-ов,-ул,-ув), -ль(-ыль.-аль,-öль,-эль), -м(-öм,-ым,-им,-ам,-ум), -н(-ан,-ун,-ын,-ин,-öн), -с (-ас,-öс,-ыс) да мукöд суффикс чукöръяс. Найö артмисны помса гласнöй шыяс усьöм да кывъяссö мöдног юкöм вöсна.

Суффиксация – выль кывъяс суффиксъяс отсöгöн артмöдöм, шуам: ломтас, индöд, кыза, кöмавны, кузьта и с. в.

НЕ нашли? Не то? Что вы ищете?

Суффикспу (вторичнöй суффикс либö суффиксоид) – кывартмöдан морфема, коді сöвмöма асшöр кыввора лексемаысь грамматикализация отсöгöн. Коми кывйын татшöм элементыс уна; найö паныдасьлöны: 1. эмакыв артмöмын (дзоньвидза-лун, выль-тор, гöтыр-пу и с. в), 2. кывберд артмöмын (морт-сяма, лöз-вевъя), 3. кадакыв артмöмын (чаж-мун-ны, пас-варт-ны, голь-кыв-ны и с. в.), 4. урчитан артмöмын (серам-сор, шог-пыр, морöс-тыр), 5. ногакыв артмöмын (йöктіг-тыр, сьыліг-моз) да мукöд.

Суффикстöм сикасув (кыввуж абстрагируйтöм) – кывартмöдан способ, код дырйи артмöдысь кывйыслöн кывйылыс вундыссьö, шыбитсьö, кольö куш вужйыс: мöвпавны - мöвп, висьтавны - вист, мездысьны - мезд, öдйö - öд и мукöд. Паныдасьлö коми кывйын воддзаяс дорысь ёна гежöдджыка; татшöм ногöн 20-öд воясö вöлi артмöдöма сöмын некымын кыв.

Транспозиция (лат. transpositio «мöдног пукталöм, перестановка») – öти кыв форма пыдди мöд кыв формаöн вöдитчöм. Тайö паськыд вежöртас, код подулын – разнöй кыв единицаясöн вежöртас либö фуннкция серти öткодя вöдитчöм, шуам, öнія када кадакывйöн – колян кад пыдди вöдитчöм (Регыд К уратовлы воö письмö) либö метафораясöн вöдитчöм и уна мукöдтор. Векньыд вежöртасын, кодöн водитчö морфология да кывартмöм транспозициöн шусьö öти кывсикаса кыв мöд кывсикас туйын петкöдчöм. Торъялöны 1. абу тыр либö синтаксическöй транспозиция, кодыр кыв оз вудж тырвыйö мöд кывсикасö, а сöмын босьтö тайö кывсикаслысь ситнаксическöй функциясö (шуам, локтіс кык морт, пöрысьджыкыс вöлі тöдса); 2. тыр либö морфологическöй транспозиция, коддырйи артмö выль, мöд кывсикаса кыв. Морфологическöй транспозициялöн сикасъясöн лоöны субстантивация, адъективация, адвербиализация дп прономинализация. Овлö сідз жö отсасян кывъясö (кывбöръясö, кывйитöдъясö да кывторъясö) асшöр кывъяслöн вуджöм.

Форматив – кывлöн юкöн, коді оз кут некутшöм асшöр вежöртас, а кольö кывсö вежöртас кутысь юкöнъяс вылö (морфемаяс вылö) юкöм бöрын. Сійö вермö йитны морфемаяс (кыдзи роч вод-о-воз), кокньöдны шуанногсö (роч шоссе-й-ный), петкöдчыны кыдзи важ системаяслöн коляс (шуам, коми ма-ля-муш, кок-ля-бöр) либö сöвмыны аналогия серти (лöнь-т-ас, öткодялöй гöгöр-т-ас, воськов-т-ас).

ТЕМАТИКАА УДЖТАС

№

Юкöнъяс, тема нимъяс

Велöдан план серти час лыд

Студентъ-яслöн макси-мальнöй нагрузка

Аудиторнöй нагрузка

Асшöра уджалöм

Ставыс

В том числе

Лекция

Семинар

Практическöй удж

Лабораторнöй удж

1.

I юкöн. Пыртана

1 тема. Кывартмöмлöн подув понятиеяс. Кывартмöдöмын синхрония да диахрония йылысь понятие; коми кывйын кывартмöдысь способъяс; нимакывъяс артмöдысь подув способъяс: морфологическöй (аффиксация, тэчаса кывъяс артмöм, сложно-суффиксальнöй да суффикстöм) да морфолого-синтаксическöй (транспозиция) способъяс. Öнія кадö мунысь процессъяс: продуктивнöй да непродуктивнöй кывартмöдан типъяс.

2

4

2 тема. Морфологическöй деривация кыдзи кывартмöдан средство. Морфологическöй деривация – торъя морфемаяс отсöгöн вылькывъяс артмöдöм. Дериватъяс артмöдöмын кыввужъя морфемаяс да кывартмöдысь аффиксъяс (суффиксъяс, кывводзъяс) петкöдчöм. Суффиксация, префиксация, тэчаса кывъяс артмöм, сложно-суффиксальнöй да суффикстöм сикасъяс йилысь понятие.

2.

2 юкöн «Морфологическöй сикас эмакыв артмöмöмын».

1 тема «Эмакыв артмöмын кыввужъяс öтувтöм». Фин-угор тэчаса кывъяслöн аслыспöлöслун; тэчасъяс кывъяс фин-угор кыв-подулын; тэчаса кывъяслöн подув теория; деэтимологизация да сылöн тöдчанлун тэчаса кывъяс торйöдöмын; коми деэтимологизированнöй тэчаса кывъяс синтаксис боксянь, лоöм серти, тэчасног боксянь, семантика боксянь, фонетическöй пертас боксянь.

4

6

2 тема. Тэчаса кывъяслöн синтаксическöй подув. Кывтэчас кыдзи синтаксислöн медшöр понятие; кывтэчас да тэчаса кыв костын торъялöм да öткодьлун; тэчаса кыв да кывтэчас торйöдан критерийяс (фонетика, морфология, синтаксис да лексическöй вежöртас боксянь), найöс торйöдöмын сьöкыдлунъяс; выль вежöртас да цельнооформленность понятиеяс; починение да сочинение йитöдъяс кыдзи тэчаса кыв артмöдысь подувъяс; координация да суббординация йиылысь понятиеяс.

4

2

3 тема. Кыввужъя морфемаяс суббординация подув вылын öтувтöм. Определительнöй кывтэчасъяс да налöн тэчаса кывъяс артмöдан позянлунъяс; эмакыввужъяс öтувтöм кыдзи тэчасса кывъясö артмöдöмын подув модель; кыв тэчасъяс пытшкын семантика йитöдъяс; асалан, относительнöй да обстоятельственнöй йитöдъяса кыв тэчасъяс да налöн тэчаса кывъясö пöрöм.

4

2

4 тема. Кыввужъя морфемаяс координация подув вылын öтувтöм. Координация кыдзи синтаксическöй понятие; координация да сочинение; координациялöн типъяс, налöн тэчаса кывъяс артмöдöмын тöдчанлун; кывгоз йылысь понятие, кывгозъяслöн сикасъяс; антоним, синоним, оппозиция да серпасалöм йитöда кывгозъяс коми кывйын.

4

5 тема. «Суффиксация кыдзи эмакыв артмöдысь средсьво». Эмакыв артмöдысь суффиксъяслöн дженьыд история; налöн артмöм серти классификация; производящöй кывдін да сылöн кывсикас боксянь торъялöмъяс; нима да кадакывъяс кыввужъяс, налöн кывартмöмын тöдчанлун.

2

4

6 тема. Важ фин-угор кадся суффиксъяслöн система. Суффиксъяс, кодъяс артмöдöны нимъяс кадакывъясысь и нимъясысь öтмоза (отглагольно-неотглагольное словообразование); суффикс поз йылысь понятие; -а, - б, - г, - д, - к, - л, - в, - ль, - м, - н, - нь, - р, - с, - сь, - ч, - дз, - ш - шыяс кутысь суффикс позъяс, на отсöгöн артмöм кывартмöдан типъяс да вежöртасъяс; суффиксъяслöн вариативность да синонимия коми кывйын, налöн продуктивность вылö тöдчöм; öнія коми кывйын суффиксъяслöн продуктивность серти характеристика.

4

2

7 тема. Предикатнöй нимъяслöн деривация. Суффиксъяс, кодъяс артмöдöны торъякывъяс сöмын кадакывъясысь (отглагольное словообразование), налöн инфинитнöй формаяскöд йитöд, öтувъя происходение да öнія кадся омоморфемия; -öм, - ысь, - ан суффиксъяс отсöгöн артмöм предикативнöй нимъяс, на пытшкöсын кадакывлöн да нимъяслöн характеристикаяс петкöдчöм, збыль эмакывъясö пöрöм.

2

8 тема. Грамматикализация кыдзи кывартмöдан средство. Суффиксъяс, кодъяс артмöдöны нимъяс оз кадакывъясысь; грамматикализация да суффикспу (суффиксоид) йылысь понятиеяс; на отсöгöн эмакыв сöвмöдöм; продуктивнöй да непродуктивнöй кывартмöдан балаяс.

2

9 тема. Пырöм кывартмöдысь морфемаяс коми кывйын. Пыран кад серти чукöръяс; пырöм суффиксъяс коми кывйын тöдчöдöм; налöн роль да функцияяс.

6

3

3 юкöн. Кывберд артмöмын морфологическöй сикас.

1 тема. Кывберд артмöмын суффиксальнöй деривация. Кывбердъяслöн лексико-грамматическöй кывчукöръяс да артмöм боксянь торъялöмъяс; качественнöй кывбердъяс артмöдысь суффиксъяс, налöн эмакыв артмöдысь суффикс позъяскöд йитöдъяс; öнія коми кывйын продуктивность да частотность; кывартмöдан роль; относительнöй кывбердъяс артмöдысь суффиксъяс, продуктивнöй кывартмöдан балаяс да вежöртасъяс; рочысь пырöм кывбердъяс адаптируйтöм.

4

2 тема. Кывберд артмöмын кыввужъя морфемая öтувтöм. (словосложение). Тэчаса кывберд артмöмлöн синтасическöй подувъяс; сочинение да подчинение йитöда сложнöй кывбердъяс; сложно-суффиксальнöй способ кывберд артмöмын. Транспозиция йылысь понятие.

2

4 юкöн. Кадакыв артмöмын морфологическöй сикас.

1 тема. Кадакыв артмöдысь прöстöй первичнöй суффиксъясыс. Дериватъяс, кодъяс артмисны -д(ы)-, зь(ы)-, - дз(ы)-, - й(ы)- - к(ы)-, г(ы)-, - л(ы)-, - м(ы)-, - с(ы)-, - з(ы)-, - сь(ы)-, - т(ы)- первичнöй суффиксъяс отсöгöн; суффиксъяслöн история, намкывъяс артмöдысь суффиксъяскöд фин-угор кадся öтувъялун; налöн öнія кадся кыв артмöдан да грамматика вежöртасъяс.

Тема 2. Кадакыв артмöдысь сложнöй первичнöй суффиксъясыс. Дериватъяс , кодъяс артмисны ав - (-ал-), - ась - -öд -, - ышт-, - овт(олт)-, -öст-, -öбт(öпт)-, -öкт- первичнöй суффиксъяс отсöгöн; суффиксъяслöн история, намкывъяс артмöдысь суффиксъяскöд фин-угор кадся öтувъялун; налöн öнія кадся кыв артмöдан да грамматика вежöртасъяс.

Тема 3. Кадакыв артмöдöмын грамматикализация петкöдчöм. Вторичнöй, либö относительнöй суффиксъяс, налöн деравационнöй вын да кыв артмöдöмын ин; агглютинация да грамматизация кадакыв артмöмын; -мун-. - кыв-, - видз-, - кер-, - варт - сидз - , - сет- да мукöд. Суффикспуяс, налöн артманног, продуктивность да öнія кадö бергалöм.

Тема 4. Кадакыв артмöдöмын суффиксальнöй комбинацияяс. Первичнöй да вторичнöй деривационнöй морфемаясысь öтувтчöм, суффиксальнöй комбинацияяс артмöм, морфонологическöй петкöдчöмъяс; -сяв(-сял)-, - мöд - -öдл-, - лывл-, - ывл - да мукöд суффиксальнöй комбинацияяс, налöн продуктивность, керöм мунанног морфологическöй категориякöд йитчöм.

Тема 5. Пырöм кадакывъяслöн деривационнöй адаптация. Пырöм кадакывъяслöн коми кывйын адаптационнöй процессъяс; деривационнöй адаптация йылысь понятие; -уйт-, - айт-, - ейт, - нит- да мукöд адаптационнö-деривационнöй морфема, налöн кыв артмöдан да грамматика вежöртас.

Тема 6. Кадакыв артмöдöмын кыввужъяс öтувтöм. Сложно-суффиксальнöй деривация йылысь понятие; кыввужъяс öтувтöм кадакыв артмöмын; тэчаса кадакывъяс артмöдысь шöр модельяс.

5

5. юкöн. Морфологическöй деривация урчитан артмöмын.

1 тема. Деривационнöй аффиксъяс урчитан артмöдöмын. Важ (кулöм) суффиксъяс, суффикспуяс, водзкывъяс, продуктивнöй суффиксъяс урчитан артмöмын.

2 тема. Кыввужъя морфемаяс öтувтöм урчитан артмöмын. Сочинение да подчинение йитöда урчитанъяс, налöн типъяс да модельяс.

3 тема. Грамматикализация, транспозиция, лексикализация да мукöд процессъяс урчитанлöн морфологическöй деривация дырйи. Урчитан артмöмöн сопутствующöй процессъяс; морфологическöй деривация, грамматикализация, транспозиция да лексикализация, на костын йитöдъяс.

Из за большого объема этот материал размещен на нескольких страницах:
1 2 3 4 5 6 7 8 9 10