· эмакыв, кывберд, какдакыв да урчитан кывсикасъяслысь кывартмöдан способъяс, продуктивнöй да непродуктивнöй балаяс, кывартмöдысь морфемаяс, тэчаса кывъяс артмöдысь модельяс; сложно-суффиксальнöй дериватъяс артмöдысь модельяс;
· коми кывйын грамматикализация, лексикализация, транспозиция да мукöд сопутствующöй процессъяслöн петкöдчöм.
Студент должен кужны:
· вöдитчыны колана лингвистика терминологияöн;
· нуöдны тырвыйö кывартмöдан анализ, тöдчöдны производнöй да производящöй кывдінъяс, мотивационнöй йитöдъяс, кывартмöдан вежöртасъяс, кыв артмöдан балаяс, кужны определяйтны налысь частотность да продуктивность.
ВЕЛÖДАН ДИСЦИПЛИНАЛÖН ПЫТШКÖС
(содержание)
I юкöн. Пыртана.
1 тема. Кывармöмлöн подув понятиеяс. Темалöн мог – уськöдны студентлы тöдвылö кывартмöмлысь подув понятиеяссö, медым водзö вöдитчыны наöн артмöм кывъяс анализируйтöмын. Торъя ыджыд тöдчанлун программаын сетöма синхрония да диахрония кывартмöмын торйöдöмлы. Студентлы колö бура гöгöрвоны, мый выль кывъяс артмöмын тшöкыд оз позь торйöдны синхроннöй да диахроннöй подходъяссö, öд унджык кыв йылысь оз позь стöча висьтавны, кор найö армисны. Ёнджыка словобразовательнöй система видлалöны кыдзи öнія кад кежлö сетöмтор, сідз кö тöд вылын кутöны синхроннöй срезсö, мый миян син водзын öні петкöдчö, кутшöм деривационнöй йитöдъяс öні эмöсь. Но тайö тшöкыда оз лöсяв диахроннöя видлалöмлы, торъя кывъяслöн збыль вывса историялы, торъякывлöн кывартмöдан тэчасыс вермас лоны дзик мöд. История боксянь торъякывъяслысь артманнногсö видлалö-туялö этимология наука, коді вермас абстрагируйтчыны öнія кывартмöдан системын петкöдчысь деривационнöй йитöдъясыс. Пыртана тема сетігöн студентъяс должöнöсь уськöдны тöд вылö мöд курстын «Öнія коми кыв. Кывартмöм» дисциплинаысь подув понятиеяссö.
Студент должöн тöдны: кывартмöмлöн подув понятиеяс (производность, мотивированность, продуктивность, частность, кывартмöдан вежöртас, кывартмöдан тип, кывартмöдан модель), коми кывлы лöсялана кывартмöдан способъяс: морфологическöй (суффиксация, словосложение, сложно-суффиксальнöй, аффикстöм способ), морфолого-синтаксическöй (субстантивация, адъективация, прономинализация, адвербиализация) да лексико-семантическöй способъяс.
Студент должöн кужны аддзыны производнöй кывъяс, торйöдны дефектнöй членениеа да öнія кадлы лöсялана производнöйяс, тöдчöдны, кутшöм способöн найö артмöмаöсь.
Быть лыддьöм вылö литература:
1. , Пунегова кывйын торъя кывъяс артмöм. Ыджыд школалы отсöг вылö. –Сыктывкар, 2002. 98 лб. – С.3-7.
2. Федюнева эмакыв артмöм. –Сыктывкар, 2000, 90 лб. –С.3-9.
Содтöд лыддьöм вылö литература:
Деривация. Словообразование. Диахрония. Синхрония //Лингвистический энциклопедический словарь.– М., 1999. –683 с. – С. 129-130; 467-469; 136; 451-452.
2 тема. Морфологическöй деривация кыдзи кывартмöдан средство. Тайö тенма восьтігöн колö пырöдчыны öтувъя теория подулö да тöдчöдны, мый деривация – кывпытшкын паськыда паныдасьлысь петкöдчöм. Деривацияöн, босьтны кö паськыд видзöдлас сы вылö, лингвистикаын шусьö став процесс, код бöрын исходнöй единицаясысь артмöны вторичнöй единицаяс. Тшöкыда «деривация» лоö öтувъя терминöн кыв вежалöмлы (inflection) и кывартмöмлы (wordformation). Корсюрö «деривация» терминöн вöдитчöны тшöтш синтаксисын, шуам, сэк, кор синтаксическöй единицаöс позьö объяснитны исходнöй единица пыр либö петкöдны кутшöмкö синтаксическöй процедура отсöгöн. Эм сэтшöм гöгöрвоöм, мый деривацияöн шуöны любöй формальнöй операция нуöдöм бöрын результатсö. Морфологическöй деривация кыдзи кывартмöдан средство – векньыдджык понятие. Сы улын гöгрвоöны торъя морфемаяс отсöгöн выль лексемаяс артмöм. Тайö процессас коми кывйын петкöдчöны кыввужъя морфемаяс да кывартмöдысь аффиксъяс, ёнджыка суффиксъяс, гежöдджыка – кывводз. Морфологическöй деривация петкöдчö суффиксация, префиксация, тэчаса кывъяс артмöм, сложно-суффиксальнöй да суффикстöм сикасъяс пыр.
Студент должöн тöдны: деривациялысь кывартмöдöмын петкöдчöмсö, сылысь подув сикасъяссö (суффиксация, словосложение, сложно-суффиксальнöй, аффикстöм способ); морфологическöй деривация вылö видзöдласъяссö.
Студент должöн кужны торйöдны производнöй кывъяслысь кывартмöдан сикасъяссö.
Быть лыддьöм вылö литература:
1. , Пунегова кывйын торъя кывъяс артмöм. Ыджыд школалы отсöг вылö. –Сыктывкар, 2002. 98 лб. – С.3-7.
2. Федюнева эмакыв артмöм. –Сыктывкар, 2000, 90 лб. –С.3-9.
Содтöд лыддьöм вылö литература:
Деривация. Словообразование. Диахрония. Синхрония //Лингвистический энциклопедический словарь.– М., 1999. –683 с. – С. 129-130; 467-469; 136; 451-452.
2 юкöн «Морфологическöй сикас эмакыв артмöмöмын».
1 тема «Эмакыв артмöмын кыввужъяс öтувтöм» сиöма коми кывйын ыджыд да туялöм боксянь сьöкыд проблема видлалöмлы: тэчаса кыв да кыв тэчас торйöдöмлы. Тайö проблемаыс веськыда петкöдчö тшöтш орфографияын. Сійö, мый фин-угор кывъясын тэчаса кывъяс топыда йитчöмаöсь кывтэчасъяскöд, веськыда петö налö агглютинация типысь, кор морфология боксянь оформиттöм кыввужъяс сёрникузя пытшкын босьтöны ас выланыс унапöлöс функция да вермöны петкöдлыны унапöлöс вежöртас. Тайö тема туялігöн студентъяслы колö тöдвылö уськöдны «Фин-угор кывтуялöмö пыртöд» подув дисциплинаысь тöдöмлунъяс, та вöсна асшöра уджалöм программаын вылö сетöма кад да кыв история туялан литература.
Фин-угор кывъясын тэчаса кывъяс сёрникузякöд дыр оз орöдны йитöдсö, та вöсна найöс эрдöдны зэв сьöкыд. Стöча шуны, мый тэчаса кыв тырвыйö сöвмöма нин позьö сöмын сэк, кор öти либö кыкнан юкöныс тырвыйö вежисны асьыныс вежöртассö либö налöн тэчасын эм нин фонека боксянь вежсьöмъяс. Та боксянь туялöм вылö бура лöсялöны деэтимологизированнöй тэчаса кывъяс, кодъяс, öтар боксянь, петкöдлöны зэв важъя кывартмöдан модельяс, а мöдар боксянь, налысь структура да кывартмöдан вежортасъяс анализируйтöмöн позьö казявны нырвизьяс, кодъясöд вермасны сöвмыны тэчаса кывъяс öнія коми кывйын. 1 тема видлалігöн лоö тöдчöдöма, кутшöм сикаса тэчаса кывъяс паныдасьлöны деэтимологизированнöй кывъяс пöвстын.
Студент должöн тöдны: фин-угор тэчаса кывъяслысь аслыспöлöслун; тэчасъяс кывъяслöн фин-угор кыв-подулын бергалöм; тэчаса кывъяс артмöмлысь подув теория; коми тэчаса кывъяс синтаксис, тэчасног, семантика да шы пертас боксянь сикасалöм.
Быть лыддьöм вылö литература:
1. , Пунегова кывйын торъя кывъяс артмöм. Ыджыд школалы отсöг вылö. Сыктывкар, 2002. 98 лб. – С. 8-14.
2. Федюнева эмакыв артмöм. Сыктывкар, 2000, 90 лб. –С. 9-24.
Содтöд лыддьöм вылö литература:
Лаврентьев вопросы образования и опрощения композит в марийском языке.// Советское финно-угроведение. Таллин, 1975, XI. № 4, с. 244-252.
Асшöра велöдöм вылö:
1. Майтинская слова (или соответствующие им сочетания слов)/ Основы финно-угорского языкознания (вопросы происхождения и развития финно-угорских языков). М.: Наука, 1974. – 484 с. – С. 392-396.
2. Majtinskaja K. E. Über die Frage der Unterscheidung der finnisch-ugrichen Komposita und Wortkompositionen.// Congressus internationalis Fenno-ugristarum: Budapestini habitus, 22-24 IX. 1960. Budapest, 1963, s. 93-97.
2 тема «Тэчаса кывъяслöн синтаксическöй подув» восьтігöн программаын тöдчöдöма, мый фин-угор кывъясын тэчаса кывъяс артмöны-сöвмöны веськыда кывтэчасъяс подув вылын, фонетика да формальнöй вежсьöмъястöг. Та вöсна выль кыв да синтаксисическöй тэчас костын унджыкысьсö некутшöм торялöм абу шы тэчасын ни акцентуацияын, грамматика (морфология да синтаксис) функцияясын ни кывартмöм структураын. Торйöдан критерийнас лоö сöмын вежöртас, коді тшöкыда зависитö туялысьлöн видзöдласыс, сідзкö овлö субъективнöйöн. Медым кутшöмакö петны тайö проблемаысь, колö быд боксянь видлавны коми кывлы лöсялана кывтэчасъяс да донъявны найöс тэчаса кывъяс артмöдан позянлунъяс боксянь. Та вöсна программын ыджыд пай бостьö кывтэчасъяспытшса семантика йитöдъяс видлалöм.
2 тема туялöм бöрын студент должöн тöдны: кывтэчас да тэчаса кыв костын торъялöм да öткодьлун, найöс торйöдан критерийяс; бура гöгöрвоны выль вежöртас да цельнооформленность понятиеяс; починение да сочинение йитöдъяс кыдзи тэчаса кыв артмöдысь подувъяс; координация да суббординация йиылысь понятиеяс.
|
Из за большого объема этот материал размещен на нескольких страницах:
1 2 3 4 5 6 7 8 9 10 |
