Рабочая программа дисциплины «Современный коми язык. Словообразование. Морфология» (стр. 14 )

5 удж. «Коми кыв морфологияысь практикум» велöдчан небöгысь практика удж вöчöм (147 удж, 122 л. б.). Сёрникузяяссьыс торйöдны междометиеяс да тырвыйö видлавны найöс морфология боксянь.

Темаысь 2 практическöй удж

«ПАРАДИГМАТИКА. КЫВСИКАСЪЯС ТУЯЛÖМ» курсысь КОНТРОЛЬНÖЙ УДЖ (2 час)

Удж. Текст юкöнъясын пасйöм торъякывъяссö тырвыйö видлалöй морфология признакъяс серти.

I ВАРИАНТ. Век на зэрышталö ывлаыс – шливгыштас-коблас, сэсся бара. Тöв муралö. Козъяс улын сійö, и ёнасö оз кöтöд вылісяньыс. Неуна сöмын войталö, кузя зэрöмысла туктöмаöсь козъясыс да. Но век нин сайöд. Бур местаö тэчлöмаöсь карсö кодзувкотъясыс. Катшыс орччöн куйлö, немтор оз шу. Шонтысьö жö би дорын. Кынöм сюмалöм вылас оз норась. Гöгöрвоö. Аддзыліс öд, кыдзи нопсö колисны. Нопнад эськö эз вермы воöдчыны Öньö. Он öд тöд, он думайт, мый татшöмтор вермас лоны… (И. Торопов).

II ВАРИАНТ. Югыд-Ляга дорö сибöдчöм бöрын вежон кымын на ковмис сылы (Ардальонлы) нёджъявны, медым кыдзкö аддзöдлыны гöтырсö. Волыны гортас, кöть нин вой шöр бöрас коркö, эз лысьт: став понйыс öні сиктын, дом йылын, öти тöдтöмтас да авöстас, и мукöдыс тшöтш шызясны, сэтчö и йöзасян; да и кыйöдöны нин, колöкö, сійöс сьöд шынеляяс, коръя петкöдчас (Г. Юшков).

III ВАРИАНТ. Кольтöм арö, медся нин кынмалöм бöрас, кор мусьыс оз нин кут пöтны, коньöр урлы быть лоö кыдзкö бергöдчыны, и сійö уськöдчö козйö, йирö лапъяс помсьыс небыд лыска туганъясыслысь гöрöд кодь вужсö. Кыз синваöн пö бöрдö да йирö. Сійöн и сетлöмаöсь вöралысьяс татшöм нимсö, уртугсö (Г. Юшков).

Темаысь 3 практическöй удж

«ПАРАДИГМАТИКА. КЫВСИКАСЪЯС ТУЯЛÖМ» курсысь КОНТРОЛЬНÖЙ УДЖ видлалöм-анализируйтöм, öшыбкаяс вылын удж нуöдöм (2 час)

Студентъяслöн асшöр удж

Асшöра видлалöм-донъялöм вылö вöзъян тема:

Коми кывйын отсасяна кывсикасъяс. Кывбöр, кывйитöд, кывтор, да междометиелöн морфология аслыспöлöслун. Отсасяна кывсикасъяс морфология боксянь видлалöм-донъялöм (6 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгъясöн, лекция конспектъясöн асшöра уджалöм метод да отсасяна кывсикасъяс асшöра видлалöм-донъялöм (абу аудиторнöй).

Удж форма: Темаысь лекция конспектъяс видлалöм-велöдöм, обработайтöм да донъялöм. Вöзъяна велöдан литература лыддьöм да донъялöм. Велöдчан небöгъясысь практика удж асшöра вöчöм ( «Коми кыв морфологияысь практикум» велöдчан небöгысь уджъяс: 125 удж, 106-107 л. б.; 130 удж, 109-110 л. б.; 133 удж, 112 л. б.; 138 удж, 114 л. б.; 142 удж, 117 л. б.; 143 (1-5) удж, 117-118 л. б.; 144 (15-32) удж, 119-120 л. б.; 147 (3-8) удж, 122 л. б.).

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1 практическöй занятие дырйи гортса удж прöверитігöн, а сідзжö экзамен дырйи студентъяслысь теория да практика юкöнсö отсасяна кывсикасъяс (кывбöр, кывйитöд, кывтор да междометие) серти донъялігöн.

Асшöра велöдöм вылö литература:

1.  Öнія коми кыв. Морфология / , , / Под ред. . – Сыктывкар: Коми кн. изд., 2000. – 542 с. – С. 435-524.

2.  Федюнева типы коми наречий // Грамматика и лексикография коми языка / Тр. Института языка, литературы и истории Коми НЦ УрО РАН. Вып 58. Сыктывкар, 1995. – С. 99-122.

IV ЮКÖН. КЫВАРТМÖМ

Уджтас IV юкöнö пырысь темаяс артмöдöны торъя блок, кодöс сиöма коми кывйын кывартмöдан система видлалöмды. Кывартмöм сетöма кыдзи тырвыйö асшöр лингвистика дисциплина, кодлöн аслас веладантор, аслас могъяс да туялан методъяс.

1 тема. Кывартмöм кыдз наука, сылöн велöдантор да могъяс. Кывартмöмлöн понятийнöй аппарат: производность да мотивированность, продуктивность да частность, кывартмöдан вежöртас, кывартмöдан тип, кывартмöдан модель. Кывартмöдысь способъяс йылысь понятие. Морфологическöй суффиксация, словосложение, сложно-суффиксальнöй способ, аффикстöм способ, морфолого-синтаксическöй, лексико-семантическöй способъяс. Öнія кадö мунысь процессъяс

1 тема лоö пыртанаöн. Танö колö студентлы тöдвылö уськöдны кывартмöмлöн подув понятиеяс, тöдчöдны, кутшöм ин босьтö кывартмöдан система кыв сöвмöмын да грамматика тэчасын. Кывартмöм кыдзи торъя кыв тшупöд да торъя кыв дисциплина топыда йитчöма мукöд дисциплинаяскöд, торйöн нин лексикологиякöд да морфологиякöд. Та вöсна колö бура торйöдны кывартмöмлысь предметсö: кывартмöм велöдö торъякыв, но оз ставсö, а сöмын артмöм кывъяс, налысь оз лексическöй, а кывартмöдан вежöртасъяс, найöс петкöдлысь структурнöй элементъяс.

Студент должöн тöдны: кывартмöмлысь велöданторсö да могъяссö, подув понятиеяссö (производность, мотивированность, продуктивность, частность, кывартмöдан вежöртас, кывартмöдан тип, кывартмöдан модель), коми кывлы лöсялана кывартмöдан способъяссö: морфологическöй (суффиксация, словосложение, сложно-суффиксальнöй да аффикстöм способ), морфолого-синтаксическöй (субстантивация, адъективация, прономинализация, адвербиализация) да лексико-семантическöй способъяс.

Студент должöн кужны аддзыны производнöй кывъяс, тöдчöдны, кутшöм способöн найö артмöмаöсь.

Быть лыддьöм вылö литература:

1.  , Пунегова кывйын торъякывъяс артмöм. Ыджыд школалы отсöг вылö. Сыктывкар, 2002. 98 л. б. – С.3-7.

2.  Пунегова кыв морфологияысь практикум. Велöдчан небöг. – Сыктывкар, 2007.142 л. б.

Содтöд лыддьöм вылö литература:

1. Словообразование / Лингвистический Энциклопедический словарь. – М. 1999. 683 с. – С. 467-469.

Темаысь 1 практическöй удж

Кывартмöмысь подув понятиеяс тöдчöдöм-гöгöрвоöдöм. Кывартмöдан вежöртас. Торъякывъясын уна сикаса кыв артманногсö тöдчöдöм (2 час).

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Висьтавны кывартмöм кыдз наука йылысь, тöдчöдны сылысь велöданторсö да могъяссö, мукöд кывтуялан наукаяскöд йитöдсö.

- Гöгöрвоöдны кывартмöм серти понятийнöй аппаратсö: производность да мотивированность, продуктивность да частность, кывартмöдан вежöртас, кывартмöдан тип, кывартмöдан модель.

- Тöдчöдны кывартмöдан способъяс йылысь.

2 удж. «Коми кыв морфологияысь практикум» велöдчан небöгысь практика удж вöчöм (158 (2) удж, 133 л. б.). Вöзъяна тестысь 1 задание вöчöм. Сикасавны торъякывъяссö артмöм (производнöй) да артмытöм (производнöйтöм) кывдінаяс вылö.

3 удж. Асшöр удж. Гöгöрвоöдны мотивация йитöдсö артмöм (производнöй) да артмöдысь (производящöй) кывъяс костын. Вöдитчыны коми этимология кывворöн:

1 вариант: сьöктöд, пöлян, киасьны, гажаддза, мукöдтор, быдмöг, тшöтшъя, вöрса, анькытш, вольöс, койташ, кöйдыс, бöрйысянін, паськыда, зарава,

2 вариант: кодзувкот, öнтай, банöдны, йирмöг, коляоз, мампас, йöзкостса, войтва, вузöс, панас, потшöс, веркöс, кöвтым, мусюр, кыддза-пожöмаин.

Студентъяслöн асшöр удж

Асшöра видлалöм-донъялöм вылö вöзъян тема:

Коми кывйын кывартмöм велöдöмын подув понятиеяс (6 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгъясöн, лекция конспектъясöн асшöра уджалöм метод (абу аудиторнöй).

Удж форма: Темаысь лекция конспектъяс видлалöм-велöдöм, обработайтöм да донъялöм. Вöзъяна велöдан литература лыддьöм, донъялöм да конспектируйтöм.

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1 практическöй занятие дырйи гортса удж прöверитігöн, а сідзжö экзамен дырйи.