Программа шымыртö темаяс, 1) кодъясöс студентъяс кывзöны лекцияяс вылын, 2) видлалöны практическöй заданиеясын да 3) кодъясöс туялöны асшöра. Быд тема дорö сетöма подув да содтöд литература. Тöдöмлунъяс донъялöм могысь пыртöма некымын гижöда да контрольнöй удж. Студентъясöс асшöра мöвпавны велöдöм могысь öткымын наука боксянь вензяна юалöм петкöдöма спецсеминар вылö. Отсасяна кывсикасъяс кузя овлывлö торъя семинар, кытчö студентъяс дасьтöны докладъяс, юöртöмъяс да юксьöны асланыс мöвпъясöн.

«Öнія коми кыв. Морфолгия. Кывартмöм» курс велöдöм бöрын студент должен тöдны:

·  Коми кыв морфологиялысь подув понятиеяссö, системнöй йитöдъяссö; коми кывлысь морфологическöй типсö да подув характеристикаяссö; кыв сöвмöдан законъяссö;

·  Коми торъякывлысь структурасö; морф да морфема йылысь понятие; морфемаяслысь сикасъяссö (кыввуж, аффикс, кыввежлалан, формаартмöдан да кывартмöдан суффикс), морфемаяслысь вежöртасъяс (моносемантичнöй да полисемантичнöй), структура боксянь характеристикаяс (зумыд да вежласяна, асшöр да абу асшöр), налысь системнöй йитöдъяссö (омоморфемия, морфемаяслöн синонимия, нуль-морфемаяс да мукöд.)

·  Коми кывлысь кывсикасъяссö да налысь характеристикаяссö (эмакыв, сылöн вежöртас да функция; эмакывлöн грамматика категорияяс; коми вежлöгъяс (субъектно-объектнöй, ина), налысь вежöртасъяссö; эмакывлысь индан-асалан категория да индан–асалан вежлöгасьöм; эмакывлысь лыд категория, лыд формаяслысь вежöртасъяс да формаяс; кывберд, сылöн категориальнöй вежöртас, лексико-грамматическöй чукöръяс, синтаксическöй функцияяс да та дырйи морфологическöй характеристикаяс петкöдчöм; уна лыда да вежлöг суффиксъясöн вöдитчöм; нимвежтас, сылысь лексико-грамматическöй чукöръяс, мукöд кывсикасъяскöд йитöдъяс; нимвежтаслысь кыввежлалан системасö да функцияссö; кадакыв, сылысь категориальнöй вежöртассö, лексико-грамматическöй чукöръяссö, грамматика категорияяссö (морт, лыд, наклонение, залог, керöм мунанног; кадакывлысь мортасян системасö, подув да соссяна парадигмаяс; кадакывлысь инфинитнöй формаяс: кывпод, шöркыв, ногакыв, налысь аслыспöлöслун коми кывйын; урчитан, сылысь лексико-грамматическöй чукöръяссö, грамматка характеристикаяссö да функцияяссö; коми кывйын урчитан сöвмöдысь туйяс; служебнöй кывсикасъяс (кывбöр, кывтор, кывйитöд, междоментие).

НЕ нашли? Не то? Что вы ищете?

·  Коми кывлысь кывартмöдан системасö; кывартмöмдысь подув понятиеяссö кывармöм, артмöм кыв, производность, мотивированность, кывартмöдан бала, кывартмöдан вежöртас; кыв артмöдан способъяс (морфологический, морфолого-синтаксическöй, лексико-семантическöй);эмакывлысь, кывбердлысь, кадакывлысь да урчитанлысь подув кывартмöдан способъяс, продуктивнöй да непродуктивнöй балаяс, кывартмöдысь суффиксъяс, тэчаса кывъяс артмöдысь модельяс; сложно-суффиксальнöй способъяс; транспозиция(субстантивация, адъективация, адвербиализация).

«Морфология. Кывартмöм» курс велöдöм бöрын студент должен кужны:

·  вöдитчыны колана лингвистика терминологияöн;

·  вöчны торъякывлысь тырвыйö морфемнöй разбор; тöдчöдны, кутшöм морфемаясысь артмöма торъякыв, кутшöм налöн вежöртас да функция, фонетика тэчас; кутшöм морофонологическöй вежсьöмъяс петкöдчöны;

·  вöчны быд кывсикаслы морфология серти анализ, тöдчöдны грамматика категорияяспеткöдлысь элементъяс да налысь функциональнöй вежöртасъяс;

·  вöчны тырвыйö кывартмöдан анализ, тöдчöдны производнöй да производящöй кывдінъяс, кывартмöдан вежöртас, способ да кывартмöдан балалысь продуктивность.

ТЕМАТИКАА УДЖТАС

№

Юкöнъяс, тема нимъяс

Велöдан план серти час лыд

Студентъ-яслöн максималь-нöй нагрузка

Аудиторнöй нагрузка

Асшöра уджалöм

Ставыс

В том числе

Лекция

Семинар

Практи-ческöй удж

Лабора-торнöй удж

1.

I юкöн. ПЫРТАНА

1 тема. Морфология - кыв формаяс туялысь наука. Сылöн велöдантор да могъяс. Подув понятиеяс да туялан методъяс. Морфология мукöд кыв туялысь наукаяс пöвстын: морфология да лексикология; морфология да синтаксис; морфология да кывартмöм; морфемика да морфонология. Грамматика туялысь дисциплинаяслöн йитöдъяс.

6

4

2

2

2

2.

II юкöн. МОРФЕМИКА

1 тема. Морфемика кыдз наука, сылöн велöдантор да могъяс. Коми кывлöн морфемнöй состав. Морфема йылысь понятие. Морфемаяслöн сикасъяс. Морфемаяс костса системнöй йитöдъяс йылысь: абутöм морфемаяс, асшöр да абу асшöр морфемаяс, öти - уна вежöртаса морфемаяс, зумыд да вежласян морфемаяс. Грамматическöй синонимия да омоморфемия.

18

8

4

4

10

2 тема. Коми кывйын морфонологическöй петкöдчöмъяс. Морф йылысь понятие. Морф да морфема коми кывйын. Морфемаяслöн шы тэчас. Морфонологическöй процессъяс: аскодялöм пöлöсъяс, а / ы / о да м / к / т / й шыяс содтысьöм / усьöм, кыв структура прöстмöдöм, мöдног юклöм (переразложение).

10

6

2

4

4

3 тема. Торъякывлöн шы да морфема тэчас. Морфемаяслöн сьöрсьöн-бöрсьöн мунöм. Коми кывлöн модельяс да структурнöй типъяс.

6

4

2

2

2

4 тема. Кывъяслöн морфологическöй тип йылысь понятие. Коми кывлöн морфологическöй тип, сылöн подув агглютинирующöй признакъяс. Коми кывйын мукöд типа кывъяслöн признакъяс. Грамматика тэчасын öнія кадся типологическöй вежсьöмъяс.

14

10

4

6

4

3.

III юкöн. ПАРАДИГМАТИКА. КЫВСИКАСЪЯС ТУЯЛÖМ.

1 тема. Пыртана. Торъякыв - морфологиялöн велöдантор. Грамматическöй форма да грамматическöй вежöртас. Грамматическöй категория йылысь понятие. Торъя кывъяслöн лексико-грамматическöй классификация; подув принципъяс. Коми кывйын кывсикасъяслöн система. Коми кывсикасъяслöн дженьыд история.

8

4

2

2

4

2 тема. Эмакыв. Эмакывлöн категориальнöй вежöртас, кыв вежлалан система да синтаксическöй функцияяс.

2.1. Эмакывлöн лексико-грамматическöй кывчукöръяс. Ас нимъяс да абу ас нимъяс. Вещественнöй да абстрактнöй нимъяс. Ловъя да ловтöм нимъяс. Налöн грамматикаын торъялöм.

2.2. Эмакывлöн кыв вежлалан система, öнія кадö вежсьöмъяс да сöвман туйяс.

2.3. Эмакывлöн лыд категория. Лыд формаяслöн функциональнöй вежöртасъяс. Налöн функцияяс. Уна лыда - яс суффикслöн мукöд кывсикасъяскöд паныдасьлöм. Рочысь пырöм кывъяслöн лыд формаяс.

2.4. Эмакывлöн индан-асалан категория, сылöн сöвмöм да öнія кадö вежсьöмъяс да водзö сöвман туйяс.

2.5. Эмакывлöн вежлöг категория. Вежлöгасьöм йылысь понятие. Подув да сора вежлöгасьöм. Сора вежлöгасьöм артмöм-сöвмöм. Коми вежлöгъяслöн система. Субъекта, объекта (асалан да объекта), ина (пытшкöс ина, ортсы ина да матыс ина) вежлöг чукöръяс. Вежлöгъяслöн вежöртас тэчас: подув да содтöд вежöртасъяс. Вежлöгъяс костса синонимиясяма йитöдъяс. Разнöй лексико-грамматическöй кывчукöръяслöн вежлöг формаясöн вöдитчöмын торъялöмъяс. Öнія кадö вежсьöмъяс да сöвман туйяс.

24

14

8

6

10

3 тема. Кывберд. Кывбердлöн категориальнöй вежöртас, сылöн грамматика боксянь аслыспöлöслун да синтаксическöй функцияяс. Коми кывбердлöн роч кывбердысь торъялöм.

3.1. Кывбердлöн лексико-грамматическöй кывчукöръяс. Качественнöй да относительнöй кывбердъяс, налöн торъялöм вежöртас, артмöм да функцияяс серти.

3.2. Кывбердлöн кыввежлалан система. Кывбердлöн лыд категория. Уна лыд петкöдлысь суффикслöн синтаксическöй функция. Эмакыв да кывбердлöн лыд серти ладмöдöм.

3.3. Öткодялан тшупöдъяс категория, сылöн формаяс да вежöртасъяс. Öткодялан тшупöдъяс категориялöн качественнöй да относительнöй кывбердъяслöн формаясöн торъялана вöдитчöм.

3.4. Качество тшупöдъяс категория, сылöн абу регулярнöй характер.

11

5

3

2

6

4 тема. Лыдакыв. Лыдакывлöн категориальнöй вежöртас да грамматика боксянь аслыспöлöслун.

4.1.Лыдакывлöн лексико - грамматическöй кывчукöръяс. Подув лыдакывъяс. Юклöм да ылöс лыдакывъяс, налöн тэчас.

4.2. Лыдакывлöн грамматическöй категорияяс. -öд суффикса порядок вылö индысь категория. - нан суффикса öтвывтан категория.

4.3. Лыдакывлöн эмакыв туйын петкöдчöм (транспозиция) да сылöн грамматика боксянь тöдчанлун.

9

5

3

2

4

5 тема. Нимвежтас, сылöн грамматика вежöртас, морфологическöй признакъяс да сёрникузяын роль.

5.1. Нимвежтаслöн лексико-грамматическöй кыв чукöръяс: эмакыв, кывберд, лыдакыв да урчитан вежысь нимвежтас чукöръяс. Нимвежтаслöн вежöртас серти чукöръяс. Морта да морттöм нимвежтасъяс, на пытшкын лексическöй чукöръяс.

5.2. Эмакыв вежысь нимвежтасъяс, налöн морфология да эмакывлöн грамматическöй категорияясöн вöдитчöмын торъялöм. Лыд категория. Нимвежтас вежлöгасьöмын аслыспöлöслун.

5.3. Кывберд, лыдакыв да урчитан вежысь нимвежтасъяс; налöн морфология да лöсялана категорияясöн вöдитчöмын торъялöм.

24

14

6

8

10

6 тема. Кадакыв. Кадакыв кыдзи кывсикас, сылöн тэчасног., категориальнöй вежöртас да кывпытшса функцияяс.

6.1. Кадакывлöн лексико-грамматическöй чукöръяс. Вуджан да вуджтöм кадакывъяс.

6.2. Кадакывлöн кыввежлалан система. Öнія кадö вежсьöмъяс да сöвман туйяс. Спряжение йылысь понятие. Кадакывлöн грамматика категорияяс. Кадакывлöн морта-лыда формаяс.

6.3. Наклонение категория. Юöртана наклонение. Модальнöй вежöртасъяс тöдчöдысь кывторъяс. Тшöктана наклонение, сылöн формаяс да модальнöй вежöртасъяс тöдчöдöм. Медводдза да мöд морта формаяслöн тшöктана вежöртас петкöдлöмын торъялöм.

6.4. Кад категория. Абсолютнöй да относительнöй кад. Синтетическöй да аналитическöй формаяс. Öнiя локтан кад парадигмаяс. I да II локтан кадъяс, налöн функция да вежöртасъяс серти торъялöм. Колян кадъяслöн система, налöн функция да вежöртасъяс серти торъялöм. I да II синтетическöй колян кадъяс. III, IV, V, VI аналитическöй колян кадъяс, налöн унапöлöс модальнöй вежöртасъяс петкöдлыны сямлун. Öнія кадся кывйын кад формаясöн вöдитчöм.

6.5. Кадакывлöн керöм мунанног категория. Аспектуальность йылысь понятие. - ышт суффикса ичöтмöдан действие петкöдлысь сикас. – лывл / - ывл - регулярнöй процесс петкöдлысь сикас. - л - , - вы-, - ыл - суффикса öтпырысь / унаысь мунан процесс петкöдлысь сикас. - ав / - ал - суффикса уна нога процесс петкöдлысь сикас. Действие способъяс - овт-, -öст-, -öбт-, - нит - суффиксъяс. Действие мунанног категориялöн кад категориякöд йитöдъяс йылысь.

6.6. Залог категория. Субъект да объект костса грамматическöй йитöдъяс йылысь. Актив да пассив йылысь понятие. Активнöй залог. Каузатив коми кывйын. Кык объекта да кык субъекта формаяс. Рефлексив залог, сылöн вежöртасъяс: подув, шöр да мöда-мöда рефлексив вежöртасъяс (-сь, - ч., - зь, - ась, - ысь суффиксъяс). - сь суффиксöн страдательнöй да пассивнöй вежöртасъяс петкöдлöм. Коми кывйын залог формаяслöн оппозиция. Öнія коми кывйын залог категория вылö роч кывлöн тöдчöм.

6.7. Кадакыв вежöртас донъялан тшупöдъяс категория. Ичöтмöдан тшупöд петкöдлысь - кодь суффикс. Ыдждöдан-öткодялан тшупöд петкöдлысь - джык суффикс.

24

14

8

6

10

7 тема. Кадакывлöн морттöм формаяс, налöн аслыспöлöслун коми кывйын, нимакывъяс дорö матыслун.

7.1. Кывпод, сылöн морфология боксянь тöдчанлун. Асшöр да абу асшöр кывподъяс. Кывподлöн морта формаяс, - ыш, - ыд, - ыс, - ным, - ныд, - ныс индан-асалан суффиксъясöн вöдитчöм. Кывподöн - тö, - сö вынсьöдана кывторъяс - уна лыда - яс суффикс да кывбöръяс сибöдöм. Кывподлöн синтаксическöй функцияяс.

7.2. Шöркыв, сылöн формаяс да вежöртасъяс. Активнöй да пассивнöй вежöртасъяс петкöдлöм. Шöркывъяс кад петкöдлöм серти торйöдöм. Коми кывйын шöркывъяслöн оппозиция.

7.3. Ногакыв, сылöн вежöртас. Ногакывлöн уна пöлöс форма. Коми ногакывлöн морта формаяс. Ногакывлöн формаяс костын синонимия йылысь. Коми ногакывлöн урчитан дорö матыслун.

11

5

3

2

6

8 Тема. Урчитан. Урчитанлöн грамматика боксянь аслыспöлöслун. Урчитанлöн синтаксис подув. Сылöн тэчасног боксянь унапöлöслун. Вежлöг формаяс да кыв тэчасъяс урчитан туйын петкöдчöм. Синтаксическöй транспозиция да урчитан. Урчитанлöн лексико-грамматическöй чукöръяс. Öткодялан тшупöдъяс да качество тшупöдъяс категорияясöн вöдитчöм.

12

6

4

2

6

9 тема. Отсасяна кывсикасъяс. Кывбöръяс, налöн вежöртас серти Тчукöръяс да функцияяс. Кывбöр артмöм да ним формаясысь торйöдöм. Кывйитöдъяс. Кывторъяс. Междометиеяс. Модальнöй кывъяс. Налöн вежöртасъяс да функцияяс.

21

9

3

6

12

4.

IV юкöн. КЫВАРТМÖМ.

1 тема. Кывартмöм кыдз наука, сылöн велöдантор да могъяс. Кывартмöмлöн понятийнöй аппарат: производность да мотивированность, продуктивность да частность, кывартмöдан вежöртас, кывартмöдан тип, кывартмöдан модель. Кывартмöдысь способъяс йылысь понятие. Морфологическöй суффиксация, словосложение, сложно-суффиксальнöй способ, аффикстöм способ, морфолого-синтаксическöй, лексико-семантическöй способъяс. Öнія кадö мунысь процессъяс.

12

6

4

2

6

2 тема. Эмакыв артмöм. Тэчаса кывъяс артмöм. Координация да суббординация подула тэчаса кывъяс. Суффиксъяс отсöгöн артмöм. Эмакыв артмöдысь суффикс чукöръяс: первичнöй суффиксъяслöн система, номен вербум артмöдысь суффиксъяс, вторичнöй суффиксъяс (суффиксоидъяс), рочысь пырöм суффиксъяс. Эмакыв мукöд кывартмöдан способъясöн артмöм. Субстантивация.

9

5

3

2

4

3 тема. Кывберд артмöм. Качественнöй кывбердъяс артмöдысь суффиксъяс. Тэчаса кывбердъяс артмöм. Сложно-суффиксальнöй кывбердъяс. Адъективация.

8

4

2

2

4

4 тема. Кадакыв артмöм. Кадакыв артмöдысь суффикс чукöръяс (первичнöй прöстöй суффиксъяс, первичнöй сложнöй суффиксъяс), суффиксоидъяс (вторичнöй суффиксъяс), рочысь пырöм суффиксъяс. Кадакыв артмöдöмын суффиксальнöй комбинацияяс. Кадакыв артмöдiгöн суффиксальнöй комбинацияяс. Кадакыв артмöдiгöн морфологическöй процессъяс.

9

5

3

2

4

5 тема. Урчитан артмöм. Продуктивнöй да непродуктивнöй суффиксъяс. Мукöд кывсикасъяс урчитанö пöрöм (адвербиализация). Вежлöг формаяс лексикализуйтöм. Кывбöръясысь лоöм суффиксоидъяс отсöгöн артмöм урчитанъяс. Серпасалан (изобразительнöй) урчитанъяс артмöм.

12

8

2

6

4

СТАВЫС

248

136

68

68

112

ВЕЛÖДАН ДИСЦИПЛИНА ПЫТШКÖС

Из за большого объема этот материал размещен на нескольких страницах:
1 2 3 4 5 6 7 8 9 10 11 12 13 14 15 16 17 18 19 20 21