Рабочая программа дисциплины «Современный коми язык. Словообразование. Морфология» (стр. 16 )

Асшöра велöдöм вылö:

1. Федюнева эмакыв артмöм. Сыктывкар, 2000. 90 л. б. – С.3-24, 49-87.

4 тема. Кадакыв артмöм. Кадакыв артмöдысь суффикс чукöръяс (первичнöй прöстöй суффиксъяс, первичнöй сложнöй суффиксъяс), суффиксоидъяс (вторичнöй суффиксъяс), рочысь пырöм суффиксъяс. Кадакыв артмöдöмын суффиксальнöй комбинацияяс. Кадакыв артмöдiгöн морфологическöй процессъяс.

4 тема сиöма коми кывйын кадакыв артмöмлы, коді тшöтш сöвмö кызвыннас суффиксальнöй способöн. Аслыспöлöслуныс сыын, мый уна кывартмöдысь суффикс петкöдчö и кыдзи формаартмöдысь, грамматика категория артмöдысь. Та вöсна унджык кадакыв артмöдысь суффикс студентлы тöдса нин морфология курсысь (программа серти II юкöн, 6-öд тема). Тайö темаыслöн мог – сетны системнöй видзöдлас коми кывйын кадакыв артмöмлы, тöдчöдны подув продуктивнöй модельяс да тöдчöдны суффиксъяслысь кывартмöдан вежöртасъяс.

Тема велöдöм бöрын студент должöн тöдны: кадакыв артмöдысь суффикс чукöръяс: первичнöй прöстöй да сложнöй суффиксъяс, вторичнöй суффиксъяс ( асшöр кадакывъясысь артмöм суффикспуяс), рочысь пырöм суффиксъяс; кадакыв артмöдысь суффиксальнöй комбинацияяс; налöн кывартмöдан вежöртасъяс.

Студент должöн кужны нуöдны тыр кывартмöдан анализ.

Быть лыддьöм вылö литература:

1.  , Пунегова кывйын торъя кывъяс артмöм. Ыджыд школалы отсöг вылö. Сыктывкар, 2002. 98 л. б. – С. 49-54.

2.  Пунегова кыв морфологияысь практикум. Велöдчан небöг. – Сыктывкар, 2007.142 л. б.

Содтöд лыддьöм вылö литература:

1. Современный коми язык: Учебник для высших учебных заведений. В 2-х ч. / Под ред. . Ч. I. Фонетика, лексика, морфология. - Сыктывкар, 1955. - 312 с. – С. 246-249.

Темаысь 1 практическöй удж

Коми кывйын кадакывлöн артмöм. Кадакывлысь артманногсö видлалöм-донъялöм: кадакыв артмöдысь суффикс чукöръяс (первичнöй прöстöй суффиксъяс, первичнöй сложнöй суффиксъяс), суффиксоидъяс (вторичнöй суффиксъяс), рочысь пырöм суффиксъяс, суффиксальнöй комбинацияяс. Кадакыв артмöдiгöн морфологическöй процессъяс (2 час).

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Висьтавны кывартмöм кыдз наука йылысь.

- Тöдчöдны кадакывлысь артманногсö, артман способъяссö.

- Тöдчöдны кадакыв артмöдігöн морфологическöй процессъяс йылысь.

2 удж. «Коми кыв морфологияысь практикум» велöдчан небöгысь практика удж вöчöм (14 удж, 17 л. б.). Сетöм текст юкöнысь торъякывъяссö (кадакывъяссö) сикасавны артмöм (производнöй) да артмытöм (производнöйтöм) кывдінаяс вылö. Артмöм кывдінаясыслысь аддзыны артмöдысьсö (производящöйсö).

3 удж. Асшöр удж. Сетöм кыв тэчасъяссьыс торйöдны артмöм да артмытöм кывдіна кадакывъяс. Гöгöрвоöдны тэчасногсö. Артмöм кывдіна кадакывъяслысь гöгöрвоöдны артман способсö

1 вариант: шмоткысьны муö, матігöгöр вöрсö кытшовтны, чиршöдлана вомавны кодöскö, нинöмысь биасьнысö, меліа вочавидзны, бура артасьны-лыддьысьны.

2 вариант: вожалаасис-пуксис пу вылö, сёрнисö кывкöртавны, енэжыс сэзьмывліс, визьёвтіс юрас чайтöм, чöскыда сывкмунны-унмовсьыны, водзджык шыасьны.

Студентъяслöн асшöр удж

Асшöра видлалöм-донъялöм вылö вöзъян тема:

Коми кывйын урчитанлöн артмöм (4 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгъясöн, лекция конспектъясöн асшöра уджалöм метод да кадакывлысь артманногсö, артман способъяссö асшöра видлалöм-донъялöм (абу аудиторнöй).

Темаысь лекция конспектъяс видлалöм-велöдöм, обработайтöм да донъялöм. Вöзъяна велöдан литература лыддьöм да донъялöм. Велöдчан небöгысь практика удж асшöра вöчöм ( «Коми кыв морфологияысь практикум» велöдчан небöгысь уджъяс: 16 (г) удж, 18 л. б.; 24 (сöмын кадакывъяс) удж, 25 л. б.; 26 (VI - Х) удж, 26 л. б.; 32 (сöмын кадакывъяс) удж, 31 л. б.).

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1 практическöй занятие дырйи гортса удж прöверитігöн, а сідзжö экзамен дырйи студентъяслысь теория да практика юкöнсö кадакыв артмöм серти донъялігöн.

Асшöра велöдöм вылö (бöрйöмöн) литература:

1. Черных второй степени и суффиксальносложные глаголы в современном коми языке // Вопросы лексикологии коми языка. Труды ин-та языка, лит-ры и истории. Вып.22. Сыктывкар, 1979. С.88-98.

2. Черных глагольные суффиксы в коми-зырянском языке // СФУ. 1981. № 1. С. 25-31.

3. Черных суффиксы глагола в коми языке // СФУ. 1980. Вып.3. С.197-205.

4. Черных семантика производных отыменных глаголов в коми языке в сопоставлении с русскими // Взаимодействие финно-угорских и русского языков. Сыктывкар, 1984. – С. 12-19.

5 тема. Урчитан артмöм. Продуктивнöй да непродуктивнöй суффиксъяс. Мукöд кывсикасъяс урчитанö пöрöм (адвербиализация). Вежлöг формаяс лексикализуйтöм. Кывбöръясысь лоöм суффиксоидъяс отсöгöн артмöм урчитанъяс. Серпасалан (изобразительнöй) урчитанъяс артмöм.

5 темалöн мог – вынсьöдны тöдöмлунъяс, кодъясöс вöлі сетöма урчитан видлалігöн. Сы вöсна мый урчитан – сёрöн сöвмöм кывсикас, сійö пыр на сöвманвыйын, артмö сёрникузя пытшкын мукöд кывсикасъяс подув вылын, сылöн кывартмöдан структураыс зэв унапöллöс. Артмö урчитан разнöй способъясöн – суффиксъяс отсöгöн, кывтэчасъяс да вежлöг формаяс лексикализуйтöмöн, асшöр кывъяс грамматикализуйтöмöн да с. в.

Студентлы колö тöдны урчитан артмöдысь продуктивнöй да непродуктивнöй суффиксъяс; мукöд кывсикасъяс урчитанö пöрöм процессъяс (адвербиализация); вежлöг формаяс лексикализуйтöм (ёнджыка объекта, стöчджыка кö керанторъя да могман, да ина вежлöгъяс); кывбöръясысь лоöм суффиксоидъяс отсöгöн артмöм урчитанъяс; серпасалан (изобразительнöй) урчитанъяслöн артмöм.

Студент должöн кужны тöдчöдны, кутшöм способöн артмöма урчитан.

Быть лыддьöм вылö литература:

1.  , Пунегова кывйын торъякывъяс артмöм. Ыджыд школалы отсöг вылö. Сыктывкар, 2002. 98 л. б. – С. 55-71.

2.  Пунегова кыв морфологияысь практикум. Велöдчан небöг. – Сыктывкар, 2007.142 л. б.

Содтöд лыддьöм вылö литература:

1. Современный коми язык: Учебник для высших учебных заведений. В 2-х ч. / Под ред. . Ч. I. Фонетика, лексика, морфология. - Сыктывкар, 1955. - 312 с. – С. 254-257.

Темаысь 1 практическöй удж

Коми кывйын урчитанлöн артмöм. Урчитанлысь артманногсö видлалöм-донъялöм: продуктивнöй да непродуктивнöй суффиксъяс. Адвербиализация процесс. Вежлöг формаяс урчитанö пöрöм. Кывбöръясысь лоöм суффиксоидъяс отсöгöн артмöм урчитанъяс. Серпасалан урчитанъяс артмöм (2 час).

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Висьтавны кывартмöм кыдз наука йылысь.

- Тöдчöдны урчитанлысь артманногсö, артман способъяссö.

- Тöдчöдны адвербиализация петкöдчöм йылысь.

2 удж. «Коми кыв морфологияысь практикум» велöдчан небöгысь практика удж вöчöм (24 удж, 25 л. б.). Сёрникузяяссьыс аддзыны да видлавны морфологическöй способöн артмöм урчитанъяс. Тöдчöдны, кыдзи сійö петкöдчö.

3 удж. Асшöр удж. Тöдчöдны, кутшöм бала сертиыс артмöмаöсь торъякывъясыс. Кыдзи петкöдчöны кывартмöдысь йитöдъясыс? Кутшöм кывъяс котыртчöны кывартмöдан позйö? Тшупöд-тшупöдöн сувтöдавны кывдінъяссö.

1 вариант: уджач, уджöдöм, удж, уджалысь, уджтöм, уджавны, уджтор, уджаланін, уджтöмалöм, уджыштöм, уджöдны, уджалöм, уджалан, уджтöмавны, уджöдöм.

2 вариант: мöвпыштавлöм, мöвпыштны, мöвпалöмтор, мöвпавны, мöвп, мöвпыштавлöмторйыс, мöвпыштавны, мöвпалысь, мöвпалöм.

Темаысь 2 практическöй удж

«МОРФЕМИКА» курс юкöнысь КОНТРОЛЬНÖЙ УДЖ (2 час)

1 вариант

1 удж. Сетöм кыв тэчасъяссьыс торйöдöй артмöм да артмытöм кывдiна торъякывъяс. Гöгöрвоöдöй тэчасногсö:

а) эмакывъяс пöвстын:

öшкамöшка петкöдчис, повтöмлун венны, öмидз вотны, йирмöг босьтiс, коми кывъя войтыр, посводзö петны, дасаыс оз тырмы, вежсьыны чужöм вылас, ытшкысь-куртысь йöз, моньпуöс аддзывны, гöра-кöдза заводитчис, зарава юны, чужöм ошпиян, коктуй коли, мупытшса озырлун, водзöс сетны;