Рабочая программа дисциплины «Современный коми язык. Словообразование. Морфология» (стр. 6 )

- Кутшöм модельясысь артмö коми торъякывйыс?

- Кутшöм структурнöй типъяс лöсялöны коми торъякывлы?

2 удж. «Коми кыв морфологияысь практикум» велöдчан небöгысь практика удж вöчöм (8 удж, 12 л. б.). Вайöдöм текст подув вылын тöдчöдны, кутшöм формаяс лоöны кыв вежлаланаясöн: 1) эмакывъяс пöвстын, 2) кадакывъяс пöвстын. Пасйыны налысь грамматика вежöртассö.

3 удж. Тöдчöдны структурнöй схемасö сетöм торъякывъяс серти:

нималысь, нимкодь, нимтыны, нимлунасьны, нимкодясьöм, нимавны, нимлун.

Студентъяслöн асшöр удж

Асшöра видлалöм-донъялöм вылö вöзъян тема:

Коми кывйын модельяс да структурнöй типъяс (2 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгöн асшöра уджалöм практикаа метод (абу аудиторнöй).

Удж форма: «Коми кыв морфологияысь практикум» велöдчан небöгысь практика удж вöчöм (27 удж, 27 л. б.), темаысь лекция конспектъяс видлалöм-велöдöм, обработайтöм да донъялöм.

Вöзйöм структурнöй схемаяс серти асшöра лöсьöдны торъякывъяс (4 кывйöн):

1)  + ∩ + Ф. А.

2)  ∩ + К. А.+ Ф. А.

3)  ∩ + Ф. А. + Ф. А. + К. В. + К. В.

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1 практическöй занятие дырйи гортса удж прöверитігöн.

Практикум да асшöра велöдöм вылö вöзъяна литература:

1. Пунегова кыв морфологияысь практикум. Велöдчан небöг. – Сыктывкар, 2007.142 л. б. – С. 5-33.

2. Каманова тэчасног да артманног. Учебнöй пособие. – Сыктывкар, 2002. 40 л. б.

3. Карманова тэчасног. Кывартмöм (грамматическöй разбор): Методическöй индöдъяс. Сыктывкар, 1991.

4. , Панюкова артмöдан кыввор. – Сыктывкар, 1999. 155 л. б.

5. Прокушева тэчас да артманног. Удж сикасъяс. Учебно-методическöй пособие. – Сыктывкар, 2003. 38 л. б.

4 тема. Кывъяслöн морфологическöй тип йылысь понятие. Коми кывлöн морфологическöй тип, сылöн подув агглютинирующöй признакъяс. Коми кывйын мукöд типа кывъяслöн признакъяс. Грамматика тэчасын öнія кадся типологическöй вежсьöмъяс

4 тема «Кывъяслöн морфологическöй тип» воссьö лингвистикаын «тип» да «типология» понятиеяс восьтöмсянь. Тайö материал мыджсьö «Öтувъя кывтуялöмö пыртöд» подув курс вылö, кöні студентъяс кутшöмакö тöдмасисты нин мушар вывса кывъяслöн öткодь да торъялана признакъясöн, тöдöны нин, мый кывъяс позьö сикасавны некымын признак серти, эмöсь разнöй классификацияяс. Тайö программаын пуктöма мог – тöдчöдны коми кывлысь морфологическöй типсö, петкöдлыны сылысь подув агглютивнöй кывъяслы лöсялана признакъяссö, а сідзжö тöдчöдны коми кывйын мукöд типа кывъяслöн признакъяслысь петкöдчöмъяссö.

Студент должен тöдны öтувъя лингвистика понятиеяс (кывлöн тип: «тип языка» и «тип в языке», кывъяслöн типологическöй классификация, агглютинация, флексация, синкретизм, аналитизм, инкорпорация); коми кывлысь подув характерстикаяс, кодъяс лöсялöны агглютинативнöй кывъяслы; коми кывйын флективнöй, изолирующöй да инкорпорирующöй кывъяслы лöсялана признакъяс.

Быть лыддьöм вылö литература:

1. Öнія коми кыв. Морфология/ , , / Под ред. . – Сыктывкар: Коми кн. изд., 2000. – 542 с. – С. 23-27.

Содтöд лыддьöм вылö литература:

1.Типологическая классификация языков. Типология / Лингвистический Энциклопедический словарь. – М. 1999. 683 с. – С. 511-514.

2. Федюнева состав и морфологический тип коми языка / Научные доклады/ Коми Науч. центр УрО Рос. АН. – Сыктывкар, 1992 вып. 294. – 37 с.

3. Тираспольский курс языкознания. – Сыктывкар, 1999. 155 с. –С. 97-107.

Темаысь 1 практическöй удж

Коми кывлöн морфологическöй тип. Агглютинация коми кывйын петкöдчöм. Торъякывъяс морфема тэчас боксянь видлалöм, вежöртас тöдчöдöм, кывдін(ъяс) индöм (2 час).

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Мый сійö морфология типыс?

- Тöдчöдöй кывъяслöн типология классификация йылысь.

- Тöдчöдöй коми кывлöн морфологическöй тип йылысь да сылы лöсялана подув агглютинирующöй признакъяс йылысь.

- Тöдчöдöй коми кывйын мукöд типа кывъяслöн признакъяссö.

2 удж. «Коми кыв морфологияысь практикум» велöдчан небöгысь практика удж вöчöм (11 (V) удж, 13-14 л. б.). Висьтавны торъялöны-ö öта-мöдсьыныс пасйöм торъякывъясыс сетöм сёрникузяясас, öти вужъяöсь-ö найö. Тöдчöдны торйöдан признакъяссö.

Темаысь 2 практическöй удж

«МОРФЕМИКА» курс юкöнысь КОНТРОЛЬНÖЙ УДЖ (2 час)

1 №-а вариант

Удж. Вайöдöм текст подув вылын видлалöй да тöдчöдöй:

- кутшöм морфемаяс лоöны кыв вежлаланаясöн: 1) эмакывъяс пöвстын; 2) кадакывъяс пöвстын. Пасйöй налысь грамматикаа вежöртассö;

- кутшöм морфонология вежсьöм улö веськалöны торъякывъяс. Выпишитöй найöс да гöгöрвоöдöй вежсьöмсö;

- кутшöм морфемаяс артмöдöны омоморфемаяс, вайöдöй видлöгъяс, тöдчöдöй морфема вежöртасъяссö;

- видлалöй тэчасногсö текстын визьнитöм торъякывъяслысь

Торйöн збоймис Журка тувсов лунъяс пуксьöм бöрын. Мичаммис ачыс, ёнмис.

Журкаöс лэдзисны ывлаö урокъяс бöрын. Ыбъяслöн войвыв банъясыс вöліны еджыдöсь на. Но челядь пиысь кодкö кылöма шоныдінысь воысь турияслысь гöлöссö. А, гашкö, вöліны буретш найö, кодъяскöд Журка мöдöдчыліс арнас. Тöвбыднад челядь велалісны лэбач дорö, жаль лои торйöдчынысö. Тыдалö, Журкалы эз жö вöв долыд…

Вöзйысис сэтшöма, а ывлаö петкöдöм бöрын лэбзьыны эз думайт. Тапъялö-ветлöдлö, чатрасьö. Кыськö виччысьтöг уськöдчис ичöтик пон. Мöдыс повзис, чепöсйис пышйыны, сэсся öдöбтöмöн тойыштчис вывлань, качöдчис. Челядь горзöны, быдöн висьталöны мелі кывъяс бурсиöмъяс.

Тури вöчис кытш юръяс весьтті, кымыныськö горöдіс, тыдалö, аттьöаліс тöвйöдысьясöс, сэсся веськöдчис вöрлань. Дерт, лэбавны чужöм ловлы лöз енэжті, помтöм-дортöм ывла вылыс вöлі ёна мусаджык керкаын олöм дорсьыд (В. Торопов).

2 №-а вариант

Удж. Сетöм текст юкöнысь видлалöй:

- торъякывъяссö сикасалöй артмöм (производнöй) да артмытöм (производнöйтöм) кывдiнаяс вылö. Артмöм кывдiнаясыслысь аддзöй артмöдысьсö (производящöйсö);

- тöдчöдöй кадакывъяслысь форма артмöдан суффиксъяссö да налысь вежöртассö;

- тырвыйö видлалöй морфемаяс боксянь визьнитöм торъякывяссö.

1 вариант. Октöм пищальöн Павел веськöдчис сылань, кодарö лöзовтiс-лэбис пöтка. Но бара на эз мойви Павеллы. Сьöла водзджык казялiс сiйöс да жбырöбтiс, öвтчысь коз лап сöмын колис ас пыддиыс. Сöмын тайö пöрйö Павел вежöртiс нин сьöлаыдлысь ас ногыс мудералöмсö: вöлöмкö, лэбас-лэбас да друг чукыльтас пуксьытöдзыс на, мед пöрйöдлыны корсьысьсö. Тайöс артыштöмöн, коймöдысядтö, Павел эз нин веськыда сибöдчы, а неуна шуйгавыв сетчыштiс. Шуд вылад, тшук сэсся и воис – ылысянькодь на гоньялысь юрсö казялiс (Г. Юшков).

2 вариант. Но эз сöмын рассялöм Сибир туйыс, тшöтш и кöдзыдыс падмöдiс няньла мунысьясöс. Войяснас енэжыс пасьтала сэзьмывлiс, и кузя-кузя нюжавлiс сэтi чусалан кодзувъяса да ломалан кöдзыд би кывъяса дзодзöг туй (дзодзöг туй – млечный путь), быттьö няньла мунысьяс жö узьмöдчöмаöсь сэнi ноддяяс дiнö, а тöлысьвывса карнана ныв шогалö на понда. И кылö быттьö енэжса ноддяясыслöн трачкöдчöмыс: шковгö-лыйсьö кöдзыдыс сы ни садь узьысь вöрас (Г. Юшков).

3 вариант. «Ныв кö-а?» – чуймис Павел, кылiс восьса небыд гöлöссö да. Видзöдлiс сюсьджыка. Ныв и эм! Чегыштöм сьöд синкымъяса, дзебыштöм-вöйыштöм пемыдвеж синъяса. Гожъялöм зэлыд бандзибъясыс тöдчöдöны шöракостсьыныс лöсьыда тшöтшмаммöм ичöтик нырсö. Вом доръясыс гöрдышталöны, быттьö сöмын на пывсянысь петöма (Г. Юшков).

4 вариант. Дась ляпкыд лымйöн ур кыйны позьö петавны и. Воан выйын нин вöлi урыс, öтикöс зэв матысь аддзылiс да, кынöм ув еджыдсö сöмын нин гöрдов гöныс быгöртыштöма муртса, вылысыс гöгöр нин югъялан лöз. А тайö кöдзыдалöмсьыс, дерт нин, воис. Но бара жö он петав, буракö. Понйыдлысь на лимзалöмсö лоö кывзыны, сэтшöма нин коньöрлöн бырöма гажыс гулыд вöрсьыс, курччалöмысла да нетшкысьöмысла бонзьöдöма нин дом гезсö (Г. Юшков).