Рабочая программа дисциплины «Современный коми язык. Словообразование. Морфология» (стр. 8 )

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Мый сійö грамматика категорияыс?

- Мый сійö вежлöгасьöм да кутшöм вежлöгасьöмъяс торйöдöны коми эмакывлысь?.

- Тöдчöдöй эмакывлöн индан-асалан категория, сылöн сöвмöм да öнія кадö вежсьöмъяс да водзö сöвман туйяс йылысь.

2 удж. «Коми кыв морфологияысь практикум» велöдчан небöгысь практика удж вöчöм (38 (I) удж, 39 л. б.). Аддзыны öтка лыда эмакывъяссö, тöдчöдны налысь лыд вежöртассö.

3 удж. «Коми кыв морфологияысь практикум» велöдчан небöгысь практика удж вöчöм (42 удж, 42 л. б.). Сетöм кывбурысь видлавны эмакывъяссö, висьтавны вежлöгсö, сылысь формасö, пасйыны вежлöг вежöртассö.

Темаысь 3 практическöй удж

Коми кывйын эмакыв. Эмакывлöн индан-асалан грамматическöй категория, сылысь грамматика формаяс видлалöм-донъялöм. Асалысь да асалантор формаяс (2 час).

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Мый сійö морфология типыс?

- Тöдчöдöй кывъяслöн типология классификация йылысь.

- Тöдчöдöй коми кывлöн морфологическöй тип йылысь да сылы лöсялана подув агглютинирующöй признакъяс йылысь.

- Тöдчöдöй коми кывйын мукöд типа кывъяслöн признакъяссö.

2 удж. «Коми кыв морфологияысь практикум» велöдчан небöгысь практика удж вöчöм (50 (1-10) удж, 48 л. б.). Эмакывъяссö сувтöдны лöсялана индан-асалан формаö, гöгöрвоöдны сувтöдан формаыслысь грамматика вежöртассö.

3 удж. «Коми кыв морфологияысь практикум» велöдчан небöгысь практика удж вöчöм 41 (1-11) удж, 41 л. б.). Торйöдöм эмакывъяслысь индыны-тöдчöдны вежлöгсö, висьтавны вежлöгасьöм сикассö да пасйыны вежлöг чукöрсö.

Студентъяслöн асшöр удж

Асшöра видлалöм-донъялöм вылö вöзъян тема:

Коми эмакыв. Эмакыв морфология аслыспöлöслун, Эмакыв морфология боксянь видлалöм-донъялöм (10 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгъясöн, лекция конспектъясöн асшöра уджалöм метод да эмакыв асшöра видлалöм-донъялöм (абу аудиторнöй).

Удж форма: Темаысь лекция конспектъяс видлалöм-велöдöм, обработайтöм да донъялöм. Вöзъяна велöдан литература лыддьöм да донъялöм. Велöдчан небöгъясысь практика удж асшöра вöчöм ( «Коми кыв морфологияысь практикум» велöдчан небöгысь уджъяс: 35 (I, II) удж, 36-37 л. б.; 40 удж, 41 л. б.; 47 удж, 46 л. б.; 53 удж, 50 л. б.54 удж, 51 л. б.).

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1-3 практическöй занятиеяс дырйи гортса удж прöверитігöн, а сідзжö экзамен дырйи студентъяслысь теория да практика юкöнсö эмакыв серти донъялігöн.

Асшöра велöдöм вылö вöзъяна литература:

1. Некрасова öг перым кывъясын: пертас, вежöртас, артманног. Велöдчан небöг. Сыктывкар, 2004. 117 л. б.

2. Некрасова L-овых падежей в пермских языках: происхождение и семантика. – Сыктывкар, 2002. 166 с.

3 тема. Кывберд. Кывбердлöн категориальнöй вежöртас, сылöн грамматика боксянь аслыспöлöслун да синтаксическöй функцияяс. Коми кывбердлöн роч кывбердысь торъялöм.

3.1. Кывбердлöн лексико-грамматическöй кывчукöръяс. Качественнöй да относительнöй кывбердъяс, налöн торъялöм вежöртас, артмöм да функцияяс серти.

3.2. Кывбердлöн кыввежлалан система. Кывбердлöн лыд категория. Уна лыд петкöдлысь суффикслöн синтаксическöй функция. Эмакыв да кывбердлöн лыд серти ладмöдöм.

3.3. Öткодялан тшупöдъяс категория, сылöн формаяс да вежöртасъяс. Öткодялан тшупöдъяс категориялöн качественнöй да относительнöй кывбердъяслöн формаясöн торъялана вöдитчöм.

3.4. Качество тшупöдъяс категория, сылöн абу регулярнöй характер.

3 темалöн мог – сетны коми кывберд йылысь тырвыйö паськыд видзöдлас. Торъя ыджыд тöдчалун тайö кывсикассö велöдігöн колö сетны сэтшöм характеристикаяслы, морфология боксянь омоля вежласьöм да синтаксискöд топыда йитчöм, тöдчöдны, мыйöн коми кывберд торъялö роч прилагательнöйысь.

Студент должöн тöдны кывбердлысь кыдзи подув кывсикаслысь категориальнöй вежöртасъяссö, сылöн грамматика боксянь аслыспöлöслунсö да синтаксическöй функцияяссö; коми кывбердлысь роч кывбердысь торъялöм. Подув тöдöмлунъясö пырöны: коми кывбердлöн лексико-грамматическöй кывчукöръяс: качественнöй да относительнöй кывбердъяс; найöс торйöдан принципъяс, торъялана характеристикаяс вежöртас, артмöм да функцияяс серти; кывбердлöн лыд категория, уна лыд петкöдлысь суффикслöн синтаксическöй функция; эмакыв да кывбердлöн лыд серти ладмöдчöм; öткодялан тшупöдъяс категория, сылöн формаяс да вежöртасъяс; качественнöй да относительнöй кывбердъяслöн вöдитчöм; качество тшупöдъяс петкöдлысь суффиксъяс, кванторъяс да мукöд способъяс.

Студент должен кужны быд боксянь анализируйтны кывберд, тöдчöдны грамматика категорияяс, сетны сылы тырвыйö морфологическöй характеристика серникузя пытшкын.

Быть лыддьöм вылö литература:

1. Öнія коми кыв. Морфология / , , / Под ред. . – Сыктывкар: Коми кн. изд., 2000. – 542 с. – С. 96-139.

Содтöд лыддьöм вылö литература:

1. Современный коми язык: Учебник для высших учебных заведений. В 2-х ч. / Под ред. . Ч. I. Фонетика, лексика, морфология. - Сыктывкар, 1955. - 312 с. – С. 158-179.

2. Öнiя коми кыв. Морфология. (Нима кывсикасъяс): Спецкурсысь учебнöй пособие. Сыктывкар, 1994. 77 с. – С. 44-52.

3. Карманова коми язык (Морфология): Учебное пособие. Пермь-Сыктывкар, 1980. 94 с. – С.59-68.

4. , Цыпанов öр кывсикасъяс коми кывйын: Учебнöй пособие – Сыктывкар, 1991.- 96 с. – С. 22-27.

Темаысь 1 практическöй удж

Коми кывйын кывберд. Кывбердлöн лексико-грамматическöй кывчукöръяс да грамматика категорияяс Кывбердъяс морфология боксянь видлалöм-донъялöм (2 час)

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Мый сійö кывбердыс?

- Тöдчöдöй коми кывбердлысь лексико-грамматическöй кывчукöръяс.

- Кутшöм грамматика формаяс да вежöртасъяс лöсялöны коми кывбердлы?

2 удж. «Коми кыв морфологияысь практикум» велöдчан небöгысь практика удж вöчöм (55 (1-8) удж, 53-54 л. б.). Сетöм сёрникузяяссьыс аддзыны кывбердъяс, сикасавны найöс лексико-грамматическöй чукöръяс серти.

3 удж. «Коми кыв морфологияысь практикум» велöдчан небöгысь практика удж вöчöм 63 (1-6) удж, 60 л. б.). Видлавны кывбердъяссö да тöдчöдны, кыдзи петкöдчö кывбердлöн качество тшупöдыс, мый отсалö стöчмöдны кывбердлысь качество вежöртассö, кутшöм кывсикасъясыс сійöс петкöдлöны.

4 удж. «Коми кыв морфологияысь практикум» велöдчан небöгысь практика удж вöчöм 68 (1-7) удж, 62-63 л. б.). Висьтавны, тырвыйö-ö либö эз субстантивируйтчöмны торйöдöм кывъясыс да гöгöрвоöдны. Тöдчöдны грамматика формаяссö да вежöртассö.

Студентъяслöн асшöр удж

Асшöра видлалöм-донъялöм вылö вöзъян тема:

Коми кывберд. Кывбердлöн морфология аслыспöлöслун, Кывберд морфология боксянь видлалöм-донъялöм (6 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгъясöн, лекция конспектъясöн асшöра уджалöм метод да кывберд асшöра видлалöм-донъялöм (абу аудиторнöй).

Удж форма: Темаысь лекция конспектъяс видлалöм-велöдöм, обработайтöм да донъялöм. Вöзъяна велöдан литература лыддьöм да донъялöм. Велöдчан небöгъясысь практика удж асшöра вöчöм ( «Коми кыв морфологияысь практикум» велöдчан небöгысь уджъяс: 56 удж, 54-55 л. б.; 60 (I, II) удж, 56 л. б.; 66 удж, 62 л. б.).

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1 практическöй занятие дырйи гортса удж прöверитігöн, а сідзжö экзамен дырйи студентъяслысь теория да практика юкöнсö кывберд серти донъялігöн.

Асшöра велöдöм вылö (бöрйöмöн) литература: