Рабочая программа дисциплины «Современный коми язык. Словообразование. Морфология» (стр. 18 )

4.  Черных семантика производных отыменных глаголов в коми языке в сопоставлении с русскими // Взаимодействие финно-угорских и русского языков. Сыктывкар, 1984. – С. 12-19.

«ÖНіЯ КОМИ КЫВ. МОРФЕМИКА. МОРФОЛОГИЯ. КЫВАРТМÖМ» КУРСЫСЬ КОНТРОЛЬНÖЙ УДЖ ВЫЛÖ ВÖЗЙÖМ ВАРИАНТЪЯС

1 №-а контрольнöй удж

1 №-а вариант

Удж. Вайöдöм текст подув вылын видлалöй да тöдчöдöй:

- кутшöм морфемаяс лоöны кыв вежлаланаясöн: 1) эмакывъяс пöвстын; 2) кадакывъяс пöвстын. Пасйöй налысь грамматикаа вежöртассö;

- кутшöм морфонология вежсьöм улö веськалöны торъякывъяс. Выпишитöй найöс да гöгöрвоöдöй вежсьöмсö;

- кутшöм морфемаяс артмöдöны омоморфемаяс, вайöдöй видлöгъяс, тöдчöдöй морфема вежöртасъяссö;

- видлалöй тэчасногсö текстын визьнитöм торъякывъяслысь

Торйöн збоймис Журка тувсов лунъяс пуксьöм бöрын. Мичаммис ачыс, ёнмис.

Журкаöс лэдзисны ывлаö урокъяс бöрын. Ыбъяслöн войвыв банъясыс вöліны еджыдöсь на. Но челядь пиысь кодкö кылöма шоныдінысь воысь турияслысь гöлöссö. А, гашкö, вöліны буретш найö, кодъяскöд Журка мöдöдчыліс арнас. Тöвбыднад челядь велалісны лэбач дорö, жаль лои торйöдчынысö. Тыдалö, Журкалы эз жö вöв долыд…

Вöзйысис сэтшöма, а ывлаö петкöдöм бöрын лэбзьыны эз думайт. Тапъялö-ветлöдлö, чатрасьö. Кыськö виччысьтöг уськöдчис ичöтик пон. Мöдыс повзис, чепöсйис пышйыны, сэсся öдöбтöмöн тойыштчис вывлань, качöдчис. Челядь горзöны, быдöн висьталöны мелі кывъяс бурсиöмъяс.

Тури вöчис кытш юръяс весьтті, кымыныськö горöдіс, тыдалö, аттьöаліс тöвйöдысьясöс, сэсся веськöдчис вöрлань. Дерт, лэбавны чужöм ловлы лöз енэжті, помтöм-дортöм ывла вылыс вöлі ёна мусаджык керкаын олöм дорсьыд (В. Торопов).

2 №-а вариант

Удж. Сетöм текст юкöнысь видлалöй:

- торъякывъяссö сикасалöй артмöм (производнöй) да артмытöм (производнöйтöм) кывдiнаяс вылö. Артмöм кывдiнаясыслысь аддзöй артмöдысьсö (производящöйсö);

- тöдчöдöй кадакывъяслысь форма артмöдан суффиксъяссö да налысь вежöртассö;

- тырвыйö видлалöй морфемаяс боксянь визьнитöм торъякывяссö.

1 вариант. Октöм пищальöн Павел веськöдчис сылань, кодарö лöзовтiс-лэбис пöтка. Но бара на эз мойви Павеллы. Сьöла водзджык казялiс сiйöс да жбырöбтiс, öвтчысь коз лап сöмын колис ас пыддиыс. Сöмын тайö пöрйö Павел вежöртiс нин сьöлаыдлысь ас ногыс мудералöмсö: вöлöмкö, лэбас-лэбас да друг чукыльтас пуксьытöдзыс на, мед пöрйöдлыны корсьысьсö. Тайöс артыштöмöн, коймöдысядтö, Павел эз нин веськыда сибöдчы, а неуна шуйгавыв сетчыштiс. Шуд вылад, тшук сэсся и воис – ылысянькодь на гоньялысь юрсö казялiс (Г. Юшков).

2 вариант. Но эз сöмын рассялöм Сибир туйыс, тшöтш и кöдзыдыс падмöдiс няньла мунысьясöс. Войяснас енэжыс пасьтала сэзьмывлiс, и кузя-кузя нюжавлiс сэтi чусалан кодзувъяса да ломалан кöдзыд би кывъяса дзодзöг туй (дзодзöг туй – млечный путь), быттьö няньла мунысьяс жö узьмöдчöмаöсь сэнi ноддяяс дiнö, а тöлысьвывса карнана ныв шогалö на понда. И кылö быттьö енэжса ноддяясыслöн трачкöдчöмыс: шковгö-лыйсьö кöдзыдыс сы ни садь узьысь вöрас (Г. Юшков).

3 вариант. «Ныв кö-а?» – чуймис Павел, кылiс восьса небыд гöлöссö да. Видзöдлiс сюсьджыка. Ныв и эм! Чегыштöм сьöд синкымъяса, дзебыштöм-вöйыштöм пемыдвеж синъяса. Гожъялöм зэлыд бандзибъясыс тöдчöдöны шöракостсьыныс лöсьыда тшöтшмаммöм ичöтик нырсö. Вом доръясыс гöрдышталöны, быттьö сöмын на пывсянысь петöма (Г. Юшков).

4 вариант. Дась ляпкыд лымйöн ур кыйны позьö петавны и. Воан выйын нин вöлi урыс, öтикöс зэв матысь аддзылiс да, кынöм ув еджыдсö сöмын нин гöрдов гöныс быгöртыштöма муртса, вылысыс гöгöр нин югъялан лöз. А тайö кöдзыдалöмсьыс, дерт нин, воис. Но бара жö он петав, буракö. Понйыдлысь на лимзалöмсö лоö кывзыны, сэтшöма нин коньöрлöн бырöма гажыс гулыд вöрсьыс, курччалöмысла да нетшкысьöмысла бонзьöдöма нин дом гезсö (Г. Юшков).

2 №-а контрольнöй удж

Удж. Гижöй текстсö пунктуация пасъяс да тырмытöм шыпасъяс тэчöмöн, скобкаяс восьталöмöн. * пасöн тöдчöдöм торъякывъяссö сикасалöй асшöр да отсасяна кывсикасъяс вылö, тöдчöдöй налы лöсялана морфология признакъяссö. ** пасöн тöдчöдöм торъякывъяссö тырвыйö видлалöй морфология признакъяс серти. Висьталöй, торъялöны-ö текстын торйöдöм кывъясыс.

I ВАРИАНТ. А* кадыс вöлі август пом оняліс мича гожся** лун пыдöстöм лöз енэжöд кывтісны шоч…ник еджыд кымöр…яс сöстöм быг ёкмыльяс (кодь) пушыд да кокни кымöр…яс гожся (моз) (на)* нялйис (пöжис) рыт…я (дор)* катов…чöм шонді. Вöлі лöнь куш (инъясын) сöмын ыркн…тліс кыськö друг* мынöм вильыш тöв (ру) и тайö лöняс кыдзкö зэв* нин ясыда кыліс быд* шы и гут (лöдзлöн) сынысьяс (гöгöр) дзизгöмыс и вужляяс (бердын) югыд визлачлöн сяльö…чöмыс и пу öключинаясын пелысьяслöн дзуртышталöмыс и пелыс лопъяслöн сöстöм ваын тёльскö…чöмыс…

Юыс чукыля (мукыля)* визувтіс топыд берегъяс (костын) ворйöд (моз). Воча* волісны тшем* вöра козъя (инъяс) и сэки* ю (весьтö) и быдлаö кыдзи (сюрö)* нёрöм пуяс весиг быттьö сайöдлісны югыд (лунсö). (…) Но сэсся* пыжа регыд бöр петавліс восьса (инö) югыд (инö) берег (пöлöнса) векнь…дик видз…яс (вылö) кöні* тшöкыда быдмисны льöм да пелысь торйöн (нин) уна льöм и сэки ставыс бöр вежсьыліс**. Матыс…чысь** арыс чишкалыштöма (нин) пушкыр льöм (кустъяссö) вижа (гöрдöн) да синмад** шыби…чанаджыка сярвидзöны чим (сьöд) тусьяса розъяс и ловтö мавтыштысь чöскыд льöм (пу) кöрыс быттьö* сирзь…сьöма** шоныд сынöдас. Но торйöн (нин) мичаöсь сулалöны видз (торъяс) (вылын) пелысьяс сорс (моз) лэчыда вундалöм кор…яс (пöвстас) пелысьыс быттьö ырзьö (ломалö) би (кинь) туг…ясöн да* личкöмöн (личкö) ув…яссö** (И. Торопов).

II ВАРИАНТ. Лун (тыр)* шлапк…с (лым…ліс). Пемыд войыс Каневöс суис туяс*. Кöть нöйтöм пон (кодь) жугыльöн кыліс асьсö* Виктор вермис на* эськö* чомлань ныр (визьсö)* кутны но сувтöдіс дадь (увсö) ичöтик шор (бокö)*. Вöжжи (выв) кöрыс юр (нуöдысьыс) чатрасьыштіс здук оз (ö)* кöзяиныс веж думъяс…ö но кöзяин быттьö измöма аслас** дадь (вылö). Кöр сулалыштіс на бур здук* веськöдіс мудзсö да* вöлисти кокыштіс васöд* лымсö заводитіс исöдалыштны нитшкаджык (инъяссö).

Шор (бокас) кы…чö озджык** инмы тöлыс Виктор домис дадь (увсö). Амдёр (увсьыс) еджыд кöр воль (улысь) кодöс вöлі павгöма дадь (вылас) перйис мешöкысь тупöсь нянь шöрыштіс кыза чунь кыза вый (тор…ясöн) сійöс вевттис. Тупöссьыс** коляссö Виктор вердіс Дзолюк нима* вöжжи (выв)* кöрлы.

Дзолюк кокни… ньылаліс нянь шöрöм…яссö байкöдана унзіль* руöн юрас** кучкис вына нянь кöрыс лигыш (муніны) кок…ясыс куньсисны синъясыс. Дадь (бокас) небыд лым (вылö) веськыд бок (выв) лэ…чысис (ритшнитіс) сьöкыд тушанас кок…яссö лöсьыда сюркняліс кынöм (улас) кыпö…чыліс (кодь)** на быттьö лöсьöдіс улыссö да ланьтö…чис.

… Дзолюк эз тöдлы важенка-мамлысь мелі (лун) и стадаын дзик (не) кодлысь** Мортлысь кындзи*. Кор первойысь* восьтіс синъяссö да а…дзис лым…я* эрдсö тірзьыны кутіс повзис ывлаас кöдзыд весиг шыавнытö он лысьт медым* кöдзыд руыс эз* сатшась горшад. Матыс…чис сы (дорö) öнія** кöзяиныс зыраліс гöна кепысьнас чорыд лымйöн зыраліс гöгöр (бок)* васöд гöныс косьмис пашкыр…чис. Вошис йирмöгыс заводитіс ымравны вир (яйыс).

Бöрыннас* быдмыштöм бöрын Дзолюк мöдіс чöсмасьны турун…ясöн. Шомаыс юмо…ыс курыдыс кутшöм кöрыс сöмын абу* вежöдöм турунас. А аръя (вылыс)* кутшöм* любö котравны тшак корс…гöн*! (Е. Рочев).

III ВАРИАНТ. Ёна и гажа (инö)** вöчлöмны куд (кодь)* турунас…н керкасö быттьö ки пыдöс (вылын) сійö гöгöр (боксянь) тыдалö тайö* видз (дорса) кыр (йылас). Пожöм* кер…ясысь тшупöм стенъясыс гöрдöдыштöмны* да дзирдалöны шонді водзын торйöн нин* асывъясын да рытъясын кор петысь* да дзебсьысь* шонділöн алöй (гöрд) би (киньясыс) вачкöны стенас паныд*. Весиг ытва дырйи* ваыс оз* босьтлы мыльксö. А гожся** ыркйöдлысь тöлыс вылын местаысь чышкö (нöбалö) бы…сяма* геб (öвадсö) вöрланьö найöс синö.