Рабочая программа дисциплины «Современный коми язык. Словообразование. Морфология» (стр. 9 )

1. Лудыкова кывбердлöн грамматика да вежöртас. Сыктывкар: Изд-во СыктГУ, 1999. 120 с.

2. Лудыкова кывбердлöн синтаксис. - Сыктывкар, 2003. 104 с.

4 тема. Лыдакыв. Лыдакывлöн категориальнöй вежöртас да грамматика боксянь аслыспöлöслун.

4.1.Лыдакывлöн лексико - грамматическöй кывчукöръяс. Подув лыдакывъяс. Юклöм да ылöс лыдакывъяс, налöн тэчас.

4.2. Лыдакывлöн грамматическöй категорияяс. -öд суффикса порядок вылö индысь категория. - нан суффикса öтвывтан категория.

4.3. Лыдакывлöн эмакыв туйын петкöдчöм (транспозиция) да сылöн грамматика боксянь тöдчанлун.

4 тема программа серти сиöма коми кывйын лыдакыв видлалöмлы. Медшöр – петкöдлыны лыдакывлысь мукöд кывсикасъяс дорысь торъяланлунсö, сылысь кыв пытшкын абуасшöрлунсö, тöдчöдны сійöс кыдзи сораса кывсикасöс, кодлöн граматика боксянь öтувъялун абу.

Студент должöн тöдны лыдакывлысь категориальнöй вежöртассö, сылысь вежласян парадигмаяс да ситнтаксическöй функция. Та вöсна колö тöдны: лыдакывлöн лексико - грамматическöй кыъяс да кывчукöръяс: подув, юклöм да ылöс петкöдлысь лыдакывъяс, налöн тэчасыс да кывйын паныдасьöмыс; лыдакывлöн грамматика категорияяс: порядок вылö да öтувъя лыд вылö индысь категорияяс; лыдакывлöн эмакыв туйын петкöдчöм (транспозиция) да сылöн грамматика боксянь тöдчанлун.

Студент должен кужны сетны лыдакывлы тырвыйö морфологическöй характеристика серникузя пытшкын, тöдчöдны сылысь разряд, грамматика категория, синтаксическöй функция.

Быть лыддьöм вылö литература:

1.  Öнія коми кыв. Морфология / , , / Под ред. . – Сыктывкар: Коми кн. изд., 2000. – 542 с. – С. 139-155.

2.  Пунегова кыв морфологияысь практикум. Велöдчан небöг. – Сыктывкар, 2007.142 л. б.

Содтöд лыддьöм вылö литература:

1. Современный коми язык: Учебник для высших учебных заведений. В 2-х ч. / Под ред. . Ч. I. Фонетика, лексика, морфология. - Сыктывкар, 1955. - 312 с. – С. 179-191.

2. Öнiя коми кыв. Морфология. (Нима кывсикасъяс): Спецкурсысь учебнöй пособие. Сыктывкар, 1994. 77 с. – С. 52-59.

3. Карманова коми язык (Морфология): Учебное пособие. Пермь-Сыктывкар, 1980. 94 с. – С.84-92.

4. , Цыпанов öр кывсикасъяс коми кывйын: Учебнöй пособие – Сыктывкар, 1991.- 96 с. – С. 27-31.

Темаысь 1 практическöй удж

Коми кывйын лыдакыв. Лыдакывлöн лексико-грамматическöй кывчукöръяс да грамматика категорияяс Лыдакыв да субстантивируйтан лыдакывъяс морфология признакъяс серти видлалöм-донъялöм. (2 час)

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Мый сійö лыдакыв кыдз кывсикас?

- Тöдчöдöй коми лыдакывлысь лексико-грамматическöй кывчукöръяс.

- Кутшöм грамматика формаяс да вежöртасъяс лöсялöны коми лыдакывлы?

2 удж. «Коми кыв морфологияысь практикум» велöдчан небöгысь «Лыдакыв видлалöм» разделöн тöдмасьöм (63-64 л. б.).

3 удж. «Коми кыв морфологияысь практикум» велöдчан небöгысь практика удж вöчöм 69 (1-5) удж, 65 л. б.). Лыдакывъяссö сикасавны лексико-грамматическöй кыв чукöръяс серти.

4 удж. «Коми кыв морфологияысь практикум» велöдчан небöгысь практика удж вöчöм 71 (1-5) удж, 67 л. б.). Висьтавны, кыдзи петкöдчö ылöс лыд вежöртасыс.

5 удж. «Коми кыв морфологияысь практикум» велöдчан небöгысь практика удж вöчöм 74 удж, 70 л. б.). Сёрникузяяссьыс торйöдны субстантивируйтан лыдакывъяс, тöдчöдны налы лöсялана грамматика признакъяс.

Студентъяслöн асшöр удж

Асшöра видлалöм-донъялöм вылö вöзъян тема:

Коми лыдакыв. Лыдакывлöн морфология аслыспöлöслун, Лыдакыв морфология боксянь видлалöм-донъялöм (4 час).

Студентъяслöн асшöр уджысь контроль форма да методъяс

Велöдысьлöн индöд серти велöдчан небöгъясöн, лекция конспектъясöн асшöра уджалöм метод лыдакыв асшöра видлалöм-донъялöм (абу аудиторнöй).

Удж форма: Темаысь лекция конспектъяс видлалöм-велöдöм, обработайтöм да донъялöм. Вöзъяна велöдан литература лыддьöм да донъялöм. Велöдчан небöгъясысь практика удж асшöра вöчöм ( «Коми кыв морфологияысь практикум» велöдчан небöгысь уджъяс: 70 удж, 65 л. б.; 72 удж, 78 л. б.; 75 (II) удж, 70 л. б.).

Вöчöм уджыс видлавсьö-донъявсьö студентъяскöд вомгора öттшöтшъя уджын темаысь 1 практическöй занятиес дырйи гортса удж прöверитігöн, а сідзжö экзамен дырйи студентъяслысь теория да практика юкöнсö лыдакыв серти донъялігöн.

Асшöра велöдöм вылö литература:

1. Федюнева и числительные: опыт новой интерпретации в свете создания научной грамматики коми языка. – Сыктывкар, 1990. – 60 с. (Научные дклады КНЦ Уральского отделения Российской академии наук. Вып. 241).

5 тема. Нимвежтас, сылöн грамматика вежöртас, морфологическöй признакъяс да сёрникузяын роль.

5.1. Нимвежтаслöн лексико-грамматическöй кыв чукöръяс: эмакыв, кывберд, лыдакыв да урчитан вежысь нимвежтас чукöръяс. Нимвежтаслöн вежöртас серти чукöръяс. Морта да морттöм нимвежтасъяс, на пытшкын лексическöй чукöръяс.

5.2. Эмакыв вежысь нимвежтасъяс, налöн морфология да эмакывлöн грамматическöй категорияясöн вöдитчöмын торъялöм. Лыд категория. Нимвежтас вежлöгасьöмын аслыспöлöслун.

5.3. Кывберд, лыдакыв да урчитан вежысь нимвежтасъяс; налöн морфология да лöсялана категорияясöн вöдитчöмын торъялöм.

5 тема велöдігöн колö босьтны тöд вылö, мый нимвежтаслöн функцияыс сыын, мед петкöдчыны мöд кывсикаса кыв туйын, индыны сы вылö да ворсны сёрникузяын сылысь рольсö. Нимвежтаслöн кыдзи кывсикаслöн аслас грамматическаа категорияяс абуöсь, сiйö вöдитчö сiйö кывсикаслöн категорияясöн, кодöс вежö. Та вöсна сiйö артмöдö зэв сорса кыв чукöр, коді ёна торъялö грамматика боксянь.

Студент должöн тöдны нимвежтаслысь грамматика вежöртассö, морфологическöй признакъяссö да кывпытшса функцияясö. Колö тöдны: нимвежтаслöн лексико-грамматическöй кыв чукöръяс: эмакыв, кывберд, лыдакыв да урчитан вежысь нимвежтасъяс; сылысь вежöртас серти чукöръяс (морта, индана, юалана, стöчмöдтöм, соссяна öтвывтана); морта да морттöм нимвежтасъяслöн системаяс да на пытшса лексическöй чукöръяс; эмакыв вежысь нимвежтасъяслöн эмакывлöн грамматика категорияясöн вöдитчöмын торъялöмъяс; лыд серти вежласьöм; вежлöгасьöмын аслыспöлöслунъяс; кывберд, лыдакыв да урчитан вежысь нимвежтасъяслöн чукöръяс; налöн морфология боксянь характеристикаяс да грамматика категорияясöн вöдитчöм.

Студент должен кужны сетны нимвежтаслы тыр морфологическöй характеристика, тöдчöдны сылысь разряд, грамматика категорияяс, синтаксическöй функцияяс.

Быть лыддьöм вылö литература:

1. Öнія коми кыв. Морфология / , , / Под ред. . – Сыктывкар: Коми кн. изд., 2000. – 542 с. – С.155-207 .

2. Федюнева -грамматические разряды местоимений // Коми язык. Энциклопедия. М., 1998. С.216-218.

Содтöд лыддьöм вылö литература:

1. Современный коми язык: Учебник для высших учебных заведений. В 2-х ч. / Под ред. . Ч. I. Фонетика, лексика, морфология. - Сыктывкар, 1955. - 312 с. – С. 191-207.

2. Öнiя коми кыв. Морфология. (Нима кывсикасъяс): Спецкурсысь учебнöй пособие. Сыктывкар, 1994. 77 с. – С. 59-77.

3. Карманова коми язык (Морфология): Учебное пособие. Пермь-Сыктывкар, 1980. 94 с. – С. 68-84.

4. , Цыпанов öр кывсикасъяс коми кывйын: Учебнöй пособие – Сыктывкар, 1991.- 96 с. – С. 32-44.

Темаысь 1 практическöй удж

Коми кывйын нимвежтас. Нимвежтаслöн лексико-грамматическöй кывчукöръяс. Кывсикас вежöм серти нимвежтасъяс торйöдны велöдчöм да найöс видлалöм (2 час).

Практическöй заняте дырйи уджъяс вöчöм:

1 удж. Вочавидзны юалöмъяс вылö да обсудитны найöс студентъяскöд:

- Мый сійö нимвежтас кыдз кывсикас?

- Тöдчöдöй коми нимвежтаслысь лексико-грамматическöй кывчукöръяс.

2 удж. «Коми кыв морфологияысь практикум» велöдчан небöгысь практика удж вöчöм 77 (1-5) удж, 74 л. б.). Сетöм сёрникузяяссьыс аддзыны нимвежтасъяссö, тöдчöдны нимвежтаслы лöсялана грамматика признакъяс.

3 удж. «Коми кыв морфологияысь практикум» велöдчан небöгысь практика удж вöчöм 79 (1-10) удж, 75-76 л. б.). Видлавны тöдчöдöм нимвежтасъяссö да торйöдны найöс субстантивнöй да адъективнöйяс вылö. Гöгöрвоöдны вочавидзöмтö.